ទស្សនចំនួន ៩ឃ្លា ដែលអាចធ្វើឲ្យអ្នកស្វែងយល់ពីខ្លួនឯងបានកាន់តែច្បាស់ជាងមុន
ខាងក្រោមនេះគឺជាទស្សនចំនួន ៩ឃ្លា ដែលអាចធ្វើឲ្យអ្នកស្វែងយល់ពីខ្លួនឯងបានកាន់តែច្បាស់ជាងមុន៖
- «នៅពេលយើងស្លាប់ រាងកាយរបស់យើងនឹងក្លាយជាស្មៅ ហើយសត្វឈ្លូសនឹងស៊ីស្មៅនោះ។ ដូច្នេះហើយ ពួកយើងទាំងអស់គ្នាសុទ្ធតែមានទំនាក់ទំនងនឹងគ្នានៅក្នុងរង្វង់ដ៏ធំនៃជីវិត។» Mufusa (Lion King)
- «នៅពេលយើងឆ្លងកាត់ជីវិត យើងនឹងមើលឃើញថាមានរឿងជាច្រើនដែលយើងមិនយល់។ ហើយរឿងតែមួយគត់ដែលយើងដឹងនោះគឺអ្វីៗមិនមែនចេះតែទៅតាមការគ្រោងទុករបស់យើងនោះឡើយ។» Mufusa (Lion King)
- «ការផ្លាស់ប្ដូរ ពួកយើងសុទ្ធតែមិនចូលចិត្ត សុទ្ធតែខ្លាចវា។ ប៉ុន្តែយើងមិនអាចបញ្ឈប់វាមិនឲ្យមកបានឡើយ។ បើយើងមិនបត់បែនទៅតាមការផ្លាស់ប្ដូរនោះទេនោះយើងក៏នឹងត្រូវបានគេទុកចោលដែរ។ វាជាការឈឺចាប់ក្នុងការលូតលាស់។ អ្នកណាដែលប្រាប់អ្នកថាវាមិនឈឺចាប់ទេគឺកំពុងតែកុហកហើយ។ ប៉ុន្តែនេះគឺជាការពិត។ មានពេលខ្លះបើអ្វីមួយកាន់តែផ្លាស់ប្ដូរ វានឹងកាន់តែស្ថិតនៅដដែល។ ហើយមានពេលខ្លះការផ្លាស់ប្ដូរគឺជារឿងល្អទេ។ មានពេលខ្លះការផ្លាស់ប្ដូរគឺជាអ្វីៗគ្រប់យ៉ាង។» Grey's Anatomy
- «វាត្រូវបានរកឃើញថាមានពេលខ្លះអ្នកត្រូវធ្វើរឿងដែលខុស។ មានពេលខ្លះអ្នកត្រូវសាងកំហុសដ៏ធំមួយដើម្បីស្វែងរកថាតើធ្វើបែបណាដើម្បីធ្វើឲ្យអ្វីៗត្រឹមត្រូវវិញ។ កំហុសគឺជារឿងឈឺចាប់ ប៉ុន្តែវាគឺជាវិធីតែមួយគត់ដើម្បីស្វែងរកថាតើអ្នកគឺជានរណាពិតប្រាកដ។» Grey's Anatomy
- «អនាគតគឺជាផ្ទះនៃភាពភ័យខ្លាចដ៏ជ្រៅបំផុតរបស់យើងនិងក្ដីសង្ឃឹមដែលពោរពេញដោយការស្រមើស្រមៃបំផុតរបស់យើង។» Grey's Anatomy
- «នៅពេលអ្នកផ្សារភ្ជាប់ជាមួយនឹងភាពស្ងប់ស្ងាត់នៅខាងក្នុងខ្លួនអ្នក វាគឺជាពេលដែលអ្នកអាចយល់ពីការរំខានដែលកើតឡើងនៅជុំវិញខ្លួនអ្នក។» Stephen Richards
- «យើងស្ថិតនៅក្នុងភាពខ្លាំងក្លាបំផុតរបស់យើងខណៈពេលដែលយើងលែងចាំបាច់ត្រូវការខ្លាំងក្លាតទៅទៀត។» Eric Michael Levethal
- «ទស្សនទូទៅគឺជាការបំផ្លិចបំផ្លាញវិញ្ញាណរបស់យើង។» Rumi
- «វាគឺជាផ្លូវរបស់អ្នកហើយជារបស់អ្នកតែម្នាក់គត់។ អ្នកដទៃអាចនឹងដើរលើវាជាមួយអ្នក ប៉ុន្តែគ្មាននរណាម្នាក់អាចដើរលើវាឲ្យអ្នកបានឡើយ។» Rumi
ដោយ៖ ស្រីពៅ
