សុភាសិត ១២ឃ្លា ដែលធ្វើឲ្យអ្នកបានមើលឃើញពីគតិបណ្ឌិតរបស់ជាតិសាសន៍អាមេរិកជនជាតិដើម
ថ្ងៃនេះយើងបានចងក្រងនូវសុភាសិតរបស់អាមេរិកជនជាតិដើមចំនួន ១២ឃ្លា ដែលធ្វើឲ្យអ្នកបានមើលឃើញពីគតិបណ្ឌិតរបស់ជាតិសាសន៍នេះ៖
- «ស្ដាប់សំឡេងធម្មជាតិព្រោះថាវាមាននូវរតនសម្បត្តិសម្រាប់អ្នក។»
- «អកុសលតែងកើតឡើងសូម្បីតែទៅលើបុគ្គលដែលមានបញ្ញាបំផុតនិងបុគ្គលដែលអស្ចារ្យបំផុត។»
- «ការគិតប្រៀបបានទៅនឹងព្រួញ ពេលណាដែលវាត្រូវបានបញ្ចេញមក តែងតែបង្កការឈឺចាប់របួសស្នាម។ ចូរឃ្លាំមើលវាឲ្យបានល្អ ពុំនោះទេអ្នកនឹងក្លាយជាជនរងគ្រោះរបស់ខ្លួនឯង។»
- «សួរសំណួរចេញពីបេះដូងរបស់អ្នក ហើយអ្នកនឹងទទួលបានចម្លើយចេញពីបេះដូងមកវិញដែរ។»
- «ជីវិតមិនមែននៅដាច់ដោយឡែកពីគ្នាពីការស្លាប់នោះទេ។ វាគ្រាន់តែមើលឃើញហាក់ដូចជាបែបនោះប៉ុណ្ណោះ។»
- «មនុស្សជាច្រើនមានប្រាជ្ញាតែមានតិចតួចប៉ុណ្ណោះដែលមានបញ្ញា។»
- «យើងគួរតែធ្វើឲ្យដូចជាទឹក ដែលទាបជាងអ្វីៗទាំងអស់តែរឹងមាំជាងដុំថ្មទៅទៀត។»
- «កុំវាយតម្លៃដោយភ្នែក ចូរប្រើប្រាស់បេះដូងជំនួសវិញ។»
- «តើជីវិតគឺជាអ្វី ? វាគឺជាស្រមោលតូចមួយដែលរត់កាត់ស្មៅនិងរលាយខ្លួនក្នុងថ្ងៃលិច។»
- «មិនមានចម្លើយក៏ជាចម្លើយមួយដែរ។»
- «គ្រប់ភ្លើងទាំងអស់មានទំហំប៉ុនគ្នានៅពេលទើបចាប់ផ្ដើមដំបូង។»
- «គ្រប់សត្វទាំងអស់ដឹងច្រើនជាងអ្នកទៅទៀត។»
ដោយ៖ ស្រីពៅ
