សម្ដីដកស្រង់ចំនួន ១០ឃ្លា ដែលនឹងធ្វើឲ្យអ្នកសញ្ជឹងគិតឡើងវិញពីជីវិតរបស់អ្នក
ខាងក្រោមនេះគឺជាសម្ដីដកស្រង់ចំនួន ១០ឃ្លា ដែលនឹងធ្វើឲ្យអ្នកសញ្ជឹងគិតឡើងវិញពីជីវិតរបស់អ្នក៖
- «នៅចុងបញ្ចប់នៃជីវិតរបស់អ្នក អ្នកនឹងមិនស្ដាយក្រោយដែលមិនបានប្រឡងជាប់ការប្រឡងមួយទៀត មិនបានឈ្នះសាលក្រមមួយទៀត ឬមិនបានព្រមព្រៀងទៅលើការចរចាមួយទៀតនោះឡើយ។ អ្នកនឹងស្ដាយក្រោយដែលមិនបានចំណាយពេលជាមួយស្វាមី មិត្តភ័ក្ដិ កូនៗ ឬឪពុកម្ដាយរបស់អ្នក។» Barbara Bush
- «ពួកយើងឈប់ស្វែងរកមើលបិសាចនៅក្រោមគ្រែរបស់យើងនៅពេលយើងដឹងថាពួកវាស្ថិតនៅខាងក្នុងខ្លួនយើង។» The Joker
- «ខ្ញុំធ្លាប់តែគិតថាពេញមួយជីវិតរបស់ខ្ញុំគឺជាសោកនាដកម្ម។ ប៉ុន្តែឥឡូវនេះខ្ញុំដឹងហើយថាវាគឺជារឿងកំប្លែង។» The Joker
- «គ្មានអ្វីមួយដែលពិតដាច់ខាតនោះឡើយ។ គ្រប់យ៉ាងផ្លាស់ប្ដូរ គ្រប់យ៉ាងធ្វើចលនា គ្រប់យ៉ាងរង្វិល គ្រប់យ៉ាងហោះហើរហើយក៏ទៅឆ្ងាយបាត់។» Frida Kahlo
- «សោកនាដកម្មគឺជារឿងដ៏គួរឲ្យអស់សំណើចបំផុត។» Frida Kahlo
- «គ្រាន់តែដោយសារតែមានមនុស្សបោះវាចោលហើយមិនត្រូវការប្រើវា មិនមែនមានន័យថាវាគឺជាសំរាមនោះឡើយ។» Andy Warhol
- «ខ្ញុំភ័យខ្លាចថាបើអ្នកបានសម្លឹងមើលអ្វីមួយយូរល្មម វានឹងបាត់បង់អត្ថន័យទាំងអស់របស់វា។» Andy Warhol
- «អ្នកនឹងស្រឡាញ់មហាសមុទ្រ។ វាធ្វើឲ្យអ្នកមានអារម្មណ៍ថាតូច ប៉ុន្តែមិនមែននៅក្នុងផ្លូវមិនល្អឡើយ។ តូចក៏ព្រោះតែអ្នកដឹងថាអ្នកគឺជាផ្នែកមួយនៃអ្វីដែលធំជាងនេះ។» Lauren Myracle
- «អ្នកមិនអាចឆ្លងកាត់មហាសមុទ្រនៃជីវិតដោយគ្រាន់តែស្រមៃពីវាបានឡើយ អ្នកត្រូវតែលោតចុះទៅនិងហែល។» Debasish Mridha
- «មហាសមុទ្រគឺជាគ្រប់យ៉ាងដែលខ្ញុំចង់ក្លាយទៅជា។ ស្រស់ស្អាត អាថ៌កំបាំង ធម្មជាតិ និងមានសេរីភាព។» អនាមិក
ដោយ៖ ស្រីពៅ
