សុភាសិតចំនួន ១០ឃ្លា ដែលត្រូវបានបន្សល់ទុកដោយបុគ្គលប្រកបដោយបញ្ញានាសម័យអេហ្ស៊ីបបុរាណ
ថ្ងៃនេះយើងបានចងក្រងនូវសុភាសិតចំនួន ១០ឃ្លា ដែលត្រូវបានបន្សល់ទុកដោយបុគ្គលដែលប្រកបដោយបញ្ញានៅក្នុងសម័យអេហ្ស៊ីបបុរាណ ដែលអ្នកគួរចងចាំទុកក្នុងវិថីជីវិតរបស់អ្នក៖
១) «ពេលដែលងងឹតបំផុតគឺមុនពេលព្រលឹមរៀបនឹងមកដល់។»
២) «អ្វីដែលស្រស់ស្អាតមិនល្អឥតខ្ចោះនោះឡើយ។»
៣) «បុគ្គលដែលបណ្ដោយឲ្យខ្លួនឯងត្រូវបានដឹកនាំដោយបេះដូង នឹងមិនមានថ្ងៃដែលអាចវង្វេងផ្លូវរបស់ខ្លួនឯងនោះឡើយ។»
៤) «ស្គាល់ពីពិភពលោកនៅក្នុងខ្លួនអ្នក។ មិនត្រូវស្វែងរកខ្លួនឯងនៅក្នុងពិភពលោកនោះទេព្រោះការព្យាយាមធ្វើបែបនេះគឺជាការបញ្ចាំងនូវការវង្វេងច្រឡំរបស់អ្នកតែប៉ុណ្ណោះ។»
៥) «ដឹងគឺជាការថតទុកជាប់នៅក្នុងការចងចាំ ប៉ុន្តែដើម្បីយល់គឺត្រូវច្របល់ខ្លួនឯងជាមួយអ្វីមួយនោះនិងយល់វាដោយខ្លួនឯង។»
៦) «រងទុក្ខក្នុងការស្វែងរកការពិតផ្ដល់នូវអត្ថន័យពិតទៅដល់ការពិត។»
៧) «គ្រប់ភាពរីករាយទាំងអស់ វាតែងតែមាននូវការចំណាយដែលត្រូវបង់ថ្លៃ។»
៨) «ទម្លាប់និងការវាយតម្លៃទុកមុនបង្ខូចនូវចក្ខុវិញ្ញាណ។ គ្រប់មនុស្សទាំងអស់តែងគិតថាជើងមេឃរបស់គាត់គឺជាដែនកំណត់នៃពិភពលោក។»
៩) «ចំណេះដឹងមិនប្រាកដថាជាបញ្ញាញាណនោះឡើយ។»
១០) «អ្វីដែលអ្នកធ្វើមិនសំខាន់ខ្លាំងដូចទៅនឹងអ្វីទៅដែលអ្នកបានរៀនសូត្រពីការធ្វើបែបនោះនោះឡើយ។»
ដោយ៖ ស្រីពៅ
