កំពង់ស្ពឺទទួលគម្រោងរោងចក្រតម្លៃជាង៥លានដុល្លារ
គម្រោងរោងចក្រផលិតអំបោះគ្រប់ប្រភេទរបស់ក្រុមហ៊ុន “KANGTAIXIANG TEXTILE CO., LTD.” ដែលមានទុនវិនិយោគប្រមាណជាង៥លានដុល្លារ ត្រូវបានគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា សម្រេចចេញវិញ្ញាបនបត្រចុះបញ្ជីជាស្ថាពរ។
គម្រោងរោងចក្រខាងលើ មានទីតាំងវិនិយោគស្ថិតនៅ ភូមិស្លែង ឃុំមហាសាំង ស្រុកភ្នំស្រួច ខេត្តកំពង់ស្ពឺ ក្នុងទំហំទុនវិនិយោគសរុបចំនួន ៥,៥លានដុល្លារអាមេរិក ព្រមទាំងអាចបង្កើតការងារបានចំនួន ២៥០កន្លែង៕
