សុភាសិតចំនួន ១២ឃ្លា ពីជុំវិញប្រទេស ដែលមានតម្លៃនឹងយកទៅគិតពិចារណា
ថ្ងៃនេះយើងបានចងក្រងនូវសុភាសិតពីជុំវិញប្រទេស ដែលមានតម្លៃនឹងយកទៅគិតពិចារណាចំនួន១២ឃ្លាដូចខាងក្រោមនេះ៖
១) «ត្រីតែងតែស្អុយពីក្បាលទៅមុន។» សុភាសិតអង់គ្លេស
២) «វង្វេងគឺជាការរៀនស្វែងរកផ្លូវ។» សុភាសិតអាហ្វ្រិក
៣) «កំសៀវទឹកដែលត្រូវបានអង្គុយចាំឃ្លាំមើល មិនពុះនោះឡើយ។» សុភាសិតអាមេរិក
៤) «អ្នកអាចគូរផ្កា តែមិនអាចគូរក្លិនរបស់វាបាននោះឡើយ។» សុភាសិតអ៊ីតាលី
៥) «ដីគឺនៅជាអចិន្ត្រៃយ៍ ឯមនុស្សនឹងបាត់បង់។» សុភាសិតរបស់អម្បូរមនុស្ស Maori
៦) «បុគ្គលដែលពិតជាអស្ចារ្យមែន មិនបោះចោលភាពសាមញ្ញរបស់កូនក្មេងឡើយ។» សុភាសិតចិន
៧) «បុគ្គលណាដែលបានលះបង់មនសិការរបស់ខ្លួនដើម្បីមហិច្ឆតា ប្រៀបបាននឹងការដុតរូបភាពចោលដើម្បីទទួលបានកម្ទេចផេះ។» សុភាសិតចិន
៨) «ជនដែលដឹងថាគ្រប់គ្រាន់គឺជាអ្នកមាន។» សុភាសិតចិន
៩) «អ្វីដែលអ្នកមើលឃើញនៅក្នុងខ្លួនឯងគឺជាអ្វីដែលអ្នកមើលឃើញនៅក្នុងពិភពលោក។» សុភាសិតអាហ្វហ្គានីស្ថាន
១០) «ផ្លូវដើរកាន់តែរលូន កាន់តែងាយស្រួលនឹងរអិលដួល។» សុភាសិតអេស្តូនី
១១) «សុខចិត្តធ្វើជាសត្រូវដែលស្មោះត្រង់ប្រសើរជាងមិត្តភ័ក្ដិក្លែងក្លាយ។» សុភាសិតអាល្លឺម៉ង់
១២) «សន្តិភាពនិងភាពស្ងប់ស្ងាត់គឺជាមាស១ពាន់ដុំ។» សុភាសិតចិន
ដោយ៖ ស្រីពៅ
