ថ្ងៃនេះ​យើង​បាន​ដកស្រង់​នូវ​ទស្សន​ចំនួន​១០​ឃ្លា​ពី​កវី​កំណាព្យ​ល្បីៗ​របស់​អាល្លឺម៉ង់ ដែល​អាច​ជួយ​បើក​បំភ្លឺ​ការ​គិត​របស់​អ្នក​ទៅលើ​ជីវិត​ដូច​ខាងក្រោម​នេះ៖

១) ការ​បង្ខិតបង្ខំ​ទៅលើ​ព្រហ្មលិខិត​មាន​រសជាតិ​ល្វីង​ជូរចត់។» Christoph Martin Wieland

២) «ខ្ញុំ​តែងតែ​គិត​ថា​មិន​ថា​អ្នក​និយាយ​អំពី​អ្វីមួយ​ដោយ​ការ​ចេះ​ដឹង​ជ្រៅជ្រះ​ប៉ុណ្ណា​ក៏​ដោយ បុគ្គល​ម្នាក់​មិន​ដឹង​អ្វី​ទាំងអស់​ក្រៅ​តែ​ពី​អ្វី​ដែល​គាត់​បាន​រៀន​សូត្រ​ពី​បទពិសោធន៍​របស់​ខ្លួនឯង​ប៉ុណ្ណោះ។» Christoph Martin Wieland

៣) «អ្វីៗ​ប្រែ​ជា​ខុស​ប្លែក​ពី​មុន​បន្តិច​នៅ​ពេល​ត្រូវ​បាន​និយាយ​ចេញ​មក​ក្រៅ​ឮៗ។» Hermann Hesse

៤) «មនុស្ស​មួយ​ចំនួន​គិត​ថា​ការ​តោង​ឲ្យ​ជាប់​ធ្វើឲ្យ​យើង​រឹងមាំ ប៉ុន្តែ​ផ្ទុយទៅវិញ​វា​គឺជា​ការ​ប្រលែង​ចោល​ទៅវិញ​ទេ។» Hermann Hesse

៥) «វា​មិន​មាន​ការ​ពិត​នោះ​ឡើយ​លើកលែង​តែ​ការ​ពិត​មួយ​ដែល​ស្ថិត​នៅ​ខាងក្នុង​ពួក​យើង។ ហេតុនេះ​ហើយ​ទើប​បាន​ជា​មនុស្ស​ជាច្រើន​បាន​រស់នៅ​ជីវិត​ដែល​មិន​ពិត។ ពួកគេ​យក​រូបភាព​ដែល​នៅ​ខាងក្រៅ​ពួកគេ​ធ្វើ​ជា​ការ​ពិត និង​មិន​អនុញ្ញាត​ឲ្យ​ពិភពលោក​ដែល​នៅ​ខាងក្នុង​ពួកគេ​បង្ហាញ​ពី​អំណាច​របស់​វា​ឡើយ។» Hermann Hesse

៦) «ការ​គេង​គឺជា​រឿង​ល្អ។ ការ​ស្លាប់​គឺ​កាន់តែ​ប្រសើរ​ជាង​នេះ។ ប៉ុន្តែ​ប្រាកដ​ណាស់​ថា​រឿង​ដ៏​ល្អ​បំផុត​គឺជា​ការ​ដែល​មិន​បាន​ចាប់​កំណើត​សោះ​តែ​ម្ដង។» Heinrich Heine

៧) «ទី​កន្លែង​ណា​ដែល​ពួកគេ​បាន​ដុត​សៀវភៅ នៅ​ចុងក្រោយ​ពួកគេ​ក៏​នឹង​ដុត​មនុស្សជាតិ​ដែរ។» Heinrich Heine

៨) «បទពិសោធន៍​គឺជា​សាលា​ដ៏​ល្អ ប៉ុន្តែ​ថ្លៃ​ចំណាយ​របស់​វា​គឺ​ខ្ពស់​ណាស់។» Heinrich Heine

៩) «ខ្ញុំ​តែងតែ​មាន​អារម្មណ៍​និង​កាន់តែ​ស៊ីជម្រៅ​ទៅ​ទៀត​ខ្ញុំ​យល់​ថា ព្រហ្មលិខិត​និង​អត្តចរិត​គឺជា​ទស្សន​តែមួយ។» Novalis

១០) «ពួក​យើង​ជិត​ភ្ញាក់​ដឹង​ខ្លួន​ហើយ​នៅ​ពេល​ដែល​យើង​សុបិន​ឃើញ​ថា​ខ្លួនឯង​កំពុងតែ​សុបិន។» Novalis

ដោយ៖ ស្រីពៅ