សម្រង់គតិចំនួន ៩ ដែលសុទ្ធតែមានខ្លឹមសារជ្រាលជ្រៅអំពីខ្លឹមសារជីវិត
Jake Ducey បាននិយាយថា «ស្ដែងចេញជាចម្លែកទៅកាន់អ្នកដទៃប្រសើរជាងធ្វើជាមនុស្សចម្លែកទៅកាន់ខ្លួនឯង។» យើងត្រូវទទួលស្គាល់ថាមនុស្សម្នាក់ៗសុទ្ធតែមានរបៀបនៅក្នុងការរស់នៅខុសៗគ្នា។ ហេតុនេះវាមិនមែនជារឿងសមហេតុផលនោះឡើយដែលត្រូវបង្ខំនរណាម្នាក់ឲ្យមករស់នៅទៅតាមរបៀបរបស់ខ្លួន។ ប៉ុន្តែ មិនថារបៀបក្នុងការរស់នៅរបស់យើងម្នាក់ៗខុសគ្នាយ៉ាងណាក៏ដោយ តែយើងមិនត្រូវភ្លេចនូវមនសិការរបស់ខ្លួនឯងឡើយ។ មិនថាយើងបត់បែនប៉ុណ្ណាក៏យើងមិនត្រូវរបូតខ្លួនចេញពីឫសគល់នោះដែរ។ មិនថាទស្សនមនុស្សយើងម្នាក់ៗមានភាពខុសគ្នាយ៉ាងណា តែយើងត្រូវតែមានការស្មោះត្រង់ជាមួយខ្លួនឯង។ មិនផ្អែកទៅលើមតិភាគច្រើន ហើយសម្រេចថាអ្វីមួយជារឿងត្រឹមត្រូវ ធ្វើជាមនុស្សចម្លែកទៅកាន់ខ្លួនឯង ហើយក្បត់មិនហ៊ានប្រឈមមុខនឹងមនសិការរបស់ខ្លួនឯងនោះឡើយ។
ចិត្តរបស់ខ្លួនឯង មានតែខ្លួនឯងប៉ុណ្ណោះទើបដឹងច្បាស់។ ថ្ងៃនេះយើងបានដកស្រង់នូវគតិចំនួន៩ ដែលសុទ្ធតែមានខ្លឹមសារជ្រាលជ្រៅអំពីជីវិត៖
១) «ស្ទើរតែគ្រប់បុគ្គលទាំងអស់អាចទ្រាំទ្រជាមួយការលំបាកបាន បើអ្នកចង់ពិសោធន៍អត្តចរិតរបស់បុគ្គលម្នាក់ ចូរផ្ដល់ឲ្យគាត់នូវអំណាច។» Abraham Lincoln
២) «ពួកយើងតែងត្រៀមខ្លួនរួចជាស្រេចសម្រាប់រស់នៅ ប៉ុន្តែមិនដែលធ្លាប់រស់នៅនោះឡើយ។» Ralph Waldo Emerson
៣) «សមិទ្ធផលដ៏ធំធេងបំផុតក្នុងជីវិតរបស់យើងគឺជាការរីករាយជាមួយនឹងរបស់តិចតួច ដែលអាចនឹងមិនមានតម្លៃអ្វីសម្រាប់អ្នកដទៃ។» Hermann J Steinherr
៤) «អ្នកនឹងតែងតែរកឃើញចម្លើយនៅក្នុងសំឡេងរបស់ទឹក។» ជ័ងជឺ
៥) «ស្ដែងចេញជាចម្លែកទៅកាន់អ្នកដទៃប្រសើរជាងធ្វើជាមនុស្សចម្លែកទៅកាន់ខ្លួនឯង។» Jake Ducey
៦) «បើអ្នកមិនធ្លាប់នៅម្នាក់ឯងនោះទេ នោះអ្នកមិនអាចស្គាល់ខ្លួនឯងនោះឡើយ។» Paulo Coelho
៧) «គុកដ៏ធំបំផុតដែលមនុស្សរស់នៅគឺជាភាពភ័យខ្លាចអ្វីដែលអ្នកដទៃគិត។» David Icke
៨) «អ្នកសង្កេតមិននៅដាច់ដោយឡែកពីអ្វីដែលត្រូវបានសង្កេតនោះឡើយ។» អនាមិក
៩) «អ្វីដែលធ្វើឲ្យអ្នកមួម៉ៅ បង្រៀនអ្នកនូវសេចក្ដីអត់ធ្មត់។ មនុស្សណាដែលបោះបង់អ្នកចោល បង្រៀនអ្នកឲ្យចេះក្រោកឈរឡើងជាមួយនឹងជើងទាំងពីររបស់ខ្លួនឯង។ អ្វីដែលធ្វើឲ្យអ្នកខឹង បង្រៀនអ្នកនូវការលើកលែងទោសនិងសេចក្ដីមេត្តា។ អ្វីដែលមានអំណាចលើអ្នក បង្រៀនអ្នកពីរបៀបយកអំណាចរបស់ខ្លួនឯងត្រឡប់មកវិញ។ អ្វីដែលអ្នកស្អប់ បង្រៀនអ្នកនូវសេចក្ដីស្រឡាញ់ដែលឥតមានដែនកំណត់។ អ្វីដែលធ្វើឲ្យអ្នកភ័យខ្លាច បង្រៀនអ្នកនូវសេចក្ដីក្លាហានក្នុងការយកឈ្នះលើភាពភ័យខ្លាចរបស់អ្នក។ អ្វីដែលអ្នកមិនអាចគ្រប់គ្រងបាន បង្រៀនអ្នកឲ្យចេះប្រលែងចោល។» Jackson Kiddard
ដោយ៖ ស្រីពៅ
