សម្ដីដកស្រង់អំពីជីវិតចំនួន ១០ឃ្លា ដើម្បីបំភ្លឺភាពងងឹតនៅក្នុងចិត្តអ្នក
Mark Twain អ្នកនិពន្ធជនជាតិអាមេរិកបាននិយាយថា «កុំចេះតែដើរនិយាយថាពិភពលោកជំពាក់អ្នក។ ពិភពលោកមិនបានជំពាក់អ្វីអ្នកឡើយ។ វាមកនៅទីនេះមុន។» អ្វីដែលយុត្តិធម៌បំផុតគឺជាច្បាប់ធម្មជាតិ។ មិនខ្វល់ថាអ្នកជានរណា ធម្មជាតិដើរទៅមុខហើយមិនឈប់ដោយសារអ្នកនោះឡើយ។ ច្បាប់ធម្មជាតិមិនបត់បែនដោយសារអ្នកជានរណានោះឡើយ។ អ្វីៗដែលកើតឡើងសុទ្ធតែមានហេតុរបស់វា។ មិនមែនដោយសារតែអ្នកមិនអាចដឹងថាហេតុផលនោះជាអ្វី ហើយវាជារឿងត្រឹមត្រូវដែលអ្នកគិតថាហេតុបណ្ដាលនេះមិនត្រូវបានបណ្ដុះគ្រាប់ពូជពីមុនមកនោះឡើយ។ បើអ្នកហែលទៅតាមបណ្ដោយរបស់ចរន្តទឹករបស់ធម្មជាតិជាមុន នោះទើបអ្នកដឹងថាអ្វីៗកើតឡើងមកពីខ្លួនឯងទាំងអស់ពិតមែន។
អ្វីៗដែលកើតឡើងនៅខាងក្រៅ អ្នកអាចមិនមានអំណាចគ្រប់គ្រាន់ក្នុងការផ្លាស់ប្ដូរវាមកតាមចិត្តរបស់ខ្លួនឯង តែមានរឿងតែមួយគត់ដែលមានតែអ្នកប៉ុណ្ណោះដែលអាចមានសិទ្ធិគ្រប់គ្រងបាន នោះគឺជាចិត្តរបស់អ្នក។ អ្វីៗកើតឡើងចេញពីចិត្តមកមុន រួចហើយទើបស្ដែងចេញជាសកម្មភាពឬពាក្យសម្ដីខាងក្រៅមក។ អ្វីៗនៅខាងក្រៅផ្លាស់ប្ដូរឥតឈប់ឈរ មិនអាចយកជាទីពឹងបាននោះឡើយ។ បើអ្នកអាចធ្វើជាម្ចាស់ទៅលើចិត្តរបស់ខ្លួនឯងបាន នោះអ្នកនឹងអាចយកខ្លួនឯងជាទីពឹង។ នៅពេលនោះមិនថាមានរឿងអ្វីកើតឡើងក៏អ្នកមិនមានអ្វីត្រូវភ័យខ្លាចនោះដែរ។ ខាងក្រោមនេះគឺជាសម្ដីដកស្រង់អំពីជីវិតចំនួន១០ឃ្លា ដើម្បីបំភ្លឺភាពងងឹតនៅក្នុងចិត្តអ្នក៖
១) «បើអ្នកធ្វើមិត្តភ័ក្ដិជាមួយខ្លួនឯង អ្នកនឹងមិនឯកោនោះឡើយ។» Maxwell Maltz
២) «វិប្បដិសារីដ៏ធំធេងបំផុតមួយនៅក្នុងជីវិតគឺជាការធ្វើជាអ្វីដែលអ្នកដទៃចង់ឲ្យអ្នកក្លាយជាបែបនោះ ជាជាងធ្វើជាខ្លួនឯង។» Shannon L. Alder
៣) «ថ្នាំងងុយគេងដ៏ល្អបំផុតគឺជាមនសិការស្អាតស្អំ។» Dada J. P. Vaswani
៤) «នៅចុងក្រោយ ខ្ញុំមានភាពសុខស្ងប់ព្រោះចេតនារបស់ខ្ញុំល្អហើយបេះដូងរបស់ខ្ញុំបរិសុទ្ធ។» អនាមិក
៥) «កុំចេះតែដើរនិយាយថាពិភពលោកជំពាក់អ្នក។ ពិភពលោកមិនបានជំពាក់អ្វីអ្នកឡើយ។ វាមកនៅទីនេះមុន។» Mark Twain
៦) «បើជីវិតអាចទស្សន៍ទាយទុកមុនបាន វានឹងលែងក្លាយជាជីវិតទៀតហើយ ហើយវានឹងមិនមានរសជាតិអ្វីសោះឡើយ។» Eleanor Roosevelt
៧) «តិចតួចណាស់ដែលចាំបាច់សម្រាប់ធ្វើឲ្យជីវិតមានក្ដីសុខ។ វាមាននៅក្នុងខ្លួនអ្នកទាំងអស់ គឺនៅក្នុងការគិតរបស់អ្នក។» Marcus Aurelius
៨) «ដើម្បីរស់នៅជីវិតដែលមិនមានភាពអាត្មានិយមដ៏បរិសុទ្ធមួយ បុគ្គលម្នាក់មិនត្រូវរាប់អ្វីមួយថាជារបស់ខ្លួននៅក្នុងភាពមានបាននោះឡើយ។» ព្រះសម្មាសម្ពុទ្ធ
៩) «គ្រប់ជីវិតទាំងអស់គឺជាកំពូលនិងជ្រលង។ កុំបណ្ដោយឲ្យកំពូលខ្ពស់ពេកហើយជ្រលងទាបពេក។» John Wooden
១០) «អ្វីៗទាំងអស់សុទ្ធតែត្រូវបានគិតគូរដោះស្រាយរួចអស់ហើយ លើកលែងតែរបៀបក្នុងការរស់នៅប៉ុណ្ណោះ។» Jean-Paul Sartre
ដោយ៖ ស្រីពៅ
