ខាងក្រោម​នេះ​គឺជា​ឃ្លា​ចំនួន​៧​ដែល​ប្រមូល​ផ្ដុំ​ដោយ​គតិ​ស៊ីជម្រៅ​និង​ពោរពេញ​ដោយ​គតិបណ្ឌិត ដែល​អ្នក​គួរ​យក​ទៅ​សិក្សា​ពិចារណា៖

១) «ពី​បញ្ហា​មួយ​ទៅ​បញ្ហា​មួយ បុគ្គល​ម្នាក់​ស្វែងរក​ឃើញ​ការ​ពិត​ទាំងស្រុង។» Sigmund Freud

២) «ជីវិត​អាច​គ្រាន់តែ​យល់​ថយក្រោយ​ប៉ុណ្ណោះ តែ​វា​ត្រូវ​រស់នៅ​បន្តទៅ​មុខ។» Soren Kierkegaard

៣) «មាន​ពេល​មួយ​ឪពុក​របស់​ខ្ញុំ​ធ្លាប់​ប្រាប់​ខ្ញុំ​ថា រឿង​ដ៏​សំខាន់​បំផុត​ដែល​មនុស្ស​ម្នាក់​គួរ​ដឹង​គឺ​ថា​តើ​ពួកគេ​នឹង​ស្លាប់​ដើម្បី​ដើម្បីអ្វី។» Tana French

៤) «ចិត្ត​ប្រៀប​បាន​នឹង​ផ្ទាំង​ទឹកកក។ វា​អណ្ដែត​ជាមួយ​នឹង​១​ភាគ​៧​​នៅ​លើផ្ទៃ​ទឹក។» Sigmund Freud

៥) «គតិបណ្ឌិត​ដ៏​អស្ចារ្យ​បំផុត​គឺជា​ការ​មើល​ឃើញ​ធ្លុះ​រូបរាង​ខាងក្រៅ។» Atisa

៦) «សង្គម​បាន​ប្រែ​ជា​ក្លែងក្លាយ​​រហូត​ទាល់តែ​ការ​ពិតរំខាន​ដល់​មនុស្ស។» Chanda Kaushik

៧) «ភាព​ផ្ទុយគ្នា​យ៉ាង​ចម្លែក​នៃ​សម័យកាល​របស់​យើង។ យើង​មាន​ផ្ទះ​ធំ​ជាង​មុន តែ​មាន​គ្រួសារ​តូច​ជាង​មុន។ ងាយស្រួល​ជាង​មុន តែ​មាន​ពេល​តិច​ជាង​មុន។ មាន​សញ្ញាប័ត្រ​ច្រើន​ជាង​មុន តែ​មាន​សុភនិច្ឆ័យ​តិច​ជាង​មុន។ ចំណេះដឹង​ច្រើន​ជាង​មុន តែ​មាន​ការ​វិនិច្ឆ័យ​ថ្លឹងថ្លែង​តិច​ជាង​មុន។ មាន​អ្នក​ជំនាញ​ច្រើន​ជាង​មុន តែ​បញ្ហា​ក៏​មាន​ច្រើន​ជាង​មុន។ ថ្នាំ​ច្រើន​ជាង​មុន តែ​ភាព​មាន​សុខភាព​ល្អ​មាន​តិច​ជាង​មុន។ យើង​ធ្លាប់​ទៅ​ដល់​ព្រះចន្ទ​ហើយ​ត្រឡប់​មក​វិញ តែ​បែរជា​មាន​បញ្ហា​នឹង​ឆ្លង​ផ្លូវ​ដើម្បី​ជួប​អ្នក​ជិតខាង​ថ្មី។ យើង​បាន​បង្កើត​កុំព្យូទ័រ​ដែល​ផ្ទុក​ទិន្នន័យ​ច្រើន​ជាង​មុន​ដើម្បី​ផលិត​ការ​ចម្លង​ឲ្យ​បាន​ច្រើន​ជាង​ពេល​ណាៗ​ទាំងអស់ តែ​បែរជា​មាន​ការ​ប្រាស្រ័យ​ទាក់ទង​តិច​ជាង​មុន។ យើង​បាន​ផ្ដល់​ឲ្យ​ជាច្រើន​ទៅលើ​បរិមាណ តែ​បែរជា​ខ្វះខាត​គុណភាព។ នេះ​ជា​ពេលវេលា​សម្រាប់​អាហារfast food តែ​ការ​រំលាយ​អាហារ​បែរ​ជា​យឺត។ មនុស្ស​ខ្ពស់ តែ​អត្តចរិត​ទាប។ ប្រាក់ចំណូល​កើន​ខ្ពស់ តែ​ទំនាក់ទំនង​បែរ​ជា​រាក់។ វា​គឺជា​ពេលវេលា​ដែល​មាន​របស់​ជាច្រើន​នៅ​ក្នុង​បង្អួច តែ​គ្មាន​អ្វី​ទាល់តែ​សោះ​នៅ​ក្នុង​បន្ទប់។» សម្ដេច​សង្ឃ​ដាឡៃ ឡាម៉ា

ដោយ៖ ស្រីពៅ