សុភាសិតចំនួន ១០ឃ្លា ដែលជាកេរ្តិ៍មរតករបស់ជនជាតិកូរ៉េសម្រាប់ជំនាន់ក្រោយរបស់ពួកគេ
ជនជាតិកូរ៉េមានសុភាសិតមួយពោលថា «កុំព្យាយាមបាំងមេឃជាមួយនឹងបាតដៃរបស់អ្នក។» ការពិតប្រៀបបាននឹងមេឃដ៏ធំទូលាយដូច្នោះ។ បើទោះជាអ្នកអាចបិទបាំងការពិតរបស់អ្នកពីអ្នកដទៃបានក្នុងពេលមួយរយៈក៏ពិតមែន តែទោះជាយ៉ាងណាក៏អ្នកមិនអាចបិទបាំងការពិតបានរហូតមួយជីវិតអ្នកនោះដែរ ជាពិសេសអ្វីដែលអ្នកមិនអាចរត់គេចផុតបាននោះគឺជាសតិសម្បជញ្ញៈរបស់ខ្លួនឯង។ អ្នកអាចកុហកអ្នកដទៃបានតែអ្នកមិនអាចកុហកខ្លួនឯងបាននោះទេ។ ថ្ងៃនេះយើងបានដកស្រង់នូវសុភាសិតចំនួន១០ឃ្លា ដែលជាកេរ្តិ៍មរតករបស់ជនជាតិកូរ៉េសម្រាប់ជំនាន់ក្រោយរបស់ពួកគេ៖
១) «កុំព្យាយាមបាំងមេឃជាមួយនឹងបាតដៃរបស់អ្នក។»
២) «សំណើចគឺជាថ្នាំព្យាបាលដ៏ល្អបំផុត។»
៣) «មនុស្សដែលមានកំហុសច្រើន ច្រើនតែជាមនុស្សដំបូងដែលរិះគន់អ្នកដទៃ។»
៤) «តាមរយៈរឿងចាស់ យើងបានរៀនរឿងថ្មី។»
៥) «ទឹកដែលកាន់តែជ្រៅ ហូរកាន់តែស្ងប់។»
៦) «ចិត្តរបស់មនុស្សផ្លាស់ប្ដូរពេញមួយថ្ងៃ។»
៧) «បើអ្នកទាត់ដុំថ្មទាំងកំហឹង អ្នកនឹងឈឺជើងខ្លួនឯង។»
៨) «ស្ទឹងដែលធំធេងមិនបដិសេធអូរតូចតាចណាមួយនោះឡើយ។»
៩) «មែកឈើដែលខ្ពស់ច្រើនតែដួលរលំ។»
១០) «ខណៈពេលមួយមានតម្លៃជាងមាស១ពាន់ដុំទៅទៀត។»
ដោយ៖ ស្រីពៅ
