សង្ខេបព្រឹត្តិការណ៍សេដ្ឋកិច្ចសំខាន់ប្រចាំសប្ដាហ៍
នាដើមសប្ដាហ៍នេះ Bizkhmer សូមចែករំលែកនូវព្រឹត្តិការណ៍ព័ត៌មានសេដ្ឋកិច្ចសំខាន់ៗចំនួន៦ដែលកំពុងតែមានឥទ្ធិពល និងចំណាប់អារម្មណ៍យ៉ាងច្រើន ដើម្បីជាជំនួយដល់លោកអ្នកក្នុងការសម្រេចចិត្តលើមុខជំនួញរបស់លោកអ្នក។ ខាងក្រោមនេះគឺជាព្រឹត្តិការណ៍ព័ត៌មានសំខាន់ៗពីស្ថាប័នព័ត៌មានដែលគួរឲ្យទុកចិត្ត។
ទី១ យោងតាមកាសែតកោះសន្តិភាពកាលពីថ្ងៃទី៣០ ខែតុលា ឆ្នាំ២០១៩ បានចេញផ្សាយអំពី គម្រោងអគារទឹកប្រាក់៥០០លានដុល្លារចាប់ផ្ដើមសង់នៅទឹកដីមាត់សមុទ្រខណៈពលរដ្ឋតំបន់នេះជួបបញ្ហា៖ គម្រោងអគារកំពស់៣៨ជាន់មួយដែលចំណាយទឹកប្រាក់ប្រមាណ៥០០លានដុល្លារអាមេរិក បានចាប់ផ្ដើមសាងសង់នៅក្នុងទឹកដីនៃមាត់សមុទ្រខេត្តព្រះសីហនុ ក្នុងពេលខេត្តនេះកំពុងមានបញ្ហាច្រើនប្រភេទ រួមទាំងបញ្ហាដែលប្រជាពលរដ្ឋមួយចំនួនក្នុងខេត្តមាត់សមុទ្រកំពុងរងផលប៉ះពាល់វ័ណ្ឌក នឹងបំណុលធនាគារដោយសារតែការចាកចេញរបស់ជនជាតិចិនជាបន្តបន្ទាប់ ក្រោយរដ្ឋាភិបាលសម្រេចបិទហ្គេមអនឡាញ ។ សូមចុចទីនេះដើម្បីអានព័ត៌មានលម្អិត
ទី២ តាមប្រភពខាងលើ ០២ ខែវិច្ឆិកា ឆ្នាំ២០១៩ បានចេញផ្សាយអំពី តើតម្លៃអចលទ្រព្យ និងតម្លៃជួលដីនៅកំពត មានបញ្ហា ឬទេ ខណៈខេត្តព្រះសីហនុមានអ្នកទឹកភ្នែក?៖ បើតាមលោក សុខ គែន ភ្នាក់ងារអចលនទ្រព្យមួយរូបប្រចាំខេត្តកំពត បាននិយាយថា រហូតមកដល់ពេលនេះ ការទិញលក់ និងតម្លៃ ជាពិសេសទៅលើការជួលអលនទ្រព្យនៅក្នុងខេត្តកំពត មិនមានបញ្ហាអ្វីចោទនោះទេ ពោលគឺនៅតែមានដំណើរការធម្មតាបើទោះបីជានៅខេត្តព្រះសីហនុ ដែលជាខេត្តជាប់មាត់សមុទ្រដូចគ្នានោះដែរ កំពុងមានបញ្ហាទៅលើម្ចាស់អចលនទ្រព្យមួយចំនួន ក្រោយពីការចាកចេញរបស់ជនជាតិចិន ។ សូមចុចទីនេះដើម្បីអានព័ត៌មានលម្អិត
ទី៣ យោងតាមកាសែត រស្មីកម្ពុជា កាលពីថ្ងៃទី៣១ ខែតុលា ឆ្នាំ២០១៩ បានចេញផ្សាយអំពី ស៊ីឌីស៊ីអនុម័តគម្រោងវិនិយោគពីរដែលបង្កើតការងារជាងពីរពាន់នាក់៖ ក្រុមប្រឹក្សាអភិវឌ្ឍន៍កម្ពុជាឬស៊ីឌីស៊ីបានចុះបញ្ជីគម្រោងវិនិយោគចំនួនពីរដែលមាបទឹកប្រាក់ជាងប្រាំមួយលានដុល្លារអាម៉េរិកនិងបង្កើតការងារជាង២.០០០នាក់។ សូមចុចទីនេះដើម្បីអានព័ត៌មានលម្អិត
ទី៤ ប្រភពពីកាសែត ភ្នំពេញប៉ុស្តិ៍ កាលពីថ្ងៃទី០៤ ខែវិច្ឆិកា ឆ្នាំ២០១៩បានចេញផ្សាយអំពី កម្ពុជាត្រូវការជិត $៣០០ លាន សម្រាប់វិស័យដំឡូងមី៖ បើយោងតាមការសិក្សាស្រាវជ្រាវរបស់អង្គការ UNDP ស្តីពីការរៀបចំករណីវិនិយោគសម្រាប់ដំឡូងមីបានរកឃើញថា កំណើនចំណូលពីសារពើពន្ធផ្ទាល់សម្រាប់វិស័យដំឡូងមីទទួលបានប្រមាណ ១៣០ លានដុល្លារក្នុងរយៈពេល ១០ ឆ្នាំដែលប្រហាក់ប្រហែលនឹងចំណូលពីស្រូវ ការចិញ្ចឹមសត្វ និងស្បៀងអាហារ។ លើកលែងតែវិស័យទេសចរណ៍ដែលបានផ្តល់ចំណេញច្រើនជាងគេគឺ ១៥១ លានដុល្លារ។ សូមចុចទីនេះដើម្បីអានព័ត៌មានលម្អិត
ទី៥ សារព័ត៌មានខ្លីខ្លី កាលពីថ្ងៃទី១ ខែវិច្ឆិកា ឆ្នាំ២០១៩ បានចេញផ្សាយអំពី ADB ចុះកិច្ចព្រមព្រៀងជាមួយកម្ពុជា លើកម្មវិធីចំនួនពីរដែលមានទឹកប្រាក់ ៩០លានដុល្លារ៖ លោក អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងលោកស្រី Sunniya DURRANI-JAMAL នាយកស្ថានតំណាងធនាគារអភិឌ្ឍន៍អាស៊ីប្រចាំកម្ពុជា កាលពីថ្ងៃទី៣០ ខែតុលា ឆ្នាំ២០១៩ បានចុះហត្ថលេខាលើកិច្ចព្រមព្រៀងហិរញ្ញប្បទានសម្រាប់កម្មវិធីចំនួន២ ដែលមានទឹកប្រាក់សរុប ៩០លានដុល្លារ។ នេះបើតាមសេចក្តីប្រកាសព័ត៌មានរបស់ក្រសួងសេដ្ឋកិច្ច និងហិរញ្ញវត្ថុ។ សូមចុចទីនេះដើម្បីអានព័ត៌មានលម្អិត
ទី៦ យោងតាមគេហទំព័រBizkhmer កាលពីថ្ងៃទី៣១ ខែតុលា ឆ្នាំ២០១៩ បានចេញផ្សាយអំពី របាយការណ៍ក្រសួងដែនដីបង្ហាញថាទុនវិនិយោគក្នុងវិស័យសំណង់ក្នុងរយៈ ៩ ខែ ឆ្នាំ២០១៩ កើនឡើង ៣៤ ភាគរយ៖ ក្រសួងរៀបចំដែនដី នគរូបនីយកម្មនិងសំណង់ លើកឡើងថា វិស័យសំណង់នៅតែមានសុខុមាលភាពល្អនៅក្នុងឆ្នាំ២០១៩នេះ ខណៈ វិស័យអចលនទ្រព្យ និងសំណង់នៅកម្ពុជា បានដើរតួនាទីជាចលករមួយដ៏សំខាន់ ក្នុងការជួយទ្រទ្រង់ដល់កំណើនសេដ្ឋកិច្ចជាតិ។ សូមចុចទីនេះដើម្បីអានព័ត៌មានលម្អិត
