សុភាសិតល្អៗចំនួន ១០ ដែលបានដកស្រង់ចេញពីជុំវិញពិភពលោក
ជនជាតិចិនមានសុភាសិតមួយថា «មាសមិនអាចសុទ្ធបាននោះទេ ឯមនុស្សក៏មិនអាចល្អឥតខ្ចោះនោះដែរ។» មនុស្សយើងម្នាក់ៗតែងចង់អភិវឌ្ឍខ្លួនឯងឲ្យក្លាយជាមនុស្សម្នាក់ដែលល្អឥតខ្ចោះ ប៉ុន្តែតាមពិតទៅទស្សនដែលយើងគិតថាមានអ្វីមួយដែលហៅថាល្អឥតខ្ចោះ គ្រាន់តែជាផលិតផលដែលកើតឡើងចេញមកពីការស្រមើស្រមៃរបស់អ្នកប៉ុណ្ណោះ។ ជនណាដែលព្យាយាមធ្វើដូចខ្លួនឯងជាមនុស្សល្អឥតខ្ចោះ គឺជាមនុស្សដែលព្យាយាមកុហកអ្នកដទៃនិងខ្លួនឯងប៉ុណ្ណោះ។ ជីវិតរបស់ពួកគេគ្រាន់តែជាការសម្ដែងឲ្យល្អមើលប៉ុណ្ណោះ។ នៅថ្ងៃណាមួយ ពួកគេនឹងហត់នឿយដោយខ្លួនឯង ហើយពួកគេនឹងលាតត្រដាងការពិតដោយខ្លួនឯង ព្រោះជីវិតផ្សំផ្គុំគ្នារវាងធាតុមួយគូនេះដែលយើងតែងសម្លឹងឃើញថាជាសត្រូវនឹងគ្នា នោះគឺល្អនិងអាក្រក់។
អត្ថបទថ្ងៃនេះបានដកស្រង់នូវសុភាសិតល្អៗពីជុំវិញពិភពលោកចំនួន១០ដូចខាងក្រោម៖
១) «នៅពេលអ្នកញ៉ាំផ្លែឈើ កុំភ្លេចនឹកគិតដល់អ្នកដែលបានដាំដុះផ្លែឈើនោះផង។» សុភាសិតវៀតណាម
២) «អ្នកប្រយុទ្ធដែលល្អបំផុតមិនចេះខឹងនោះឡើយ។» សុភាសិតចិន
៣) «យឺតៗតែប្រាកដប្រជា។» សុភាសិតឥណ្ឌូណេស៊ី
៤) «ភាពម៉ត់ចត់និងភាពរីករាយគួរចម្រើនឡើងជាមួយគ្នា។» សុភាសិតស្វីស
៥) «រក្សាខ្លួនឯងឲ្យនៅជាកូនក្មេង ដូច្នេះកូនរបស់អ្នកនឹងអាចស្រឡាញ់អ្នកជារៀងរហូត។» សុភាសិតស្វីស
៦) «គ្រូដំបូងរបស់យើងគឺជាបេះដូងរបស់យើង។» សុភាសិតជនជាតិដើមអាមេរិក
៧) «មនុស្សឆ្កួតតែងឈ្នះជានិច្ច។» សុភាសិតអាល្លឺម៉ង់
៨) «ភ្លើងដែលអ្នកបញ្ឆេះសម្រាប់សត្រូវរបស់អ្នកច្រើនតែដុតខ្លួនឯងច្រើនជាងពួកគេ។» សុភាសិតចិន
៩) «មាសមិនអាចសុទ្ធបាននោះទេ ឯមនុស្សក៏មិនអាចល្អឥតខ្ចោះនោះដែរ។» សុភាសិតចិន
១០) «បើចិត្តរបស់អ្នករឹងមាំ រឿងលំបាកទាំងប៉ុន្មាននឹងក្លាយជាងាយស្រួល។ បើចិត្តរបស់អ្នកទន់ខ្សោយ រឿងងាយស្រួលទាំងប៉ុន្មាននឹងក្លាយជាលំបាកវិញ។» សុភាសិតចិន
ដោយ៖ ស្រីពៅ
