សុភាសិតខ្លឹមៗចំនួន១០ឃ្លា ដែលមានដើមកំណើតពីជនជាតិស្វីស ជាឃ្លាំងគតិបណ្ឌិត
ប្រទេសស្វីស ត្រូវបានគេចាត់ចូលជាប្រទេសដែលមានការអភិវឌ្ឍខ្លាំងបំផុតមួយនៅលើពិភពលោក។ ភាសាផ្លូវការដែលពួកគេប្រើប្រាស់មាន៤ភាសាដូចជា អាល្លឺម៉ង់ អ៊ីតាលី បារាំង និងរ៉ូម៉ានី។ ទឹកដីរបស់ស្វីសមានចំនួន៤១, ២៨៥គីឡូម៉ែត្រការ៉េ និងមានព្រំប្រទល់ផ្នែកខាងត្បូងជាប់នឹងអ៊ីតាលី ខាងលិចជាប់នឹងបារាំង ខាងជើងជាប់នឹងអាល្លឺម៉ង់ រីឯខាងកើតជាប់នឹងអូទ្រីសនិងរដ្ឋ Liechtenstein។ អត្ថបទថ្ងៃនេះបានដកស្រង់នូវសុភាសិតចំនួន១០ដែលមានដើមកំណើតពីជនជាតិស្វីស មកផ្ដល់ជូនមិត្តអ្នកអាន៖
១) «អ្នកក្រខ្វះខាតយ៉ាងច្រើន តែមនុស្សលោភលន់ខ្វះខាតជាងនេះទៅទៀត។»
២) «ការលួងលោមដ៏ល្អបំផុតអាចចេញមកពីសម្ដីមួយឃ្លាដ៏តិចតួច។»
៣) «អ្នករៀនសូត្រពីកំហុស គ្មាននរណាម្នាក់កើតមកជាបណ្ឌិតនោះឡើយ។»
៤) «មានពេលខ្លះអ្នកត្រូវស្ងប់ស្ងាត់ដើម្បីអាចស្ដាប់ឮ។»
៥) «ជនដែលសើចចំអកឲ្យជនពិការជើង ខ្លួនឯងគួរដើរឲ្យត្រង់។»
៦) «ការរិះគន់គឺងាយស្រួលជាងធ្វើអ្វីដែលប្រសើរជាងនេះ។»
៧) «និយាយស្ដីគឺជាប្រាក់ ភាពស្ងប់ស្ងាត់គឺជាមាស។»
៨) «ពេលវេលាមានតម្លៃនៅពេលអ្នកមិនមានវា។»
៩) «សួរអ្នកបិទស្រា១០នាក់ នោះអ្នកនឹងទទួលបាន១១យោបល់។»
១០) «ធ្វើជាមនុស្សល្ងង់ត្រូវពេលក៏ជាសិល្បៈមួយដែរ។»
ដោយ៖ ស្រីពៅ
