សម្រង់សុភាសិតពីជុំវិញពិភពលោកចំនួន១០ឃ្លា ដែលបង្កប់ដោយអត្ថន័យអប់រំជ្រាលជ្រៅកាត់ថ្លៃមិនបាន
ជនជាតិអ៊ីតាលីមានសុភាសិតមួយដែលមានសេចក្ដីដូច្នេះថា «នៅពេលល្បែងត្រូវបានបញ្ចប់ ស្ដេចនិងកូនអុកត្រឡប់ចូលទៅក្នុងប្រអប់តែមួយវិញ។» នៅពេលល្បែងជីវិតបានបញ្ចប់ នោះមិនថាអ្នកគឺជានរណាកាលមានជីវិតរស់នៅនោះទេ មនុស្សម្នាក់ៗគឺបញ្ចប់ជីវិតទៅដោយស្មើភាពគ្នាទាំងអស់។ មានរឿងរ៉ាវខ្លះនៅក្នុងជីវិត អ្នកមិនគួរផ្ដល់ភាពសំខាន់ទៅលើវាខ្លាំងពេកនោះទេ ព្រោះមិនថាមានរឿងអ្វីកើតឡើងក៏ដោយ ជីវិតនៅតែបន្តទៅមុខជានិច្ច។ ក្នុងខណៈពេលចុងក្រោយ មិនថាអ្នកមានបញ្ហាអ្វីក៏ដោយ អ្នកនៅតែត្រូវជ្រើសរើសបន្តដំណើរជីវិតរបស់អ្នកតទៅមុខទៀត។ ថ្ងៃនេះយើងបានដកស្រង់នូវសុភាសិតពីជុំវិញពិភពលោកចំនួន១០ឃ្លា ដែលបង្កប់ដោយអត្ថន័យអប់រំជ្រាលជ្រៅ៖
១) «វាគ្រាន់តែជាពាក់កណ្ដាលសាច់រឿងប៉ុណ្ណោះបើមានភាគីតែម្ខាងនិយាយនោះ។» សុភាសិតអ៊ីស្លង់
២) «ការអួតក្អេងក្អាងបានចាប់ផ្ដើមនៅពេលគតិបណ្ឌិតបានបញ្ឈប់។» សុភាសិតជប៉ុន
៣) «សត្វអូដ្ឋមិនដែលឃើញបូករបស់ខ្លួនឯងនោះឡើយ។» សុភាសិតអាហ្វ្រិក
៤) «មនុស្សច្រើនតែមិនមែនជាអ្នកផ្ដល់ប្រឹក្សាល្អសម្រាប់ខ្លួនឯង និងជាអ្នកផ្ដល់ប្រឹក្សាដ៏ល្អសម្រាប់អ្នកដទៃ។» សុភាសិតអៀរឡង់
៥) «វានៅតែជាជីវិតតែមួយមិនថាយើងចំណាយទៅលើការសើចឬការយំនោះទេ។» សុភាសិតជប៉ុន
៦) «បើអ្នកញ៉ាំកាន់តែច្រើន រសជាតិនឹងមានកាន់តែតិច។ បើអ្នកញ៉ាំកាន់តែតិច នោះរសជាតិនឹងមានកាន់តែច្រើន។» សុភាសិតជប៉ុន
៧) «ឈ្លោះជាមួយមនុស្សល្ងីល្ងើបានត្រឹមតែបង្ហាញថាមានមនុស្សល្ងីល្ងើពីរនាក់ប៉ុណ្ណោះ។» សុភាសិតស្កុតឡែន
៨) «ជីវិតត្រូវបានចំណាយអស់ពាក់កណ្ដាលទៅហើយទម្រាំតែជនម្នាក់ដឹងថាជីវិតជាអ្វី។» សុភាសិតបារាំង
៩) «ទុក្ខកង្វល់ច្រើនផ្ដល់ឲ្យរបស់តូចតាចនូវស្រមោលធំ។» សុភាសិតស្វីស
១០) «នៅពេលល្បែងត្រូវបានបញ្ចប់ ស្ដេចនឹងកូនអុកត្រឡប់ចូលទៅក្នុងប្រអប់តែមួយវិញ។» សុភាសិតអ៊ីតាលី
ដោយ៖ ស្រីពៅ
