តំបន់សេដ្ឋពិសេសខេត្តស្វាយរៀងទទួលគម្រោងវិនិយោគ៣ក្នុងទំហំទុនជាង១៣លានដុល្លារ
បន្ទាប់ពីមានសំណើសុំវិនិយោគរបស់ក្រុមហ៊ុនចំនួន៣លើគម្រោងរោងចក្រក្នុងតំបន់សេដ្ឋកិច្ចពិសេសខេត្ត ស្វាយរៀង ដែលសរុបទុនវិនិយោគចំនួន ១៣,២លានដុល្លារអាមេរិក ព្រមទាំងអាចផ្ដល់ការងារដល់ពលរដ្ឋបានចំនួន ៨៤៧កន្លែង។ គណៈកម្មាធិការតំបន់សេដ្ឋកិច្ចពិសេសកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចអនុញ្ញាតឲ្យក្រុមហ៊ុនទាំង៣ខាងលើ លើគម្រោងដូចខាងក្រោម៖
ក្រុមហ៊ុន “XIN CHI XING PACKAGING CO., LTD.”: គម្រោងបង្កើតរោងចក្រផលិតកេសកាតុង មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសតាយសេង បាវិត ខេត្តស្វាយរៀង, មានទុនវិនិយោគប្រមាណ ២,៦លានដុល្លារអាមេរិក និងអាចបង្កើតការងារបានចំនួន ២១០នាក់។
ក្រុមហ៊ុន “CHIANG CU WIRE & CABLE CO.,LTD.”: គម្រោងបង្កើតរោងចក្រផលិតខ្សែភ្លើង និងខ្សែកាប មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ស្វាយរៀង ហ្គីហ្គា រីសស៍ ខេត្តស្វាយរៀង មានទុនវិនិយោគប្រមាណ ៣,២លានដុល្លារអាមេរិក និងអាចបង្កើតការងារបានចំនួន ២៤៣កន្លែង។
ក្រុមហ៊ុន “WING ART LIGHTING AND GIFTWARE CO., LTD.”: គម្រោងបង្កើតរោងចក្រផលិតអំពូលភ្លើង អំពូលលម្អ និងគ្រឿងបង្គុំអំពូលភ្លើងគ្រប់ប្រភេទ មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសតាយសេង បាវិត ខេត្តស្វាយរៀង, មានទុនវិនិយោគប្រមាណ ៧,៤លានដុល្លារអាមេរិក និងអាចបង្កើតការងារបានចំនួន ៣៩៤នាក់៕
ដោយ៖ ជួប ស្រីរ័ត្ន
