ពេលខ្លះចៅហ្វាយរបស់អ្នកកំពុងប្រើប្រាស់វិធីមិនគួរឲ្យជឿ ១៨ យ៉ាងនេះដើម្បីតាមដានអ្នក
ក្រុមហ៊ុនមានវិធីជាច្រើនដើម្បីតាមដានបុគ្គលិកម្នាក់ថា ជាបុគ្គលិកម្នាក់នោះជាបុគ្គលិកល្អមានសមត្ថភាពឬអត់ដែលរួមមានដូចជា ការវាយតម្លៃលើការលទ្ធផលការងារ (performance appraisal) ការដាក់ការងារឲ្យអនុវត្ត តាមរយៈការបើកចំហឲ្យមានការបង្កើតគំនិតថ្មីៗដោយច្នៃប្រឌិត ឬតាមរយៈការងារសម្ងាត់ផ្សេងៗទៀត។ ក៏ប៉ុន្តែ អ្នកប្រហែលជាមើលរំលងវិធីមិនគួរឲ្យជឿ ១៨ ចំណុចនេះដែលវាក៏អាចត្រូវបានប្រើប្រាស់ពីចៅហ្វាយរបស់អ្នកដើម្បីតាមដានអ្នកផងដែរ។
១.តើអ្នកបានឆ្លើយតបសារអ៊ីមែលចៅហ្វាយរបស់អ្នកបានឆាប់រហ័សប៉ុណ្ណា? ចៅហ្វាយរបស់អ្នកចង់ដឹងពីកម្រិតនៃភាពសំខាន់ដែល អ្នកនឹងផ្តល់ឲ្យចៅហ្វាយរបស់អ្នក។
២.តើបុគ្គលិកផ្សេងទៀតបានឆ្លើយតបសារអ៊ីមែលចៅហ្វាយរបស់អ្នកបានឆាប់រហ័សប៉ុណ្ណា? បើអ្នកផ្សេងឆ្លើយតបលឿនជាងអ្នក មានន័យថា អ្នកនោះផ្តល់ភាពសំខាន់ទៅចៅហ្វាយរបស់អ្នកច្រើនជាងអ្នក។
៣.តើមានទិន្នន័យអ្វី និងការចាត់តាំងការងារណាខ្លះដែលមាននៅលើប្រតិទិនរបស់អ្នក? តើអ្នកឧស្សាហ៍ពិនិត្យមើលវាដែរឬអត់? ចៅហ្វាយចង់ដឹងថា អ្នកបំពេញការងារតាមគម្រោង និងពេលកំណត់ឬអត់។
៤.តើអ្នកប្រើពេលប៉ុន្មានដើម្បីចូលទៅកាន់ (Login) ប្រព័ន្ធការងារនៅពេលដែលអ្នកមិនបាននៅកន្លែងធ្វើការ? ចៅហ្វាយចង់ដឹងថា ការប្រើប្រាស់ប្រព័ន្ធបច្ចេកទេស ឬបច្ចេកវិទ្យារបស់អ្នកស្ថិតក្នុងកម្រិតខ្សោយ ឬខ្លាំង។
៥.ជាធម្មតាតើអ្នកអាចនិយាយលឿន និង ឭកម្រិតណា? ក្នុងករណីខ្លះ អ្នកអាចភ្លាត់មាត់ច្រឡំនិយាយឭៗដូចមេក្រូ។
៦.តើអ្វីទៅជាប្រតិកម្មរបស់អ្នកដែលអាចធ្វើឲ្យចៅហ្វាយរបស់អ្នកដឹងថា អតិថិជនណាមួយសំខាន់ឬ មិនសំខាន់សម្រាប់អ្នក? ចំណុចនេះធ្វើឲ្យចៅហ្វាយរបស់អ្នកអាចពិសោធន៍បានថា អ្នកបានទំនាក់ទំនងល្អ ឬមិនល្អជាមួយអតិថិជនក្នុងកម្រិតណាងាយស្រួលរើសមនុស្សថ្មីមកជំនួសអ្នក។
៧.តើឯកសារអ្វី ខ្លះដែលអ្នកបានបើកមើល ឬថតចម្លង? ចៅហ្វាយរបស់អ្នកធ្វើបែបនេះ ដើម្បីចង់ដឹងថា អ្នកមានបំណងចង់លួចមើលឯកសារសម្ងាត់របស់ក្រុមហ៊ុន ឬចូលមើលទិន្នន័យផ្សេងៗដោយគ្មានការអនុញ្ញាតឬអត់។
៨.តើអ្នកចំណាយពេលប៉ុន្មានដើម្បីទទួលទានអាហារថ្ងៃត្រង់?
៩.តើអ្នកមានសុខភាពល្អឬអត់? តើអ្នកបានធ្វើអ្វីខ្លះហើយឬនៅដើម្បីឲ្យមានសុខភាពល្អ?
១០.តើអ្នកឧស្សាហ៍អង្គុយនៅកន្លែងការងារឬអត់? ចៅហ្វាយចង់ដឹងថា អ្នកជាបុគ្គលិកកំពុងរំខាន ឬ យកចិត្តទុកដាក់នឹងការងារដែលខ្លួនកំពុងធ្វើឬអត់។
១១.ពេលនៅក្នុងក្រុមហ៊ុន តើអ្នកដើរទៅកន្លែងណាខ្លះពេលមិនមានការងារដាក់ឲ្យធ្វើ? ចៅហ្វាយចង់ដឹងពីភាពគោរពវិន័យក្នុងក្រុមហ៊ុន។
១២.តើអ្នកចូលចិត្តឆែកមើលគេហទំព័រអ្វី? នៅក្នុងករណីមួយចំនួន នេះជាសកម្មភាពមួយដែលចៅហ្វាយរបស់អ្នកចង់តាមដានអ្នកនៅអំឡុងពេល និងក្រៅម៉ោងធ្វើការ។ ពេលខ្លះ ចៅហ្វាយរបស់អ្នកបង្គាប់ឲ្យអ្នកបច្ចេកទេសរៀបចំប្រព័ន្ធតាមដាននៅក្នុងកុំព្យូទ័ររបស់អ្នក។
១៣.តើអ្នកឧស្សាហ៍លាងដៃឬអត់? ចៅហ្វាយរបស់អ្នកចង់ដឹងថា អ្នកជាមនុស្សមានអនាម័យឬអត់។
១៤.តើអ្នកមានបានប្រើប្រាស់ពេលវេលាធ្វើការឲ្យមានប្រសិទ្ធភាពឬអត់? ពេលខ្លះការងារប្រើពេល ៣ ម៉ោងតែអ្នកអាចពន្យារពេលដល់ទៅ ៨ម៉ោង។ ចៅហ្វាយចង់ដឹងថា អ្នកជាមនុស្សប្រើពេលហ្មត់ចត់លើការងារក្នុងកម្រិតណា។
១៥.តើអ្នកបើកបរលឿន ឬយឺត? ចៅហ្វាយចង់ដឹងថា ជាមនុស្សគោរពច្បាប់ចរាចរណ៍ឬអត់។
១៦.តើអ្នកបានផ្ញើអ៊ីមែល ឬឯកសារអ្វីខ្លះ? ផ្ញើទៅអ្នកណាខ្លះ? ដើម្បីអ្វី? ចៅហ្វាយចង់ប្រមូលទិន្នន័យពីអ្នកដើម្បីចង់ដឹងពីភាពស្មោះត្រង់របស់អ្នក។
១៧.តើជារឿយៗអ្នកចូលចិត្តប្រាស្រ័យទំនាក់ទំនងជាមួយមនុស្សក្នុងក្រុមហ៊ុន ឬក្រៅក្រុមហ៊ុន? ចៅហ្វាយចង់ដឹងពីការយកចិត្តទុកដាក់នៅក្នុងការទំនាក់ទំនងរបស់អ្នកជាមួយក្រុមការងារ។
១៨.តើអ្នកឧស្សាហ៍និយាយកាត់អ្នកផ្សេងពេលកំពុងប្រជុំឬអត់? ចៅហ្វាយចង់ដឹងថា អ្នកគោរព និង ឲ្យតម្លៃដល់ក្រុមការងារដែរឬទេ។
សូមបញ្ជាក់ថា ទិន្នន័យដែលចៅហ្វាយរបស់អ្នកទទួលបានតាមរយៈសំនួរចំនួន ១៨ ខាងលើនេះ គឺជាព័ត៌មានដ៏សំខាន់មួយសម្រាប់ឲ្យចៅហ្វាយរបស់អ្នកវិភាគ និងវាយតម្លៃ លើបុគ្គលិកលក្ខណៈ ឬឥរិយាបថការងាររបស់អ្នកនៅក្នុងក្រុមហ៊ុន៕
ប្រភព៖ Inc
