ល្អមែន! ជប៉ុននឹងផ្ដល់ជំនួយឥតសំណង៥០០លានយេនដល់កម្ពុជាលើការអភិវឌ្ឍគម្រោងមួយ
នាថ្ងៃទី១៧ ខែកក្កដា ឆ្នាំ២០១៩ ខាងមុខនេះ ឯកឧត្ដម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងកិច្ចសហប្រតិបត្តិការអន្តរជាតិ និង ឯកឧត្ដម ហូរីណូអ៊ូជិ ហ៊ីដេហ៊ីសាន់ (HORINOUCHI Hidehisa) ឯកអគ្គរាជទូតជប៉ុនប្រចាំនៅកម្ពុជា នឹងចុះហត្ថលេខាលើលិខិតប្ដូរសារស្ដីពី ការផ្ដល់ហិរញ្ញប្បទានឥតសំណងរបស់រាជរដ្ឋាភិបាលជប៉ុន ក្នុងទឹកប្រាក់៥០០លានយេន សម្រាប់អនុវត្តគម្រោង "កម្មវិធីអភិវឌ្ឍន៍សេដ្ឋកិច្ចនិងសង្គម" នាទីស្ដីការក្រសួងការបរទេស និងកិច្ចសហប្រតិបត្តិការអន្តរជាតិ។
ក្នុងឋានៈជាដៃគូអភិវឌ្ឍន៍ដ៏សំខាន់មួយ ជប៉ុនបានជួយដល់ប្រទេសកម្ពុជាក្នុងការអភិវឌ្ឍហេដ្ឋារចនាសម្ព័ន្ធ ដែលបានចូលរួមធ្វើឲ្យកាន់តែប្រសើរឡើងដល់វិស័យសេដ្ឋកិច្ច និងសុខុមាលភាពសង្គម ព្រមទាំងបង្កើនការតភ្ជាប់ដទៃទៀតនៅក្នុងតំបន់៕
រូបភាពតំណាង៖ Popular Magazine
ដោយ៖ ជួប ស្រីរ័ត្ន
