បើ​ទោះបី​ជា​ប្រាក់​ចំណូល​ហូរ​ចូល​ដូច​ទឹក មាន​ផលិតផល​ប្រកប​ដោយ​គុណភាព និង​មាន​ភាព​ច្នៃប្រឌិត​ខ្ពស់​យ៉ាងណាក៏ដោយ ក៏​មិន​ប្រាកដ​ថា ម៉ាក​​ ឬ ប្រ៊ែន (Brand) ក្រុមហ៊ុន​របស់​អ្នក​ល្បីល្បាញ​​ ព្រម​ទាំង​ឲ្យ​តម្លៃ​ខ្ពស់​ពី​សាធារណជន​ត្រឹម​រយៈពេល​ខ្លី​​នោះ​ដែរ។ 

ក្រុមហ៊ុន​ល្បីៗ​ក្នុង​លោក​ភាគច្រើន​បាន​ប្រើ​ពេល​រាប់​ទសវត្សរ៍​ទម្រាំ​​ទទួល​បាន​ចំណាប់អារម្មណ៍​ពី​អ្នក​ប្រើប្រាស់ និង​ទទួលស្គាល់​ជា​អន្តរជាតិ​​ដូច​សព្វ​ថ្ងៃ​នេះ​។ ពួកគេ​បាន​​ឆ្លងកាត់​​ឧបសគ្គ​ជា​ច្រើន​មាន​ដូចជា ការ​ប្រកួតប្រជែង ការ​ឡើង​ចុះ​សេដ្ឋកិច្ច​ពិភពលោក ការ​ផ្លាស់ប្ដូរ​ថ្មីៗ ឬ​អភិវឌ្ឍ​កែប្រែ​ឲ្យ​ស្រប​ទៅ​តាម​ចំណង់ចំណូលចិត្ត​របស់​អតិថិជន​ជាដើម។  សូម​ចុច​ទី​នេះ​ដើម្បី​មើល​​ព័ត៌មាន​លម្អិត។ 

ខាងក្រោម​នេះ​​​នឹង​បង្ហាញ​អ្នក​ឲ្យ​​ស្គាល់​កាន់តែ​ច្បាស់​ថា តើ​ក្រុមហ៊ុន​ណា​ជា​ក្រុមហ៊ុន​ដែល​មាន​ម៉ាក​ល្បី​ជាងគេ​បំផុត​ក្នុង​លោក​ប្រចាំ​ឆ្នាំ ២០១៩​នេះ៖

១.ក្រុមហ៊ុន Apple  តម្លៃ​ម៉ាក ២០៥,៥ ពាន់​លាន​ដុល្លារ 

២.ក្រុមហ៊ុន Google តម្លៃ​ម៉ាក ១៦៧,៧ ពាន់​លាន​ដុល្លារ

៣.ក្រុមហ៊ុន Microsoft តម្លៃ​ម៉ាក ១២៥,៣ ពាន់​លាន​ដុល្លារ 

៤.ក្រុមហ៊ុន Amazon ​តម្លៃ​ម៉ាក​ ៩៧,០ ពាន់​លាន​ដុល្លារ

៥.ក្រុមហ៊ុន Facebook តម្លៃ​ម៉ាក ៨៨,៩​ ពាន់​លាន​ដុល្លារ

៦.ក្រុមហ៊ុន Coca-Cola តម្លៃ​ម៉ាក ៥៩,២ ពាន់​លាន​ដុល្លារ

៧.ក្រុមហ៊ុន Samsung តម្លៃ​ម៉ាក ៥៣,១ ពាន់​លាន​ដុល្លារ

៨.ក្រុមហ៊ុន Disney តម្លៃ​ម៉ាក ៥២,២ ពាន់​លាន​ដុល្លារ

៩.ក្រុមហ៊ុន Toyota តម្លៃ​ម៉ាក ៤៤,៦ ពាន់​លាន​ដុល្លារ

១០.ក្រុមហ៊ុន MacDonald's តម្លៃ​ម៉ាក ៤៣,៨ ពាន់​លាន​ដុល្លារ។

ក្រុមហ៊ុន​បច្ចេកវិទ្យា​​បាន​គ្រង​តំណែង​ជា​ក្រុមហ៊ុន​មាន​ម៉ាក​​ថ្លៃ​ជាងគេ​បំផុត​ក្នុង​ចំណោម​ក្រុមហ៊ុន​មក​ពី​វិស័យ​នានា
សម្រាប់​ឆ្នាំ​នេះ គេ​សង្កេត​ឃើញ​ថា ក្រុមហ៊ុន​បច្ចេកវិទ្យា​នៅ​តែ​ឈាន​មុខ​គេ​​ជា​​ក្រុមហ៊ុន​មាន​តម្លៃ​ម៉ាក​ថ្លៃ​ជាងគេ​បំផុត​​បើ​ធៀប​ទៅ​នឹង​​តម្លៃ​ម៉ាក​របស់​ក្រុមហ៊ុន​​មក​​ពី​វិស័យ​ផ្សេងៗ​ទៀត។ គ្រាន់តែ​បញ្ជី​ឈ្មោះ​ក្រុមហ៊ុន​​ដែល​មាន​តម្លៃ​ម៉ាក​ថ្លៃ​ជាងគេ​បំផុត​ក្នុង​លោក​ទាំង៧ គឺ​មាន​​រហូត​ដល់​ទៅ​ ៦ ​ទៅ​ហើយ​ដែល​មក​ពី​ក្រុមហ៊ុន​បច្ចេកវិទ្យា។

ក្នុង​ចំណោម​ក្រុមហ៊ុន​​ដែល​មាន​តម្លៃ​ម៉ាក​ថ្លៃ​ជាងគេ​បំផុត​ទាំង ១០០ គឺ​មាន ២០ ក្រុមហ៊ុន​មក​ពី​ក្រុមហ៊ុន​បច្ចេកវិទ្យា​ ហើយ​បាន​ក្តោប​ក្តាប់​តម្លៃ​ម៉ាក​សរុប​ដល់​ទៅ ៤៣% ឬ​ស្មើ​នឹង ៩៥៧,៦ ពាន់​លាន​ដុល្លារ​៕

ប្រភព៖ visualcapitalist