ទីក្រុងវីយ៉ែនណារបស់អូទ្រីសជាប់ជាទីក្រុងមានគុណភាពជីវិតល្អផ្ដាច់គេក្នុងលោក តែប៉ារីសជាប់ត្រឹមលេខ៣៧ ដោយសារភេរវកម្ម
ទីក្រុងវីយ៉ែនណា (Vienna)របស់អូទ្រីស ជាប់ជាទីក្រុងដែលមានគុណភាពជីវិតល្អបំផុតក្នុងលោក។ នេះបើតាមរបាយការណ៍របស់Mercer ដែលជាក្រុមហ៊ុនប្រឹក្សាផ្នែកធនធានមនុស្សធំបំផុតរបស់ពិភពលោក ដែលមានមូលដ្ឋាននៅក្នុងទីក្រុងញូយ៉ក់សហរដ្ឋអាមេរិក។
ការស្រាវជ្រាវនេះ គឺបានសិក្សាលើប្រទេសចំនួន២៣០ នៅលើពិភពលោក ដើម្បីដាក់ពិន្ទុលើទីក្រុងណាដែលមានគុណភាពជីវិតល្អជាងគេ។
ជាលទ្ធផល ទីក្រុងវីយ៉ែនណា (Vienna) ជាប់ជាប្រទេស មានគុណភាពជីវិតល្អបំផុតក្នុងលោក ចំណែកឯទីក្រុង ហ្សូរីច(Zurich)ប្រទេសស្វីស ជាប់លេខ២ ទីក្រុងអ៊ុកឡែន (Auckland) ប្រទេសនូវែលហ្សេឡង់ លេខ៣ ទីក្រុងម៉ូនីច (Munich)ប្រទេសអាល្លឺម៉ង់លេខ៤ ទីក្រុងវ៉ាន់ខូវើ (Vancouver) ប្រទេសកាណាដាជាប់លេខ៥។
ដោយឡែក ទីក្រុងប៉ារីស របស់បារាំងបានធ្លាក់ទៅចំណាត់ថ្នាក់៣៧វិញ ដោយសារតែមានការវាយប្រហារដោយក្រុមភេរវជន។ ចំណែកទីក្រុងឡុងដុងរបស់អង់គ្លេស ស្ថិតនៅចំណាត់ថ្នាក់ទី៣៩ និង ទីក្រុងញូយ៉ក់ជាប់ចំណាត់ថ្នាក់ទី៤៤៕
ដោយ៖ អ៊ុន ភក្តី
