តម្លៃប្រេងកើនឡើង បន្ទាប់ពីមានការវាយប្រហារលើរថយន្តដឹកប្រេងនៅអារ៉ាប៊ីសាអ៊ូឌីត
តម្លៃប្រេងកំពុងកើនឡើង ខណៈភាពតានតឹងនៅក្នុងតំបន់មជ្ឈិមបូព៌ាកំពុងតែកើនឡើង ដែលនេះធ្វើឲ្យមានការព្រួយបារម្ភអំពីផលប៉ះពាល់ការផ្គត់ផ្គង់ប្រេងជាសកល។
រថយន្តដឹកប្រេងចំនួនពីរគ្រឿងរបស់ប្រទេសអារ៉ាប៊ីសាអ៊ូឌីតត្រូវរងការវាយប្រហារពេលដឹកទៅដល់បណ្តោយឆ្នេរអារ៉ាប់អេមីរ៉ាត់។ ការវាយប្រហារនេះគឺជាការគំរាមកំហែងមួយ ហើយវាក៏ផ្តល់ផលប៉ះពាល់ដល់សុវត្ថិភាពនៃការផ្គត់ផ្គង់ប្រេងសម្រាប់សកលលោកដូចគ្នា។ Brent Crude អ្នកកំណត់តម្លៃប្រេងឆៅ (Benchmark) បានឲ្យដឹងថា តម្លៃប្រេងឆៅបានកើនឡើង ១.៩% កាលពីថ្ងៃចន្ទ ទី១៣ ឧសភានេះ ដោយក្នុងមួយបារ៉ែលមានតម្លៃ ៧១.៧៥ ដុល្លារអាមេរិក។
ប្រេងឆៅរបស់អាមេរិកបានកើនឡើងប្រហែល ១.៦% ស្មើនឹង ៦២.៤៨ដុល្លារ។ គេសង្កេតឃើញថាសង្គ្រាមពាណិជ្ជកម្មរវាងចិន និងអាមេរិកបានធ្វើឲ្យមានផលប៉ះពាល់ដល់កំណើនតម្រូវការប្រេងជាលក្ខណៈសកល។
ជាក់ស្តែងរថយន្តដឹកប្រេងចំនួនបួនដែលជាគោលដៅនៃការវាយប្រហារនេះ។ បើយោងតាមការឲ្យដឹងពី អេមីរ៉ាត អារ៉ាប់រួម បញ្ជាក់ថាកន្លែងដែលគេប៉ុនប៉ងធ្វើការវាយប្រហារនោះគឺនៅត្រង់ចំណុចកំពង់ផែ Fujairah កាលពីថ្ងៃអាទិត្យកន្លងទៅ។ ប្រភពពីមន្រ្តីជាន់ខ្ពស់មួយរូបនៅក្រសួងថាមពលអារ៉ាប៊ីសាអ៊ូឌីតបានប្រាប់ទូរទស្សន៍ CNN ថាការវាយប្រហារនេះគឺគួរឱ្យព្រួយបារម្ភណាស់ ជាពិសេសដោយសារតែរថយន្តដឹកប្រេងនោះត្រូវបានតម្រង់គោលដៅច្រកសមុទ្រហុមមូស Strait of Hormuz។ ច្រកមួយនេះជាច្រកដែលសំខាន់ជាងគេលើពិភពលលោកសម្រាប់ការឆ្លងកាត់រាល់ការដឹកប្រេងឆៅទាំងអស់។ រដ្ឋបាលផ្នែកព័ត៌មានថាមពលអាមេរិកបានលើកឡើងថា Strait of Hormuz ជាច្រកមួយដែលទទួលបានការដឹកឆ្លងកាត់ ក៏ដូចជាការធ្វើពាណិជ្ជកម្មចរាចរណ៍ប្រេងឆៅទូទាំងពិភពលោក៕
ដោយ៖ យ៉ាយ៉ា
