GrabWheels ដាក់ជួល Scooter ឲ្យដៃគូរបស់ខ្លួនដើម្បីដឹកជញ្ជូនអាហារ
08 May 2019 12:05:00
GrabWheels របស់ Grab ដែលជាអ្នកផ្តល់សេវាកម្មជួលឧបករណ៍ជិះ (Scooter) បានដាក់ចេញផែនការជួលឧបករណ៍ជិះ Scooter របស់ខ្លួនទៅដល់ក្រុមហ៊ុនជាដៃគូរផ្នែកដឹកម្ហូបអាហាររបស់ខ្លួនក្នុងប្រទេសសិង្ហបុរី។
ក្រោមគម្រោងនេះ ដៃគូរនឹងទទួលបានការជិះឥតកំណត់សម្រាប់ E-scooter របស់ GrabWheels ដោយ scooter នេះនឹងដឹកអ្នកទៅដល់ ៣០ តំបន់ទូទាំងប្រទេសសិង្ហបុរី ហើយចំណយត្រឹមតែ៧៥ដុល្លារសិង្ហបុរី (ប្រមាណ ៥៥.០៥ ដុល្លារអាមេរិក) ក្នុងមួយខែ នេះជាការឲ្យដឹងពីក្រុមហ៊ុន។
“យើងបានឃើញដៃគូរផ្តល់សេវាដឹកម្ហូបអាហារកាន់តែច្រើនឡើងៗដែលប្រើប្រាស់ e-scooter ជាមធ្យោបាយធ្វើដំណើរចម្បងរបស់ពួកគេ” ប្រសាសន៍របស់ Chris Yeo ប្រធានក្រុមហ៊ុន Grab។ ដៃគូរជាច្រើនរបស់ GrabFood យើងមានការចាប់អារម្មណ៍ និងពេញចិត្តជាខ្លាំងលើការផ្តល់ជូនដំណោះស្រាយសម្រាប់ការដឹកជញ្ជូនម្ហូបអាហារ ដោយពួកគេមិនចាំបាច់បារម្ភពីការចំណាយច្រើនដើម្បីទិញម៉ូតូ និងឧបករណ៍ដឹកជញ្ជូនផ្សេងៗ ហើយនៅត្រូវចំណាយលើការរក្សាទុក ការជួសជុលបន្ថែមទៀត។
គួរបញ្ជាក់ថាការដែលព្យាយាមស្វែងរកដំណោះស្រាយក្នុងសង្គម ជាកត្តាមួយជំរុញឲ្យអាជីវកម្មមួយឈរជើងក្នុងទីផ្សារបានយូរ និងទទួលបានការគាំទ្រពីអតិថិជនកាន់តែច្រើន៕
ដោយ៖ យ៉ាយ៉ា
