ការផ្គត់ផ្គង់ទឹកស្អាតនៅសិង្ហបុរីត្រូវបានរំខានដោយជាតិអាម៉ូញាក់
Johor River Water បានផ្អាកប្រតិបត្តិការបណ្តោះអាស្នន លើសកម្មភាពផលិតទឹកស្អាតរបស់ខ្លួន ដោយសារកម្រិតអាម៉ូញាក់ឡើងខ្ពស់នៅទន្លេចូហ៊ោ (Johor) នេះបើតាមការលើកឡើងរបស់ភ្នាក់ងារគ្រប់គ្រងទឹករបស់ប្រទេសសិង្ហបុរី។
ការកើនឡើងជាតិពុលអាម៉ូញាក់នេះ គឺកើតឡើងនៅតាមផ្នែកមួយចំនួននៃទន្លេ Johor តែវាមិនបានរងផលប៉ះពាល់ដោយសារក្រុមហ៊ុន PUB’s Johor River Water បានបង្កើនផលិតកម្មនៅរោងចក្រស្រោចស្រពនិង ធុងស្តុកទឹកនៅក្នុងស្រុកដើម្បីបំពេញតាមតម្រូវការនេះទេ។ PUB កំពុងធ្វើការតាមដានលើគុណភាពទឹកនៅទន្លេ Johor និងបន្តយកចិត្តទុកដាក់លើការងារពាក់ព័ន្ធនឹងប្រតិបត្តិការផលិត និងគុណភាពទឹកសាបបន្ថែមទៀត។
ជាតិពុលអាម៉ូញាក់នេះមុនដំបូងត្រូវបានគេរកឃើញនៅ Sungai Sayong (ប្រភពទឹកទីតាំងនៅម៉ាឡេស៊ី) ដែលជាអ្នកផ្គត់ផ្គង់ទឹកឆៅមកឲ្យទន្លេ Johor។ ទន្លេត្រូវបានបំពុលបន្ទាប់ពីមានការផ្ទុះអាងស្តុកជីវកំប៉ុសមួយនៅក្រោយកន្លែងចម្រាញ់ប្រេង (ចម្រាញ់ប្រេង ចេញពីដូងប្រេង) ដែលជាហេតុនាំឲ្យមានជាតិពុលហូរចូលទៅក្នុងទន្លេ។ មិនត្រឹមតែនៅប្រទេសសិង្ហបុរីទេ តែប្រជាពលរដ្ឋម៉ាឡេស៊ីប្រមាណ ១៧,០០០ គ្រួសារក៏ទទទលរងផលប៉ះពាល់នេះដូចគ្នា។ អាជ្ញាធរម៉ាឡេស៊ីបានចាត់វិធានការចាំបាច់ប្រឆាំងនឹងរោងចក្រចម្រាញ់ប្រេងមួយនេះ ដោយលុបចោលអាជ្ញាប័ណ្ណភ្លាមៗលើការប្រើប្រាស់ទឹកសម្រាប់រោងចក្រមួយនេះ ៕
ដោយ៖ យ៉ាយ៉ា
