ចូលរួមកម្មវិធី BIO PITCH DAY ដើម្បីស្វែងរកឱកាសវិនិយោគ និងដៃគូអាជីវកម្មរបស់លោកអ្នក
BIO Pitch Day គឺជាកម្មវិធីមួយដែលបង្កើតឡើងក្នុងគោលបំណង បើកឱកាសដល់សហគ្រិនដែលបានចូលរួមក្នុងកម្មវិធី BIO Program ហើយមានឱកាសឡើងធ្វើបទបង្ហាញ (Investment Pitch) អាចស្វែងរកទុនវិនិយោគបន្ថែម និងស្វែងរកដៃគូរអាជីវកម្ម ដើម្បីធ្វើការអភិវឌ្ឍអាជីវកម្មរបស់ពួកគាត់។ មិនតែប៉ុណ្ណោះ BIO Pitch Day ក៏ជាឱកាសមួយដ៏ល្អសម្រាប់បុគ្គលដែលមានចំណាប់អារម្មណ៍ក្នុងការវិនិយោគ អាចចូលរួមស្វែងរកឱកាសក្នុងការវិនិយោគបានផងដែរ ព្រោះក្នុងឱកាសដ៏ពិសេសនេះនឹងមានការចូលរួមពីសំណាក់វិនិយោគិនរួមទាំងដៃគូសហការរបស់សមាគមន៍អ្នកវិនិយោគកម្ពុជា រហូតដល់ទៅ១០០នាក់។
ចូលរួមដោយសេរីជាមួយកម្មវិធីពិសេសនេះ(BIO Pitch Day) ដែលនឹងប្រព្រឹត្តិទៅនៅថ្ងៃអង្គារ ទី0៩ ខែមេសា ឆ្នាំ២០១៩ ចាប់ពីម៉ោង ៨:០០ ដល់ម៉ោង ១១:៣០ ព្រឹក នៅ BIO Space ស្ថិតនៅក្នុងការិយាល័យCiC។
នៅក្នុងកម្មវិធីដ៏ពិសេសនេះ នឹងមានបេក្ខភាពចំនួន៨ក្រុមហ៊ុនឡើងមកធ្វើបទបង្ហាញ (Investment Pitch) ក្នុងរយ:ពេល៥នាទីពីក្រុមហ៊ុនរបស់ខ្លួនទៅកាន់វិនិយោគិន ដែលក្រុមហ៊ុនរបស់បេក្ខភាពគឺចេញអំពីការជ្រើសរើសរបស់ BIO Program ដោយក្រុមហ៊ុនទាំងនោះសុទ្ធសឹងតែជាក្រុមហ៊ុនដែលមកពីវិស័យផ្សេងៗគ្នាដូចជា ក្រុមហ៊ុនបច្ចេកវិទ្យា ក្រុមហ៊ុនទំនាក់ទំនង ក្រុមហ៊ុនប្រព័ន្ធផ្សព្វផ្សាយ និងរួមទាំងក្រុមហ៊ុនក្នុងវិស័យសំខាន់ៗមួយចំនួនផ្សេងទៀតផងដែរ។
គួរបញ្ជាក់ផងដែរថា កម្មវិធី BIO (BIO Program) ត្រូវបានបង្កើតឡើងដោយសមាគមអ្នកវិនិយោគកម្ពុជា (Cambodia Investor Club Association - CiC) ដើម្បីចូលរួមក្នុងការអភិវឌ្ឍសហគ្រាសធនតូចនិងមធ្យម (SMEs) នៅប្រទេសកម្ពុជា ក្នុងគោលបំណងអភិវឌ្ឍសមត្ថភាពរបស់សហគ្រិនក្នុងការពង្រឹង ពង្រីក និងពន្លឿនល្បឿននៃការអភីវឌ្ឍអាជីវកម្មរបស់ពូកគាត់។ ដោយឆ្លងរយៈពេលជាង៧ខែកន្លងមកនេះ BIO Program បានរៀបចំនូវវគ្គបណ្ដុះបណ្ដាល ការផ្ដល់ការប្រឹក្សាយោបល់ពីអ្នកជំនាញ រួមទាំងសកម្មភាពជាច្រើនទៀតដែលជួយពង្រឹងសមត្ថភាពរបស់សហគ្រិន ហើយក្នុងនោះផងដែរ BIO Pitch Day គឺជាសកម្មភាពពិសេសចុងក្រោយនៃការបញ្ចប់កម្មវិធី BIO program៕
ប្រសិនបើលោកអ្នកចាប់អារម្មណ៍ចូលរួមក្នុងកម្មវិធីនេះ សូមប្រញាប់រួសរាន់ចុះឈ្មោះព្រោះចំនួននិងកន្លែងមានកំណត់!
សូមចូលរួមចុះឈ្មោះដោយបំពេញបែបបទនិងលក្ខខណ្ឌចូលរួមតាមរយៈ Link ខាងក្រោម៖
https://docs.google.com/forms/d/e/1FAIpQLSe_CNH09cbWEzOiUCWPU1tzVZCnIt5dZCvyiOTpVr1N0OvWMw/viewform
ចំពោះព័ត៌មានបន្ថែម សូមទំនាក់ទំនងដោយផ្ញើសារអេឡិចត្រូនិចមកកាន់ [email protected] ឬហៅទូរស័ព្ទមកលេខ 078 616 061 / 078 980 059 ។
