នៅក្នុ​ង​កិច្ច​ព្រម​ព្រៀង​មួយ Puma ដែលជា​ក្រុម​ហ៊ុន​សម្ភារៈ​កី​ឡា​របស់​ប្រទេស​អាល្លឺ​ម៉ង់​ នឹង​ធ្វើការ​ផ្គត់​ផ្គង់​សម្រាប់​ការ​ប្រកួត​បាល់​ទាត់​សម្រាប់​បី​រដូវ​កាល​ក្រោយចាប់​ពី ២០១៩-២០២០ ដល់ ២០២១-២០២២ ដល់ ក្លឹប La Liga របស់​ប្រទេសអេស្ប៉ាញ។ Puma បានដណ្តើម​យកការផ្គត់​ផ្គង់​នេះ​ពី​ក្រុម​ហ៊ុន Nike របស់​សហរដ្ឋអាមេរិចដែល​មានធ្លាប់​ទទួល​បាន​សិទ្ធិ​ក្នុង​ការ​ផ្គត់​ផ្គង់​អស់​រយៈ​ពេល ២៣ ឆ្នាំ​រួច​មក​។ ការ​រាយការណ៍​ពី​ ​ Spanish news site Palco23 បានឲ្យ​ដឹង​ថា Puma រំពឹង​ថា​នឹង​ចំណាយ​ទឹក​ប្រាក់​អស់​ប្រមាណ​ ៥លានអឺរ៉ូ​ (€5m) ក្នុង​មួយ​រដូវកាល​។ វា​ត្រូវ​បា​នគេ​យល់​ថាការ​ដែល​លោក​ ហ្សាវីយ៉េ តេបាស (Javier Tebas) ដែល​ជា​ប្រធាន​ក្លឹប​ La Liga ​គាំទ្រ​ដល់ការ​ផ្លាស់​ប្តូរ​ទៅ​រក ​ Puma គឺ​ដោយសារ​តែ​ចង់​ឲ្យ​មាន​ភាព​ខុស​ប្លែក​គ្នា​របស់​ La Ligaពី Premier League and Serie A។ គួរ​បញ្ជាក់​ថាលីក (leagues) ​ទាំង​បី​បច្ចុ​ប្បន្នកំពុង​​ប្រើ​ Nike Merlin ដូចគ្នា​​គ្រាន់តែ​ខុសព័ត៌​ប៉ុណ្ណោះ។ កិច្ចព្រម​ព្រៀង​ចុង​ក្រោយ​រវាង ​ Puma និង LaLiga គឺជា​គំនិត​មួយ​ក្នុង​ការ​ធ្វើ​យុទ្ធសាស្រ្តត្រលប់មកវិញរបស់យីហោ​ក្នុង​ការ​ឧ​បត្ថម្ភវិស័យ​បាល់​ទាត់​អឺរ៉ុប​បន្ទាប់​ពីការ​ត្រួត​ត្រា​របស់ Nike និង Adidas។ ហេតុ​ផល​នេះ​ហើយ​ដែល​បណ្តាល​ឲ្យ​មានការ​ចុះ​កិច្ច​ព្រម​ព្រៀង​ថ្មី​រវាង Puma និង​ ជើង​ឯកលីក​កំពូល (Premier League) Manchester City និង​ក្លឹបមួយ​ចំនួន​ដទៃ​ទៀត​៕ ដោយ៖ យ៉ាយ៉ា ប្រភព៖ SportBusiness Sponsorship