ដោយសារហេតុផលទាំង៣នេះសោះ ទើបមនុស្សមួយចំនួនស្អប់ការផឹកស្រាម្ល៉េះ
ការសេពគ្រឿងស្រវឹងតែបន្តិចក៏អាច ធ្វើអោយអ្នកមានអារម្មណ៍ថានឿយហត់ និងមានសភាពហើមមុខផងដែរ។ មនុស្សមួយចំនួនគឺមិនញៀននឹងការផឹកស្រាទេ តែគេតែងតែសង្កេតឃើញថា រាល់កម្មវិធីជប់លៀងធំៗ គឺពួកគេមិនចោលឡើយ សម្រាប់ការផឹកស្រានេះ។ តែក៏នៅមានមនុស្សមួយចំនួនដែរ ដែលមិនចូលចិត្តផឹកស្រាខ្លួនឯងហើយក៏ស្អប់អ្នកផឹក ស្រាផងដែរ។ តើវាមកពីមូលហេតុអ្វីខ្លះ?
១) ស្បែកស្អាត៖ សុរាគឺផ្ទុកដោយសារជាតិ Diuretic ដែលធ្វើឲ្យអ្នកឧស្សាហ៍បត់ជើងតូច ដែលវានឹងធ្វើឲ្យរាងកាយរបស់អ្នកឆាប់អស់សំណើម និងឆាប់ស្ងួតទៀត។ កាលណាស្បែកឆាប់ស្ងួត វានឹងបង្កឲ្យមានស្នាមជ្រីវជ្រួញនិង ឆាប់ចាស់មុនអាយុ។ បើសិនអ្នកអាចឈប់ពិសាសុរានេះបាន នោះ អ្នកនឹងឆាប់មើលដឹងថាស្បែករបស់អ្នកមានសភាពភ្លឺថ្លាយ៉ាងណាហើយ។
២) ស្រកទម្ងន់៖ សារជាតិអាល់កុលគឺផ្ទុកទៅដោយជាតិកាឡូរី និងជាតិស្ករ ។ តាមការសិក្សាមួយបានបង្ហាញឲ្យដឹងថា ៖ «ទោះបីអ្នកពិសាស្រាសមល្មមយ៉ាងណាក្ដី ក៏ជាតិស្រានោះអាចបង្កើនកាឡូរីរហូតដល់ទៅ៤០០ទៅក្នុងរបបអាហាររបស់អ្នក។ » ដូចនេះវាបានន័យថា បើសិនអ្នកឈប់ពិសាស្រាទៀត អ្នកក៏អាចបន្ថយទម្ងន់ដ៏ធាត់របស់អ្នកបានមួយចំណែកដែរ។
៣) សម្រាន្តលក់ស្រួល៖ យោងតាមAlcoholism : Clinical and Experimental Research បង្ហាញថា៖ «ជាតិអាល់កុលទាំងនោះនឹងជ្រាបចូលទៅកាន់ខួរក្បាលអ្នក ហើយក៏បង្កើតអារម្មណ៍រវើរវាយផងដែរ។» ប្រសិនបើអ្នកបញ្ឈប់ការសេពគ្រឿងទាំងនោះ អ្នកនឹងអាចសម្រាកបានស្រួលជាមួយនឹងអារម្មណ៍ដ៏ស្រស់ថ្លាជាងមុន៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ entrepreneur.com
