កុំជឿជាក់ខ្លាំងពេកលើចំណុចទាំង៥នេះ!!! វាអាចនាំគ្រោះភ័យដល់សហគ្រិនទាំងឡាយ
ក្នុងនាមជាសហគ្រិនម្នាក់គឺទាមទារអោយអ្នកមានផែនការអាជីវកម្មឲ្យច្បាស់លាស់ ជាពិសេសនោះគឺមិនគួររំពឹងអ្វីដែលអ្នកមិនគួររំពឹងខ្លាំងពេកទេ។ មានចំណុចខ្លះវានាំឲ្យអាជីវកម្មជោគជ័យ តែចំណុចខ្លះទៀតគឺគ្មានប្រយោជន៍មកវិញឡើយ។ សម្រាប់ការរំពឹងទុកក៏ដូច្នេះដែរ អ្នកមិនអាចអង្គុយតែរំពឹងអ្វីដែលអ្នកចង់ឡើយ។ តែពេលខ្លះការគិតខ្លះៗក៏អាចជាកត្តាមួយបំផ្លាញដល់ភាពជោគជ័យរបស់អ្នកផងដែររួមមាន៖
១) គិតថាមិនអាចទៅរួច៖ គិតថាអ្នកមិនអាចទៅរួចគឺជាបញ្ហាមួយដ៏ធ្ងន់ធ្ងរក្នុងការបង្អាក់ភាពជោគជ័យរបស់អ្នក។ ចូលក្រឡេកមើលទៅអ្នកដែលទើបតែចាប់ផ្ដើមជំនួញថ្មីៗ ។ នៅពេលគេជួបប្រទះបញ្ហាគេតែងតែរកដំណោះស្រាយល្អមួយទៅកែលម្អវា។ អ្វីដែលអាចធ្វើអោយគេជោគជ័យបានគឺការប្រើប្រាស់ពាក្យមួយឃ្លាថា«ខ្ញុំអាចធ្វើវាបាន»។
២) គិតថាមិនអាចជម្នះភាពភ័យខ្លាចបានទេ៖ សហគ្រិនជោគជ័យគឺតែងហ៊ានពិសោធន៍ជាមួយនឹងភាពភ័យខ្លាច។ អ្នកគួរធ្វើអ្វីមួយដើម្បីជម្នះភាពភ័យខ្លាចទាំងនេះ ហើយប្រាប់ខ្លួនឯងថាអ្នកគឺជាមនុស្សដ៏អស្ចារ្យម្នាក់។ សូមកុំគិតថាសេចក្ដីភ័យខ្លាចគឺជាឧបសគ្គដែលគ្មាននរណាអាចឆ្លងកាត់បានអី។
៣) គិតថាអ្វីៗនឹងសម្រេចបាន៖ ចូរកុំគិតថាអ្វីៗអាចនឹងសម្រេចបានទាំងអស់។ សំខាន់គឺអ្នកត្រូវធ្វើវាអោយអស់ពីសមត្ថភាពសិន។ ភាពជោគជ័យកើតមានឡើងនៅពេលអ្នកខិតខំពុះពារដើម្បីវា។
៤) គិតថាអ្នកប្រសើរជាងនរណាទាំងអស់៖ ការពិតទៅការធ្វើជំនួញគឺមិនបានសំដៅទៅលើការយកឈ្នះលើនរណាម្នាក់ទេ។ តែវាផ្ដោតទៅលើភាពវ័យឆ្លាតនិងការចង់អោយក្រុមហ៊ុនរបស់អ្នកដើរទៅមុខបាននិងការតាំងចិត្តខ្លាំងក្លាកម្រិតណា។
៥) គិតថាអ្នកមិនមានគុណសម្បត្តិអ្វីសោះ៖ អ្នកដែលបរាជ័យតែងគិតថាខ្លួនឯងគ្មានគុណសម្បត្តិអ្វីសោះក្នុងការដើរទៅមុខ។ បើអ្នកមិនផ្ដល់តម្លៃឱ្យខ្លួនឯងបន្តិចផង តើទៅរកកម្លាំងចិត្តពីណាបានមកទៀតទៅ?
ប្រែសម្រួល៖ ព្រំសុវណ្ណកណ្ណិកា ប្រភព៖ lifehack.com
