​អាច​ជា​គន្លឹះ​ដ៏​សាមញ្ញ និង​យ៉ាង​ងាយស្រួល​សម្រាប់​ប្រិយមិត្ត​មួយ​ចំនួន​ដែល​បាន​ដឹង តែ​ក៏​សង្ឃឹម​ថា នឹង​ផ្ដល់​បទពិសោធន៍​ថ្មី​សម្រាប់​លោក​អ្នក​ដែល​មិន​ទាន់​ដឹង។ តាម​ធម្មតា ​Facebook ​ពុំ​មាន​មុខងារ ឬ tool ​ផ្ដល់​ជូន​អ្នក​ប្រើ ឱ្យ​អាច​ឆែក​មើល​ថា តើ friend ណា​ខ្លះ បាន​ឆែក​មើល Wall ឬ Profile របស់​អ្នក​ឡើយ។ យ៉ាងណា សម្រាប់​លោក​អ្នក​ដែល​មាន​ចំណេះដឹង​ខ្លះៗ ពាក់ព័ន្ធ​ភាសា​កូដ HTML ​ប្រហែល ងាយស្រួល​យល់​អំពី​គន្លឹះ​នេះ​មិន​ខាន គឺ​ដោយ​ចូល​មើល​កូដ​នៅ​លើ​កម្មវិធី browser (Chrome, Firefox, …) ។ តោះ​កុំ​ឱ្យ​ខាត​ពេល​យូរ មក​អនុវត្ត​ទាំង​អស់​គ្នា៖ ១) បើក Facebook ​តាម​កម្មវិធី browser ណាមួយ។ ឧទាហរណ៍៖ យើង​ប្រើ​កម្មវិធី Google Chrome ​ក្នុង​ការ Login ​ចូល​បណ្ដាញ​សង្គម​យក្ស​នេះ។ ​ ២) ក្រោយ​ពី​បាន Login ​រួច ត្រូវ​ចុច​ស្ដាំ Mouse ហើយ​ចុច​យក View Page Source ឬ​អាច​ប្រើ shortcut ​រហ័ស​ដោយ​ចុច Ctrl + U។

៣) បន្ទាប់​ពី​នោះ កូដ​ជាច្រើន​នឹង​បង្ហាញ​ចេញ​មក។ ត្រង់​នេះ អ្នក​ត្រូវ​ស្វែងរក​ឃ្លា “initialchatfriendslist”។ ដើម្បី​បើក​ប្រអប់​ស្វែងរក (search) សូម​ចុច Ctrl + F រួច​ហើយ​សរសេរ ឬ​ចម្លង (copy) ឃ្លា “initialchatfriendslist” នេះ​ទៅ​ក្នុង​ប្រអប់ ហើយ​ចុច Enter។

៤) ​ស្នាម​ចុច​យក (selection) នឹង​រត់​ទៅ​ត្រង់​ឃ្លា initialchatfriendslist។ ​នៅ​ពី​ក្រោយ initialchatfriendslist អ្នក​នឹង​ឃើញ​បញ្ជី​គណនី​ Facebook បង្ហាញ​ជា​ទម្រង់​លេង​រៀង (ID) ​ដែល​បាន​ចូល​ឆែក​មើល Profile របស់​អ្នក។ ដើម្បី​ដឹង​ថា លេខ​កូដ​ដ៏​វែង​នោះ​ជា​របស់ Friend ឬ​គណនី Facebook របស់​នរណា សូម copy ​លេខ​កូដ​នោះ​ទៅ past ​នៅ​ក្នុង URT មាន​ទីតាំង​ស្ថិត​នៅ​ក្រោយ https://www.facebook.com/ (=> https://www.facebook.com/initialchatfriendslist) រួច​ហើយ​ចុច Enter ជា​ការ​ស្រេច៕

យ៉ាង​ម៉េច​ហើយ តើ​ដឹង​ថា Friend ណា​ចូល​ឆែក​មើល Profile របស់​អ្នក​ចុង​ក្រោយ​គេ ហើយ​ឬ​នៅ?