ការបាត់បង់អ្វីមួយ ឬ ការបរាជ័យ នឹងបង្រៀនអ្នកមេរៀនទាំង៣នេះ
ពិតណាស់មនុស្សយើងគ្រប់រូបតែងតែ ចង់ក្លាយទៅជាមនុស្សដែលមានភាពជោគជ័យ នៅក្នុងជីវិតនិងទទួលបានសេចក្តីសុខសុភមង្គល។ ប៉ុន្តែប្រសិនបើនិយាយអំពីដំណើរការដែលទម្រាំតែបានឈានទៅដល់ភាពជោគជ័យនេះ មនុស្សម្នាក់ៗក៏តែងតែជួបប្រទះនៅភាពបរាជ័យ និងការបាត់បង់របស់មួយចំនួនផងដែរ។ ហេតុនេះហើយទើបបណ្តាលឲ្យមនុស្សមួយចំនួន ទទួលបានសេចក្តីអស់សង្ឃឹម បាក់ទឹកចិត្ត ដែលជាហេតុនាំឲ្យគេបោះបង់ចោល និង មិនហ៊ានបន្តធ្វើទៀត ព្រោះខ្លាចបរាជ័យម្តងទៀត។
ផ្ទុយទៅវិញភាពភ័យខ្លាច ចំពោះការបរាជ័យគឺជារឿងមួយដែលខុសទៅវិញទេ ព្រោះថាភាពបរាជ័យទាំងអស់នេះជាមេរៀនសម្រាប់បង្រៀនអ្នក។ អត្ថបទខាងក្រោមនេះនឹងបង្ហាញអ្នកឪ្យកាន់តែច្បាស់ថាការបាត់បង់អ្វីមួយឬការបរាជ័យនឹងបង្រៀនអ្នកនៅមេរៀនមួយចំនួន៖
១)អ្វីៗសុទ្ធតែត្រូវការពេលដើម្បីជាបទពិសោធន៍៖
ពិតណាស់មនុស្សម្នាក់ៗប្រសិនបើមិនចំណាយពេលក្នុងការធ្វើអ្វីមួយមិនថាវាជាការងារអ្វីក៏ដោយបើអ្នកមិនសាកល្បងទេនោះ អ្នកនឹងមិនដឹងទេថាការងារនោះវាយ៉ាងម៉េចឡើយ ហើយបើមិនទទួលបានភាពជោគជ័យទេ វានឹងផ្តល់ជាមេរៀនមួយដល់អ្នក។ វាក៏ធ្វើឲ្យអ្នកដឹងថា ការងារនោះមិនសាកសមនឹងអ្នក ហើយការងារណាដែលអ្នកចូលចិត្ត។
២)វាគ្រាន់តែជាការបរាជ័យដើម្បីទុកជាមេរៀនសម្រាប់ភាពជោគជ័យ៖
ប្រសិនបើអ្នកជួបប្រទះនៅភាពបរាជ័យសូមអ្នកកុំបាក់ទឹកចិត្តហើយគិតថាខ្លួនអ្នកតែងតែជួបបញ្ហាបរាជ័យ ព្រោះថាប្រសិនបើគ្មានរឿងទាំងអស់នោះទេ អ្នកប្រហែលជាមិនមានអ្វីទុកជាបទពិសោធន៍ឬជាចំណេះដឹងសម្រាប់ថ្ងៃក្រោយដើម្បីកែប្រែអ្វីដែលអ្នកធ្លាប់បានឆ្លងកាត់នៅទេ។
៣)ការបាត់បង់មិនមែនជាការចាញ់ទេ៖
ជាការពិតណាស់នៅពីក្រោយភាពជោគជ័យនៃបុគ្គលដែលជោគជ័យម្នាក់ មិនមែនជាការងាយស្រួលឬល្អដូចដែលអ្នកគិតទាំងអស់នោះទេ។ ពិតណាស់ព្រោះថាទម្រាំតែគេទទួលបានភាពជោគជ័យ ភាពបរាជ័យរាប់រយដែលពួកគេបានជួបប្រទះ។
ប្រែសម្រួលដោយ៖ អ៊ុន ស្រីនាង
