គន្លឹះសំខាន់ៗ ១០ យ៉ាងដែលជួយឱ្យអ្នកក្លាយជាមនុស្សពោរពេញដោយសក្តានុភាព
មនុស្សគ្រប់រូបដែលបានកើតឡើងនៅលើពិភពលោកនេះ មិនដែលមាននរណាម្នាក់ដែលអាចគេចផុតពីភាពបរាជ័យនោះទេ វាគ្រាន់តែមានភាពខុសគ្នាត្រង់ថាមនុស្សខ្លះមិនអាចឆ្លងផុតហើយជ្រើសរើសវិធីផ្សេងៗដើម្បីបញ្ចប់ជីវិតដើម្បីគេចចេញពីភាពបរាជ័យទាំងនេះ ហើយមនុស្សមួយចំនួនទៀតជួបប្រទះហើយអាចឆ្លងកាត់ផុតក៏ដូចជាពួកគេបានក្លាយទៅជាមនុស្សម្នាក់ដែលមានសក្តានុភាពពេញលេញ។
ការឈានទៅដល់សក្ដានុពលពេញលេញមួយរបស់យើងគឺជាដំណើរនៃការតស៊ូទោះបីជាអ្នកជួបប្រទះភាពបរាជ័យយ៉ាងណាក្តី ហើយខាងក្រោមនេះគឺជាគន្លឹះទាំង១០សំខាន់ៗដែលជួយឱ្យអ្នកក្លាយជាមនុស្សមានសក្តានុភាព៖
១) ត្រូវមានភាពវិជ្ជមានចំពោះខ្លួនឯង ព្រោះថាចិត្តរបស់អ្នកខ្លាំងជាងអ្វីដែលអ្នកគិត
២) ត្រូវចេះផ្តល់ទំនុកចិត្តខ្លះដល់អ្នកដទៃផង កុំទុកចិត្តតែខ្លួនឯងពេករហូតមិនការទុកចិត្តអ្នកដទៃ។
៣) រឿងមិនល្អដែលបានកើតនៅក្នុងអតីតកាល វាគ្រាន់តែជាបទពិសោធន៍មួយដែលអ្នកធ្លាប់បានឆ្លងកាត់ ប៉ុន្តែកុំអនុញ្ញាតឲ្យវាធ្វើជាស្រមោលតាមអ្នកឲ្យសោះ។
៤) ស្វែងរកការងារណាដែលធ្វើឲ្យអ្នកមានអារម្មណ៍រំភើប និងសប្បាយរីករាយពេលអ្នកទទួលបានវា ដោយហេតុផលទាំងនោះលើសពីប្រាក់ខែ។
៥) គោលដៅគឺពិតជាមានសារៈសំខាន់ណាស់ ក៏ប៉ុន្តែត្រូវប្រាកដថាគោលដៅទាំងនោះវាមានភាពសក្ដិសមនឹងអ្នកដែលធ្វើឲ្យអ្នកអាចឈានទៅដល់វាផងដែរ។
៦) កុំខ្លាចនូវហានិភ័យ ព្រោះថាជីវិតគឺជាការផ្សងព្រេងមួយមិនមែនជាការហាត់សមទេ។
៧) ចូរធ្វើការសម្រេចចិត្តឲ្យបានល្អបំផុតតាមដែលអ្នកអាចធ្វើបានបន្ទាប់ពីការពិចារណាយ៉ាងល្អិតល្អន់រួចមកហើយនោះ ប៉ុន្តែសូមកុំធ្វើការវិនិច្ឆ័យខ្លួនអ្នកដោយខ្លួនអ្នកផ្ទាល់។
៨) កុំមានការភ័យខ្លាចជាមួយការផ្លាស់ប្តូរ ព្រោះថាលើលោកគ្មានអ្វីដែលមិនប្រែប្រួល ហើយមានតែការប្រែប្រួលទេដែលមិនប្រែប្រួល។
៩) គ្មាននរណាម្នាក់អាចគេចផុតមិនជួបភាពបរាជ័យនោះទេ ហេតុនេះសូមកុំខ្លាចវាអីប្រសិនបើអ្នកជួបវាចូររៀនយល់ពីវានិងកែលំអខ្លួនអ្នកឡើង។
១០) ភាពរឹងមាំពិតប្រាកដគឺជារបៀបដែលអ្នកមានការទទួលខុសត្រូវចំពោះខ្លួនឯងមិនថាអ្នកស្ថិតនៅក្នុងស្ថានភាពណាក៏ដោយ៕
ប្រែសម្រួលដោយ៖ អ៊ុន ស្រីនាង
