អ្នកបម្រើការលើយន្តហោះបង្ហើបប្រាប់ ពីជនជាតិដែលពិបាកផ្គាប់ចិត្តជាងគេលើយន្តហោះ
មានការងារជាអ្នកបម្រើការលើយន្តហោះ ពេលខ្លះក៏អស់កម្លាំងណាស់ដែរ ជាពិសេសពេលណាអ្នកត្រូវធ្វើការជាមួយអ្នកដំណើរដែលពិបាកៗផ្គាប់ចិត្ត។ ហេតុនេះហើយ បានជាមានការបង្ហាញពីអ្នកបម្រើការលើយន្តហោះអំពីភាពល្អ និងអាក្រក់របស់អ្នកដំណើរនីមួយៗទៅតាមជាតិសាសន៍ ពេលហោះហើរម្ដងៗ៖
១) ជនជាតិអាមេរិក
ពួកគេភាគច្រើនជាមនុស្សល្អ និងមានអាកប្បកិរិយាសមរម្យថ្លៃថ្នូរ។ ពួកគេមិនសូវពិសាអ្វីច្រើនទេ ហើយក៏មិនសូវផឹកអ្វីច្រើនដែរ។ ភាគច្រើន ពួកគេចេះគោរពអ្នកដទៃ ហើយយល់ដឹងអំពីវិន័យដែលត្រូវធ្វើតាម។ តែពេលខ្លះពួកគេក៏មាត់ ខ្លាំងៗ ដែរពេលមានគ្នាច្រើនជុំគ្នា ។
២) ជនជាតិអឺរ៉ុប
ពួកគេក៏យល់ដឹងអំពីវិន័យរបស់ក្រុមហ៊ុនអាកាសចរណ៍ផងដែរ។ តែសម្រាប់ជនជាតិបារាំង និងអ៊ីតាលីពួកគេដូចជាចូលចិត្តពិសាច្រើន ដែលជាហេតុនាំឲ្យអ្នកបំរើការលើយន្តហោះរវល់បន្ដិច។
៣) ជនជាតិរុស្សី
ពួកគេចូលចិត្តពិសាសុរាណាស់។ អ្នកខ្លះវិញមិនបានពិសាតាមរយៈការកម្មង់នោះទេ។ តែពួកគេបានលួចយកឡើងយន្តហោះ ហើយផឹក របស់ផ្ទាល់ខ្លួនតែម្ដង។ គ្មានអ្នកណាដឹងឡើយ លុះត្រាតែពេលចុះចតរួចរាល់ទើបគេរកឃើញដបទាំងនោះនៅក្រោមកៅអីទៅវិញ។
៤) ជនជាតិឥណ្ឌា
បើសិនពួកគេស្ថិតនៅឋានៈរាងក្រោមបន្តិច វាពិបាកបន្តិចហើយក្នុងការគ្រប់គ្រងជនជាតិនេះ ដោយសារតែការផឹកច្រើនហួសហេតុរបស់ពួកគេ កំឡុងពេលហោះហើរ។ តែស្របពេលនោះ ពួកគេនេះហើយក៏ជាអ្នកដែលចូលចិត្ត រអ៊ូរទាំច្រើនដែរ។
៥) ជនជាតិចិន
ជនជាតិនេះគឺអាចទទួលយកអ្វីគ្រប់យ៉ាង ហើយពួកគេតែងតែសប្បាយចិត្ត។ នេះដោយសារតែរបាំងនៃការសន្ទនាគ្នា ពួកគេតែងតែទទួលយកនូវអ្វីដែលផ្ដល់ឲ្យមិនប្រកែកឡើយ៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ indiatoday
