នរណាថាគ្មានប្រាក់រកស៊ីមិនកើត? ធ្វើតាមវិធីងាយៗទាំង ៤នេះសាកមើល៍
សម័យនេះបើគ្មានលុយតើយើងអាចធ្វើអ្វីបាន? នេះជាការពិត ជាគំនិតរបស់មនុស្សគ្រប់គ្នានាសម័យបច្ចុប្បន្ន ចុះទម្រាំចង់បង្កើតអាជីវកម្មមួយសួរថាអ្នកត្រូវចំណាយលុយអស់ប៉ុន្មានទើបអាចដំណើរការអាជីវកម្មមួយបាន? សួរបន្ថែមទៀតថាបើគ្មានលុយ ឬមានមិនគ្រប់គ្រាន់តែចង់បើកអាជីវកម្មតើអាចទៅរួចដោយវិធីណា?
ខាងក្រោមនេះអាចជាគន្លឹះបន្តិចបន្តួចជួយអ្នកដែលចង់រកស៊ីតែគ្មានលុយឬលុយមិនគ្រប់៖
១) ត្រូវសម្លឹងមើលឲ្យឃើញអ្វីដែលជាឱកាសជាមុន
អ្នកពិតជាធ្លាប់ឮហើយពាក្យថា «ចង់រកស៊ីសំខាន់លើគំនិត ឲ្យតែមានគំនិតលុយរត់តាមក្រោយ»។
២) ដឹងស្គាល់ថានរណាជាអតិថិជន៖
អ្នកត្រូវស្វែងរកអតិថិជនជាមុនសិន បើអ្នកគ្មានលុយផងអ្នកមិនដឹងថាត្រូវរករបរអ្វីទៀត បើចេះតែរកទាំងងងឹតងងយល់ អ្នកនឹងត្រូវខាតបង់អ្វីខ្លះ? ពេលអ្នករកបានអតិថិជនអ្នកអាចដឹងថាតើពួកគេត្រូវការអ្វី។
៣) ត្រូវធ្វើឲ្យអតិថិជនដឹងថាអ្នកមានអ្វីលក់ឲ្យពួកគេ៖
ពេលយើងមានអតិថិជនហើយ យើងអាចដឹងបានហើយថាពួកគេត្រូវការអ្វី។ យើងត្រូវបង្ហាញឲ្យគាត់ដឹងថាយើងមានអ្វីដែលពួកគេចង់បាន យើងមានអ្វីដែលនឹងលក់ឲ្យគេ។ ពេលតម្រូវការនិងការផ្គត់ផ្គង់ត្រូវរ៉ូវគ្នាគឺងាយបំផុតក្នុងការទទួលផលចំនេញ។
៤) ប្រើបណ្តាញសង្គមនានាដែលងាយផ្តល់ព័ត៌មានដល់អតិថិជន៖
Facebook, Twitter, Line, YouTube ឬបណ្តាញសង្គមនានាទៀតដែលអាចភ្ជាប់ទំនាក់ទំនងជាមួយជាមួយអតិថិជនបានងាយបំផុត ហើយបញ្ជាក់ពីលេខទូរស័ព្ទ ទីតាំងដែលគាត់អាចរកយើងបាន ធ្វើយ៉ាងណាឲ្យអតិថិជនបានមកដល់និងជួបផលិតផលរបស់អ្នក។ ប្រើវិធីនេះជួយអ្នកបានច្រើនណាស់ព្រោះអ្នកមិនត្រូវការប្រាក់ដើម្បីចំណាយលើការទិញទំនិញមកស្តុក ហើយត្រូវខាតបង់ដោយសារលក់ទំនិញមិនដាច់។ មិនត្រូវការចំណាយលើទីតាំងជាមុនដើម្បីស្តុកទំនិញនោះទេ តែអ្នកអាចឲ្យអតិថិជនធ្វើការបញ្ជាទិញជាមុនហើយរង់ចាំមួយថ្ងៃឬពីរថ្ងៃ ឬមួយសប្តាហ៍ដើម្បីទទួលទំនិញ។ វិធីសាស្ត្រមួយនេះទោះបីអ្នកត្រូវចំណាយក៏ចំណាយតិចដែរ ដូចជាការដឹកជញ្ជូន ការបង្កើតវេបសាយ គណនីបណ្តាញសង្គមនានាក៏មិនត្រូវចំណាយ។ ដូច្នេះអ្នកដែលចង់បង្កើតអាជីវកម្មហើយចំណាយតិចនៅពេលដំបូង អាចសាកល្បងវិធីសាស្ត្រមួយនេះ។ តែទោះជាយ៉ាងណាបើវាមិនអាចដំណើរការទៅបានជោគជ័យក៏អ្នកមិនខាតបង់ច្រើនដែរ៕
ដោយ៖ យ៉ាយ៉ា
