គន្លឹះ ៤យ៉ាង ជួយឲ្យអ្នកមានសុខភាពផ្លូវចិត្តប្រសើរជាងមុន
មនុស្សម្នាក់តែងតែជួបប្រទះនូវរឿងរ៉ាវឈឺចាប់ បាក់ទឹកចិត្តនិងនឿយហត់នៅក្នុងជីវិតដែលបណ្តាលឲ្យអ្នក មានភាពទន់ខ្សោយផ្នែកផ្លូវចិត្ត។ ពិតណាស់វាពិតជាសំខាន់ខ្លាំងណាស់ ដែលមនុស្សម្នាក់ៗគួរតែមានភាពរឹងមាំផ្លូវចិត្ត ព្រោះកាលដែលអ្នកមានភាពរឹងមាំផ្លូវចិត្តវាអាចជួយឲ្យអ្នកមានភាពជោគជ័យនៅក្នុងជីវិត និង មានសន្តិភាពក្នុងចិត្តផងដែរ ដែលងាយស្រួលក្នុងការប្រកបកិច្ចការងារផ្សែងៗ និង រស់នៅក្នុងជីវិតមួយដែលល្អប្រសើរ។
ហេតុនេះហើយអត្ថបទខាងក្រោមនេះនឹងបង្ហាញអ្នក ចំណុចសំខាន់ទាំង៤ដែលអាចជួយឲ្យអ្នកមានភាពរឹងមាំនៃផ្លូវចិត្ត
១)បង្កើនភាពអត់ធ្មត់របស់អ្នកចំពោះការឈឺចាប់
ប្រសិនបើអ្នកចង់ធ្វើឱ្យចិត្តរបស់អ្នកមានភាពខ្លាំងក្លាអ្នកត្រូវបង្កើនភាពអត់ធ្មត់របស់អ្នកចំពោះការឈឺចាប់។ពិតណាស់ការដែលមានភាពអត់ធ្មត់ចំពោះរឿងដែលអ្នកមានអារម្មណ៍ថាឈឺចាប់វាមិនមែនមានន័យថាអ្នកអន់ដែលអ្នកធ្វើការទ្រាំក្នុងសេចក្តីឈឺចាប់មិនហ៊ានប្រឈមមុខនោះទេ ព្រោះថាការអត់ធ្មត់នេះគឺវាបណ្តាលឲ្យអ្នកមានការគិតសារជាថ្មីរាល់អ្វីដែលអ្នកបានធ្វើឡើងនិងទទួលស្គាល់ថាអ្នកមានការខុសឆ្គងនៅចំណុចណាមួយហើយអត់ធ្មត់កែតម្រូវរឿងនោះសារជាថ្មី។ម្យ៉ាងវិញទៀតលើកក្រោយប្រសិនបើអ្នកជួបបញ្ហាបែបនេះទៀត អ្នកនិងមានការអត់ធ្មត់បានច្រើននិងមិនងាយមាននរណាម្នាក់មកធ្វើបាបអ្នកបាននេះទេ។
២)បង្កើតការគាំទ្រមួយដែលមានអនុភាពសម្រាប់អ្នក
នៅត្រង់ចំណុចនេះអ្នកត្រូវកត់សម្គាល់ចំពោះខ្លួនឯងថាគ្រប់ពេលដែលអ្នក មានអារម្មណ៍ថាពិបាកចិត្ត តើមាននរណាម្នាក់ទេដែលធ្វើឲ្យអ្នកបាត់អស់ភាពកង្វល់ទាំងនោះ? ដោយពេលខ្លះវាអាចមកពីការគាំទ្រពីសំណាក់ក្រុមគ្រួសារ មិត្តភក្ដិ ឬជាការគាំទ្រពីដៃគូស្នេហានោះទេវាសុទ្ធតែ ជាឱសថដ៏ល្អបំផុតនៅពេលដែលមានការលំបាកហើយមានពួកគេចាំគាំទ្រអ្នក។ តួនាទីរបស់អ្នកគឺជ្រើសរើសអ្នកណាដែលអ្នកអាចទុកចិត្តនិងអាចឱ្យនៅជិតអ្នកបាន។
៣)ទទួលខុសត្រូវចំពោះអារម្មណ៍របស់អ្នក
ការទទួលខុសត្រូវពិតជាសំខាន់ខ្លាំងណាស់សម្រាប់មនុស្សម្នាក់ ព្រោះថាប្រសិនបើអ្នកមានការទទួលខុសត្រូវចំពោះអារម្មណ៍របស់អ្នកបាននោះ មានន័យថាអ្នកនិងក្លាយជាមនុស្សម្នាក់ដែលមានភាពរឹងមាំផ្នែកស្មារតី។
៤)ចូររៀននៅជាមួយខ្លួនឯង
ចំណុចនេះចូរអ្នករៀនចំណាយពេលវេលាខ្លះនៅជាមួយខ្លួនឯងដោយស្គាល់ខ្លួនឯងឲ្យច្បាស់ និងចំណាយពេលខ្លះទៀតសម្រាប់ការផ្តល់ក្តីសុខភាពផ្លូវចិត្តនិងអារម្មណ៍ដោយប្រើវិធីការសមាធិរយៈពេលត្រឹមតែ ៥ នាទីប៉ុណ្ណោះ ដើម្បីជួយអ្នកក្នុងការគ្រប់គ្រងអារម្មណ៍របស់អ្នកនិងស្ថានភាពផ្លូវចិត្តរបស់អ្នកឲ្យមានភាពប្រសើរ។
ប្រែសម្រួលដោយ៖ អ៊ុន ស្រីនាង
