សង្ខេបព្រឹត្តិការណព័ត៌មានសេដ្ឋកិច្ចប្រចាំសប្តាហ៍
ថ្ងៃនេះBizkhmerសូមបង្ហាញជូនលោកអ្នកនូវការសង្ខេបព្រឹត្តិការណ៍សេដ្ឋកិច្ចសំខាន់ៗនៅកម្ពុជាប្រចាំសប្តាហ៍ដើម្បីផ្ដល់ជាចំណេះដឹងនិងជំនួយដល់ការធ្វើអាជីវកម្មរបស់លោកអ្នក។ ខាងក្រោមនេះគឺជាព័ត៌មានសេដ្ឋកិច្ចសំខាន់ៗដែលដកស្រង់ចេញពីស្ថាប័នព័ត៌មានក្នុងស្រុកល្បីៗមួយចំនួនដូចជា កាសែតកោះសន្តិភាព រស្មីកម្ពុជា ភ្នំពេញប៉ុស្ដិ៍ Sabay News និង Fresh News។
កាលពីថ្ងៃទី១២ ខែកុម្ភៈ ឆ្នាំ២០១៩ កន្លងទៅនេះ កាសែតកោះសន្តិភាពបានចេញផ្សាយព័ត៌មានស្ដីអំពី ចិនចាប់យកតំបន់សមុទ្ររបស់កម្ពុជាសម្រាប់ការវិនិយោគ៖ ក្នុងរយៈពេលប៉ុន្មានឆ្នាំចុងក្រោយនេះ ការវិនិយោគនៅក្នុងប្រទេសកម្ពុជា ត្រូវបានគេមើលឃើញថា វិនិយោគិនចិនគឺឈរលំដាប់ទី១ ពិសេសការវិនិយោគលើវិស័យសំណង់ធំៗ ហើយបច្ចុប្បន្នតំបន់ដែលចិនចូលចិត្តនិងកំពុងវិនិយោគច្រើនជាង គឺនៅតំបន់ជាប់មាត់សមុទ្រ ដូចជាខេត្ត ព្រះសីហនុ និងកោះកុង ជាដើម ។
សូមចុចទីនេះដើម្បីអានព័ត៌មានលម្អិត
យោងតាមប្រភពសាព័ត៌មានខាងលើដែលបានចេញផ្សាយកាលពីថ្ងៃទី ១៤ ខែកុម្ភៈ ឆ្នាំ២០១៩ ស្ដីអំពី ជុំវិញបញ្ហាEBAដែលកម្ពុជាកំពុងប្រឈមនឹងការបាត់បង់៖ កាលពីថ្ងៃទី ១១ កុម្ភៈ កន្លងមក សហភាពអឺរ៉ុបបានចេញសេចក្ដីប្រកាសព័ត៌មានមួយថា ខ្លួនបាននិងកំពុងដំណើរការនីតិវិធីក្នុងការព្យួរជាបណ្ដោះអាសន្ននូវប្រព័ន្ធអនុគ្រោះពន្ធលើទំនិញគ្រប់យ៉ាងលើកលែងអាវុធ(EBA)ពីកម្ពុជា ដែលបានបង្កឲ្យមានការព្រួយបារម្ភនិងសោកស្ដាយពីមជ្ឈដ្ឋានមួយចំនួន បើទោះបីជាការដកហូតនេះ មិនទាន់ចាប់ផ្ដើមជាផ្លូវការក៏ដោយ ។ សូមចុចទីនេះដើម្បីអានព័ត៌មានលម្អិត
ដោយឡែកសម្រាប់កាសែតភ្នំពេញប៉ុស្ដិ៍វិញ កាលពីថ្ងៃទី១៥ ខែកុម្ភៈ ឆ្នាំ២០១៩ បានចេញផ្សាយស្ដីអំពី វៀតណាម បន្តកូតានាំចូលអង្ករកម្ពុជា ៣០ ម៉ឺនតោន៖ វៀតណាមបានក្លាយជាប្រទេសទី២ បន្ទាប់ពីចិនដែលបានប្រកាសបន្តផ្តល់សិទ្ធិឲ្យកម្ពុជានាំចូលអង្ករ ដោយមិនជាប់ពន្ធគយតែត្រូវស្ថិតក្នុងបរិមាណកំណត់មួយ (កូតា) បន្ទាប់ពីសហភាពអឺរ៉ុបដែលជាទីផ្សារអង្ករសំខាន់របស់កម្ពុជាបានសម្រេចកាលពីខែមុនតម្រូវឲ្យអង្ករនាំចូលពីកម្ពុជាត្រូវបង់ពន្ធ។ សូមចុចទីនេះដើម្បីអានព័ត៌មានលម្អិត
មួយវិញទៀតសម្រាប់កាសែត រស្មីកម្ពុជា កាលពីថ្ងៃទី១៥ ខែកុម្ភៈ ឆ្នាំ២០១៩ បានចេញផ្សាយអំពី កម្មវិធីអភិវឌ្ឍន៍សេដ្ឋកិច្ចមូលដ្ឋានក្រោមជំនួយប្រទេសស្វីស-អាល្លឺម៉ង់បន្តឆ្នាំ២០១៩៖ កម្មវិធីអភិវឌ្ឍន៍សេដ្ឋកិច្ចមូលដ្ឋាន-ដំណាក់កាលទីIV(Red IV) ក្រោមជំនួយប្រទេសស្វីសអាល្លឺម៉ង់បន្តអនុវត្តនៅឆ្នាំ២០១៩នេះជាឆ្នាំទី២នៃកម្មវិធី។ ផែនការនេះនឹងត្រូវដាក់ជូនគណ:កម្មាធិការដឹកនាំការងារថ្នាក់ជាតិ(NSC) របស់កម្មវិធីនេះអនុម័តនាខែមីនាឆ្នាំ២០១៩ ខាងមុខ។ សូមចុចទីនេះដើម្បីអានព័ត៌មានលម្អិត
មួយវិញទៀតសម្រាប់សាព័ត៌មាន Khmer Time កាលពីថ្ងៃទី១៥ ខែវិច្ឆិកា ឆ្នាំ២០១៩ បានផ្សាយអំពី កម្ពុជាអាចសម្រេចបាននូវការអភិវឌ្ឍប្រកបដោយចីវរភាព(SDGs)ប៉ុន្តែត្រូវការចាំបាច់នូវកំណែរទម្រង់សារពើពន្ធ៖ កម្ពុជាមានឱកាសដ៏ល្អមួយដែលអាចសម្រេចបាននូវការការពារសង្គមជាតិ ដែលស្ថិតនៅក្រោមការអភិវឌ្ឍន៍ប្រកបដោយចីវរភាព(SDGs) ប៉ុន្តែក្នុងនោះក៏នឹងត្រូវការចាំបាច់ឲ្យមាននូវការវិនិយោគក្នុងការការពារសង្គមប្រកបដោយតុល្យភាព។ នេះបើយោងតាមការចេញផ្សាយរបស់ADB (Asian Development Bank)។ សូមចុចទីនេះដើម្បីអានព័ត៌មានលម្អិត
ដោយឡែកសម្រាប់សារព័ត៌មានចុងក្រោយគឺ Sabay News កាលពីថ្ងៃទី១១ ខែកុម្ភៈ ឆ្នាំ២០១៩ បានចេញផ្សាយអំពី លែងបារម្ភ! អចលនទ្រព្យកម្ពុជានៅដំណើរការល្អ បើទោះគម្រោងខ្លះ ពន្យាពេល៖ អ្នកវិនិយោគក្នុងស្រុក និងអ្នកជំនាញអចលនទ្រព្យ នៅក្នុងប្រទេសកម្ពុជានៅតែបន្តមានភាពវិជ្ជមាន បើទោះបីមានគម្រោងមួយចំនួន ត្រូវបានពន្យាពេលសាងសង់ក៏ដោយ។ នេះបើតាមការចុះផ្សាយរបស់គេហទំព័រ propertyarea.asia។ អ្នកនាងអាន សុធីតា នាយិកាប្រចាំប្រទេសនៃក្រុមហ៊ុន CBRE Cambodia បានឲ្យដឹងតាមទូរសព្ទកន្លងមកថា គំរោងមួយចំនួនបានពន្យាពេល ដោយសារតែអ្នកវិនិយោគគ្មានជំនាញពិតប្រកដ បញ្ហាផ្ទៃក្នុងរបស់ក្រុមហ៊ុន និងការដាក់លក់ចូលទៅក្នុងទីផ្សារមិនសូវបានល្អ៕ សូមចុចទីនេះដើម្បីអានព័ត៌មានលម្អិត
ដកស្រង់ដោយ៖ ជួប ស្រីរ័ត្ន
