កំហុសធំៗ ៣ ដែលអ្នកគ្រប់គ្រងបានធ្វើនៅពេលប្រើប្រាស់ប្រព័ន្ធឌីជីថលសម័យទំនើបក្នុងអាជីវកម្ម
ជាការពិតណាស់ មកដល់សម័យនេះទៅហើយ ប្រព័ន្ធឌីជីថលគឺពិតជាពេញនិយមសម្រាប់ក្រុមហ៊ុននីមួយៗ សឹងទូទាំងពិភពលោក។ តែពេលខ្លះ អាជីវកម្មរបស់អ្នកអាចដើរបានល្អ ក៏អាស្រ័យទៅលើថ្នាក់ដឹកនាំផងដែរ ថាតើពួកគេយល់ច្បាស់ពីប្រព័ន្ធឌីជីថលទំនើប ហើយឬនៅ? បើមិនដូច្នោះទេអ្នកនឹងងាយជួបបញ្ហា ហើយបញ្ហាខាងក្រោមនេះដែលអ្នកគួររៀនបន្ថែម ដើម្បីជៀសវាងផលប៉ះពាល់នៅថ្ងៃក្រោយ៖
១) មិនបានរាប់ពីចំនួនអ្នកដែលមានបទពិសោធន៍ធ្វើវា
ដំណើរការនៃប្រព័ន្ធបែបឌីជីថលគឺវាមិនមែនមានតែទ្រឹស្ដីតែមួយមុខនោះទេ។ អ្វីដែលប្រសើរនោះគឺការដឹងមុន និងការដែលចេះទាយពីហេតុការណ៍ណាមួយអាចនឹងកើតមានឡើង។ ក្នុងអត្ថន័យនេះ គឺចង់មានន័យថា អ្នកបង្រៀនក៏ដូចជាអ្នកដែលរៀនត្រូវមានសមត្ថភាពនិងជំនាញខ្ពស់ដើម្បីធ្វើការអនុវត្តវា។ អ្វីដែលគួរធ្វើនោះ គឺត្រូវដឹងថាតើអ្នកណាខ្លះហើយដែលមានជំនាញប្រើប្រាស់ប្រព័ន្ធ ឌីជីថលក្នុងក្រុមហ៊ុននេះ។
២) វិនិយោគលើSystem ចាស់
កាលដែលលោកអ្នកវិនិយោគលើ Systemខុស គឺជាកំហុសមួយធំហើយចាយដើមទុនក្រាស់។ មុននឹងសម្រេចចិត្តទិញវាយកមកប្រើប្រាស់ អ្នកគួរតែរៀនឲ្យបានច្រើន ព្រមទាំងស្រាវជ្រាវឲ្យល្អិតល្អន់ជាមុនសិនថាតើវាល្អសម្រាប់ប្រើប្រាស់ឬយ៉ាងណា? ជៀសវាងការចំណាយរួចរាល់ហើយ តែបែរជាអាសាបង់ទៅវិញនោះ។
៣) មិនបានជ្រើសរើសអ្នកចាត់ចែងធំក្នុងការធ្វើវា
តាមពិតទៅ មិនមែនអ្នកបង្រៀនបុគ្គលិកឲ្យចេះពីប្រព័ន្ធទាំងនោះហើយ នោះអ្វីៗនឹងចប់នោះទេ។ អ្នកគួរតែមានអ្នកចាត់ចែងណាមួយដែលច្បាស់ពីវា ហើយនៅចាំឃ្លាំមើល ពិនិត្យ ផ្ដល់យោបល់ និងដាស់តឿនក្នុងការប្រើប្រាស់គ្រប់ពេលវេលា ទើបវាគ្មានបញ្ហាកើតឡើង។ តែបើលោកអ្នកមិនបានចាត់តាំងនរណាម្នាក់ជាប្រធានក្រុម ដើម្បីគ្រប់គ្រងប្រព័ន្ធ ទាំងនោះផង វាគឺជាកំហុសមួយដែលមិនគួរមើលរំលង៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ weforum.com
