សិក្ខាសាលាផ្សព្វផ្សាយស្តីពី "អក្ខរកម្មមេឌា" សម្រាប់សិស្សានុសិស្សក្នុងខេត្តកំពង់ចាម
វគ្គសិក្ខាសាលាផ្សព្វផ្សាយស្តីពី "អក្ខរកម្មមេឌា" សម្រាប់សិស្សមធ្យមសិក្សាទុតិយភូមិ រៀបចំឡើងដោយ នាយកដ្ឋានបច្ចេកវិទ្យាព័ត៌មាន ដែលប្រព្រឹត្តទៅកាលពីថ្ងៃសៅរ៍ ១៣រោច ខែបុស្ស ឆ្នាំច សំរឹទ្ធិស័ក ព.ស.២៦៥២ ត្រូវនឹងថ្ងៃទី០២ ខែកុម្ភះ ឆ្នាំ២០១៩ នៅវិទ្យាល័យសម្តេចហ៊ុន សែន ពាមជីកង ខេត្តកំពង់ចាម ដោយមានសិស្សចូលរួមសរុបចំនួនប្រមាណ២០០នាក់ ក្នុងគោលបំណងដើម្បីណែនាំដល់សិស្សានុសិស្សឲ្យចេះវាយតម្លៃលើបណ្តាញសង្គម។
សិស្សានុសិស្សមានឱកាសពិភាក្សា និងបកស្រាយលើ៤ចំនុចសំខាន់ៗ ក្នុងនោះមានដូចជា៖
១. ការការពារសុវត្ថិភាព (Security) និងឯកជនភាព (Privacy)លើបណ្តាញសង្គម
២. ការវិភាគលើព័ត៌មានពិត និងមិនពិត
៣. ការប្រើប្រាស់បណ្តាញសង្គមប្រកបដោយទំនួលខុសត្រូវ
៤. ការផលិតមាតិកាព័ត៌មានដែលគួរឱ្យចាប់អារម្មណ៍
សូមជម្រាបផងដែរថា អក្ខរកម្មមេឌា គឺជាសមត្ថភាព ក្នុងការ វិភាគ វាយតម្លៃ និងបង្កើតខ្លឹមសារ នៅលើគ្រប់ទម្រង់ផ្សេងៗនៃមេឌា៕
ប្រភព៖ ក្រសួងអប់រំ យុវជន និងកីឡា
