អនុវត្តក្បួនទាំង៤យ៉ាងនេះ ដើម្បីការពារកុំអោយបាត់បង់អាជីពការងារដោយមិនដឹងខ្លួន
ចង់បានភាពជោគជ័យក្នុងជីវិត មនុស្សម្នាក់ៗពិតជាត្រូវការអាជីព និង ការងារមួយច្បាស់លាស់ ដើម្បីធានាអំពីប្រាក់ចំណូល និង ការអភិវឌ្ឍន៍ខ្លួនឲ្យកាន់តែប្រសើរ។ ប៉ុន្តែមនុស្សមួយចំនួន បានភ្លេចគិតចំណុចអវិជ្ជមានមួយចំនួន ជាហេតុនាំឲ្យអាជីពការងាររបស់ខ្លួន ត្រូវរលាយដោយមិនដឹងខ្លួន។ ខាងក្រោមនេះ ជាចំណុចសំខាន់ៗដែលគួរអនុវត្ត ដើម្បីជៀសវាងកុំអាជីពការងាររបស់អ្នកត្រូវបំផ្លាញ់៖
១) កុំជឿនូវអ្វីដែលមិនបានឮ៖ អ្នកនិពន្ធZig Zilar បាននិយាយថា៖"«នៅពេលមានគេសរសើរអ្នកថាអ្នកពិតជាអស្ចារ្យ ពេលនោះអ្នកនឹងជឿគេហើយសមត្ថភាពធ្វើការងាររបស់អ្នកនឹងធ្លាក់ចុះ»។ ដូចនេះបើអ្នកមិនចង់បំផ្លាញការងាររបស់ខ្លួនឯងទេអ្នកគួរតែផ្ដោតសំខាន់ទៅលើគោលដៅរបស់អ្នករហូតចេញផ្លែផ្កាដូចដែលខ្លួនចង់បាន។
២) រក្សាចិត្តស្មោះត្រង់៖ អ្នកនឹងក្លាយទៅជាបុគ្គលដែលបំផ្លាញការងារខ្លួនឯងនៅពេលដែលអ្នកក្បត់នឹងសតិសម្បជញ្ញៈរបស់ខ្លួន។ ហេតុដូចនេះភាពស្មោះត្រង់ដែលកើតចេញពីខ្លួនឯងក៏អាចជំរុញចិត្តអ្នកអោយស្រលាញ់នូវការងារដែលអ្នកមានសព្វថ្ងៃនេះដែរ។
៣) ជៀសវាងការសេពសុរា និង គ្រឿងញៀន៖ យើងមិនអាចធ្វើកិច្ចការមួយបានជាប់លាប់ទេនៅពេល យើងប្រើប្រាស់ថ្នាំ ឬ សេពគ្រឿងស្រវឹងនាៗព្រោះពូកវាអាចធ្វើអោយការគិត និង ការចងចាំរបស់យើងអន់ខ្សោយបាន។ ដូចនេះអ្នកគួរជៀសអោយឆ្ងាយពីពូកវា។
៤) ធ្វើជាមនុស្សដែលគួរអោយទុកចិត្ត៖ នៅកន្លែងធ្វើការក៏ដូចជាការរកស៊ីជាដើម ការទុកចិត្តគ្នានេះពិតជាមានសារៈសំខាន់ណាស់នៅពេលដែលយើងធ្វើការទំនាក់ទំនងទៅកាន់នរណាម្នាក់ជាពិសេសដៃគូសហការរកស៊ី។ ដើម្បីរក្សាការងារអ្នកអោយបានគង់វង្សគប្បីត្រូវតាំងចិត្តតស៊ូអោយខ្លាំងទៅនឹងការងារដែលអ្នកកំពុងតែមាន៕
ប្រែសម្រួល៖ ព្រំសុវណ្ណកណ្ណិកា ប្រភព៖ ziglarvault.com
