៥ ចំណុចធ្វើឲ្យប្រទេសវៀតណាមអន្ទងចិត្តក្រុមហ៊ុនអន្តរជាតិធំៗបាន
ស្របពេលដែលប្រទេសមហាសេដ្ឋកិច្ចកំពុងមានបញ្ហាល្អក់កករជាមួយគ្នាប្រទេសវៀតណាមបានឆ្លៀតចាប់យកឱកាស និងទីផ្សារមួយចំនួនពីពិភពលោក និង ទាក់ទាញវិនិយោគិនជាច្រើនឲ្យមកវិនិយោគក្នុងប្រទេសរបស់ខ្លួន។ វៀតណាមប្រទេសចំណាត់ថ្នាក់លេខមួយក្នុងចំណោមបណ្ដារប្រទេសកំពុងរីកចម្រើននៅក្នុងប្រទេសអាស៊ីចំនួន៧ប្រទេសដែលនឹងទទួលបានអត្ថប្រយោជន៍ជាច្រើនពីបញ្ហាចម្រូងចម្រាស់គ្នារវាងអាមេរិកនិងចិន។ បើយោងតាមការវិភាគរបស់ Natixis SA បានបញ្ជាក់ពីចំណុចមួយចំនួនដែលជាចំនុចលិចធ្លោររបស់មួយនេះដែលមានដូចជា៖
កម្លាំងពលកម្មធូរថ្លៃ
កម្លាំងពលកម្មនៅក្នុងប្រទេសវៀតណាមគឺមិនលើ ២១៦ដុល្លារសហរដ្ឋអាមេរិកឡើយសម្រាប់វិស័យផលិតកម្មបើគិតជាមធ្យម។ នេះជាចំនួនមួយដែលថោកជាងប្រទេសចិនសឹងតែពាក់កណ្ដាល។
ទំនិញផ្សេងៗធូថ្លៃ
មួយវិញទៀតរដ្ឋាភិបាលវៀតណាមមានទំនិញដែលបម្រើដល់ផលប្រយោជន៍សេដ្ឋកិច្ចដូចជាអគ្គិសនីគឺមានតម្លៃទាប ត្រឹមតែ ៧សេនក្នុងមួយគីឡូវ៉ាត់ក្នុងមួយម៉ោងតែប៉ុណ្ណោះខណៈបណ្ដាប្រទេសមួយចំនួនធំក្នុងតំបន់រួមមានទាំងថៃ និងហ្វីលីពីនផងសុទ្ធតែមានតម្លៃអគ្គិសនីថ្លៃជាងវៀតណាម។
ការវិនិយោគ
ប្រទេសវៀតណាមបានក្លាយជាប្រទេសដែលទទួលបានការលើកលែងពន្ធពីអ៊ឺរ៉ុប ប្រទេសកូរ៉េខាងត្បូង និង ប្រទេស១០ផ្សេងទៀតកាលពីខែមីនាឆ្នាំ២០១៨។
រដ្ឋាភិបាលនៃប្រទេសវៀតណាមបានជួយសម្រួលដល់វិនិយោគិនបរទេសដែលធ្វើពាណិជ្ជកម្មក្នុងប្រទេសពួកគេដោយអាចឲ្យវិនិយោគិនបរទេសមានសិទ្ធិជាម្ចាស់មូលបត្រ នៃក្រុមហ៊ុនរដ្ឋបាន ១០០ភាគរយលើកលែងតែក្រុមហ៊ុនរដ្ឋមួយចំនួន ដូចជាវិស័យធនាគារ និង ទូរគមនាគមន៍។
ទីតាំងភូមិសាស្រ្ដ
ប្រទេសវៀតណាមនិងប្រទេសចិនគឺនៅជាប់គ្នា។ដូចនេះបើសិនក្រុមហ៊ុនចិនចង់ស្វែងរកវត្ថុធាតុដើម ដើម្បីផលិតមិនចាំបាច់រកស្វែងរកពីប្រទេសអាមេរិកក៏បានគ្រាន់តែឆ្លងកាត់ការស្វែងរកតាមរយៈប្រទេសវៀតណាមជាការស្រេច។ប្រទេសវៀតណាមគឺជាដៃគូរពាណិជ្ជកម្មធំជាងគេរបស់ចិន ប្រចាំអាស៊ីអាគ្នេយ៍ អាចនិយាយបានថាប្រទេសពីរនេះក្លាយជាប្រទេសដែលជួយផ្ដត់ផ្គង់សង្វាក់ផលិតកម្មឲ្យគ្នាទៅវិញទៅមក។
ស្ថិរភាព
វៀតណាមបានកែប្រែខ្លួនឯងទៅជាប្រទេសមួយដែលមានសេដ្ឋកិច្ចរីកចម្រើនខ្លាំង នៅក្នុងពិភពលោក។កាលពីឆ្នាំ ២០១៨ សេដ្ឋកិច្ចនៃប្រទេសមួយនេះបានកើនឡើងចំនួន៧ភាគរយ។ ចំពោះស្ថេរភាពរូបិយប័ណ្ណរបស់វៀតណាមកាលពីឆ្នាំទៅមានភាពនឹងនរល្អបើធៀបទៅរូបិយប័ណ្ណនៅក្នុងអាស៊ីដូចជា រូពី រូផៃ គឺស្ថិតនៅភាពធ្លាក់ចុះយ៉ាងដុនដាប។មិនតែប៉ុនោះស្ថេរភាពនយោបាយនៅក្នុងប្រទេសវៀតក៏បានដើរតួរយ៉ាងសំខាន់សម្រាប់វិនិយោគិនដូចគ្នាសម្រាប់វិស័យវិនិយោគ។
ដោយ៖ ច័ន្ទលាភ
ប្រភព៖ bloomberg
