វៀតណាម កំពុងត្រៀមចាប់យកឱកាសពីស្ថានភាពតានតឹងរវាងចិន និង អាមេរិក
«យើងត្រៀមខ្លួនរួចជាស្រេចដើម្បីចាប់យកឱកាស!» នេះជាការលើកឡើងពីលោក ង្វៀន ស៊ិន ផុក នាយករដ្ឋមន្ត្រីវៀតណាម មុនពេលចេញដំណើរទៅចូលរួមប្រជុំក្នុងវេទិកាសេដ្ឋកិច្ចពិភពលោកនៅប្រទេសស្វីស។ នេះជាការសម្លឹងឃើញឱកាសដ៏ធំធេង ស្របពេលដែលមហាអំណាចសេដ្ឋកិច្ចធំជាងគេបំផុតទាំងពីរកំពុងមានភាពតានតឹងដាក់គ្នា។
យោងតាមអនុសាសន៍នាយករដ្ឋមន្ត្រីវៀតណាម លោក ង្វៀន ស៊ិន ផុក (Nguyen Xuan Phouc) បានលើកឡើងថាប្រទេសវៀតណាមសព្វថ្ងៃកំពុងប្រឹងប្រែងធ្វើការនាំចេញ ទាំងបរិមាណនិងគុណភាពពីផលិតផលដែលផលិតនៅក្នុងវៀតណាមចេញទៅក្រៅប្រទេសជាពិសេស ផលិតផលគ្រឿងសមុទ្រ ស្បែកជើង និងឧបករណ៍អេឡិចត្រូនិច និងទំនិញផ្សេងៗ។ លោកបានបន្ថែមទៀតថា គោលដៅប្រទេសវៀតណាមគឺចង់ក្លាយជាប្រទេសមួយដែលសេដ្ឋកិច្ចរីកចម្រើនលឿនខាងវិស័យនាំចេញនិងអាចជួយជម្រុញឲ្យមានការងារកាន់តែច្រើនជាមួយនឹងប្រាក់ចំណូលដែលខ្ពស់សម្រាប់ប្រជាជនវៀតណាម។
ទោះជាយ៉ាងណាក៏ដោយ លោកនាយករដ្ឋមន្ត្រី មើលឃើញថា ប្រទេសនៅអាស៊ីអាគ្នេយ៍នៅមិនទាន់បានឃើញពីហូរចេញក្រុមហ៊ុនធំៗពីចិនចូលទៅក្នុងទឹកដីអាស៊ីអាគ្នេយ៍នោះទេបើគិតមកដល់ពេលនេះ៕
ដោយ៖ ច័ន្ទលាភ
