កម្ពុជាទទួលគម្រោងរោងចក្រចំនួន៥បន្ថែមទៀត ដែលសរុបទុនវិនិយោគជាង២ពាន់លានដុល្លារអាមេរិក
គណកម្មាធិការវិនិយោគនៃក្រុមប្រឹក្សាអភិវឌ្ឍន៍កម្ពុជាបានសម្រេចចេញនូវវិញ្ញាបនបត្រចុះបញ្ជីជាស្ថាពរជូនដល់ក្រុមហ៊ុនចំនួន៥ ទៅលើគម្រោងបង្កើតរោងចក្រចំនួន ៥ ដោយសរុបទុនវិនិយោគប្រមាណ ២ ៤៨១ លានដុល្លារអាមេរិក ដែលនឹងមានវត្តមាននៅក្នុងខេត្តកណ្ដាល តាកែវ និងរាជធានីភ្នំពេញ ដែលគម្រោងនេះអាចផ្ដល់ឱកាសការងារដល់ប្រជាពលរដ្ឋបានរហូតដល់ ៨ ៣៨៣ កន្លែង។
ទី១ ក្រុមហ៊ុន “GUOHUI LUGGAGE TRAVELING PRODUCTS (CAMBODIA) CO.,LTD.” គម្រោងបង្កើតរោងចក្រផលិតកាបូបគ្រប់ប្រភេទ ដែលមានទីតាំងវិនិយោគស្ថិតនៅភូមិឃ្លាំងសម្បត្តិ ឃុំពត់សរ ស្រុកបាទី ខេត្តតាកែវ មានទុនវិនិយោគប្រមាណ ៥,២៤ លានដុល្លារអាមេរិក និងអាចបង្កើតការងារបានចំនួន ១ ០៦៩កន្លែង។
ទី២ ក្រុមហ៊ុន “GLOWING VALUE (CAMBODIA) BAG & LUGGAGE CO.,LTD.” គម្រោងបង្កើតរោងចក្រផលិតកាបូបគ្រប់ប្រភេទ ដែលមានទីតាំងវិនិយោគស្ថិតនៅភូមិត្រពាំងឬស្សី ឃុំទំនប់ធំ ស្រុកពញាឮ ខេត្តកណ្តាល មានទុនវិនិយោគប្រមាណ ៤,១៨លានដុល្លារអាមេរិក និងអាចបង្កើតការងារបានចំនួន ២ ១៦៨កន្លែង។
ទី៣ ក្រុមហ៊ុន “PEEVI INDUSTRY (CAMBODIA) CO.,LTD.” គម្រោងបង្កើតរោងចក្រផលិតកាបូបគ្រប់ប្រភេទ ដែលមានទីតាំងវិនិយោគស្ថិតនៅ ភូមិឃ្លាំងសម្បត្តិ ឃុំពត់សរ ស្រុកបាទី ខេត្តតាកែវ មានទុនវិនិយោគប្រមាណ ៥,២៤លានដុល្លារអាមេរិក និងអាចបង្កើតការងារបានចំនួន ១ ០៩៦កន្លែង។
ទី៤ ក្រុមហ៊ុន “HILLTOP LUGGAGE (CAMBODIA) CO.,LTD.” គម្រោងបង្កើតរោងចក្រផលិតកាបូបគ្រប់ប្រភេទ ដែលមានទីតាំងវិនិយោគស្ថិតនៅផ្លូវជាតិលេខ២១B ភូមិអន្លង់សាន ឃុំព្រែកស្តី ស្រុកកោះធំ ខេត្តកណ្តាល មានទុនវិនិយោគប្រមាណ ៦,៤១លានដុល្លារអាមេរិក និងអាចបង្កើតការងារបានចំនួន ១ ៩៦៦កន្លែង។
ទី៥ ក្រុមហ៊ុន “EVER SUPRA GARMENT (CAMBODIA) CO.,LTD.” គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅ ភូមិព្រែកកំពឹស សង្កាត់ព្រែកកំពឹស ខណ្ឌដង្កោ រាជធានីភ្នំពេញ មានទុនវិនិយោគប្រមាណ ៣,៧៤លានដុល្លារអាមេរិក និងអាចបង្កើតការងារបានចំនួន ២ ១១១កន្លែង៕
ដោយ៖ ស្រីរ័ត្ន
