ក្រុមហ៊ុន Ookla ដែលជាក្រុមហ៊ុនវិភាគអ៊ីនធឺណែត ថ្មីៗនេះបានបង្ហាញនូវរបាយការណ៍អំពីប្រព័ន្ធអ៊ីនធឺណេតចល័ត និងអ៊ីនធឺណែតប្រើខ្សែលើប្រទេសជុំវិញពិភពលោក។ ក្នុងឆ្នាំ ២០១៨ ល្បឿនអ៊ីនធឺណេតចល័តកើនឡើងបន្ថែម ៥% ជាមធ្យមមានល្បឿន ២៣ មេកាបៃក្នុងមួយវិនាទី (Mbps)  នៅពេលដែលល្បឿនបង្ហោះ(upload) កើនឡើង ៩មេការបៃក្នុងមួយនាទី បើធៀបនឹងឆ្នាំ ២០១៧។ បើនិយាយអំពីល្បឿនអ៊ីនធឺណេតប្រើខ្សែ កើនឡើងបន្ថែមជាង២៦% ដោយល្បឿន ៤៦មេកាបៃចុះ និង២២មេកាបៃឡើង បើធៀបទៅនឹងឆ្នាំ ២០១៧។

ទីណាដែលអ្នកអាចប្រើប្រាស់អ៊ីនធឺណែតដែលមានល្បឿនលឿនបំផុត?

ខាងក្រោមនេះគឺជាប្រទេសដែលមានល្បឿនអ៊ីនធឺណែតចល័តលឿនជាងគេ៖

១) ប្រទេសន័រវែស មានល្បឿន ៦៣,១៩មេកាបៃក្នុងមួយវិនាទី

២) ប្រទេស​អៀរឡង់ មានល្បឿន ៥៨​,៦៨ មេកាបៃក្នុងមួយវិនាទី

៣)​ ប្រទេសកាតា មានល្បឿន ៥៥,១៧មេកាបៃក្នុងមួយវិនាទី

៤) ប្រទេសសិង្ហបុរី មានល្បឿន ៥៤,៧១មេកាបៃក្នុងមួយវិនាទី

៥) ប្រទេសហូឡង់ មានល្បឿន ៥៣,៤២ មាកាបៃក្នុងមួយវិនាទី

ខាងក្រោមនេះជាប្រទេសដែលមានល្បឿមអ៊ីមធឺណែតប្រើខ្សែលឿនជាងគេ៖

១)​ ប្រទេសសិង្ហបុរី មានល្បឿន ១៧៥,១៣​ មេកាបៃក្នុងមួយវិនាទី

២)​ ប្រទេសអៀរឡង់ មានល្បឿន ១៥៣,០៣ មេកាបៃក្នុងមួយវិនាទី

៣)​​ ហុង កុង​ មានល្បឿន ១៣៨,៣១ មេកាបៃក្នុងមួយនាទី

៤) ប្រទេសកូរ៉េខាងត្បូង មានល្បឿន ១១៤,៦៧ មេកាបៃក្នុងមួយវិនាទី

៥)​ ប្រទេសរ៉ូម៉ានី មានល្បឿន ១០៩,៩​ មេកាបៃក្នុងមួយវិនាទី

ដោយ៖​ លង់ វណ្ណៈ