ត្រៀមCV! ទទួលយកឱកាសការងារជាង១ពាន់កន្លែងនៅថ្ងៃទី១៧ខាងមុខនេះ
ចូលរួមដោយសេរីនិងឥតគិតថ្លៃ នៅថ្ងៃទី១៧ ខែមករា ឆ្នាំ២០១៩ ចាប់ពីម៉ោង ៨:០០-៥:០០រសៀល ខាងមុខនេះ ឱកាសការងារច្រើនផ្នែកច្រើនជំនាញដែលមានចំនួន ១,០៦៧កន្លែងពីក្រុមហ៊ុនល្បីៗចំនួន១០កុំពងរង់ចាំលោកអ្នក។
លោកអ្នកគ្រាន់តែទៅកាន់ ក្រសួងការងារនឹងបណ្ដុះបណ្ដាលវិជ្ជាជីវៈ នឹងភ្ជាប់មកជាមួយនូវ ប្រវត្តិរូបសង្ខេប (CV) នោះលោកអ្នកនឹងអាចចូលទៅសម្ភាសន៍ផ្ទាល់បានតែម្ដង។ នេះបើយោងតាមការចុះផ្សាយតាមរយៈហ្វេសប៊ុកផេកផ្លូវការរបស់ក្រសួងការងារនឹងបណ្ដុះបណ្ដាលវិជ្ជាជីវៈ។
នេះជាឱកាសល្អសម្រាប់លោកអ្នកដែលមិនទាន់មានការងារធ្វើពិសេសយុវជន អាចរៀបចំ CVរបស់លោកអ្នកនឹងមកកាន់ក្រសួងការងារនិងបណ្ដុះបណ្ដាលវិជ្ជាជីវៈ នៅថ្ងៃទី១៧ ខែមករា ឆ្នាំ២០១៩ ចាប់ពីម៉ោង៨:០០ព្រឹក ដល់ម៉ោង៥:០០រសៀល។ អ្នកអាចទំនាក់ទំនងសាកសួរព័ត៌មានលម្អិតតាមរយៈលេខទូរស័ព្ទ ០៧៧ ២៣២ ៣៧៨/ ០១៦ ៧៨ ៦៦ ៥៥៕
