ដូច​ដែល​​ប្រិយមិត្ត​មិត្ត​អ្នក​អាន​បាន​ជ្រាប​រួច​មក​ហើយ​ថា​ ​ភាគហ៊ុន​របស់​ក្រុមហ៊ុនបច្ចេកវិទ្យា​​ Apple បានធ្លាក់ចុះធ្វើឲ្យផ្សារមូលបត្រអាមេរិកទាំងមូល ​កក្រើក​​ កាលពីសប្ដាហ៍មុន​ក៏ប៉ុន្ដែក្រុមហ៊ុនមួយនេះ​មិនបានជិះទូកផ្សងព្រេងតែម្នាក់ឯង​នោះ​ទេ​ គឺមានក្រុមហ៊ុនយក្សពីរផ្សេងទៀតក៏ជិះទូកជាមួយដែរ។ ក្រុមហ៊ុនបច្ចេកវិទ្យា​ខ្នាត​យក្ស​ ដែលមានដើមកំណើតពីប្រទេសកូរ៉េខាងត្បូង គឺក្រុមហ៊ុនSamsung និង ក្រុមហ៊ុន LG ក៏មិនសូវមានហុងស៊ុយប៉ុន្មានដែរ។

ក្រុមហ៊ុន Samsung បានប្រកាសពីចំណូលដែលខ្លួនរកបានក្នុងរយៈពេលបីខែចុងក្រោយគិតត្រឹមខែធ្នូមកនេះ ធ្លាក់ចុះចំនួន ២៩%ស្មើរនឹងទឹកប្រាក់ ១០,៨ទ្រីលានវ៉ុន ស្មើនឹង  ៩,៦៧ ពាន់លានដុល្លារសហរដ្ឋអាមេរិកបើធៀបទៅឆ្នាំមុនៗ។

គួរបញ្ជាក់ផងដែរថា ការធ្លាក់ចុះរបស់ក្រុមហ៊ុន Samsung​ មកពីបញ្ហាផលិត Memory Chip មិនគ្រប់គ្រាន់​ផ្គត់ផ្គង់​ដល់​ការ​ផលិត បូករួមនឹងការប្រកួតប្រជែងយ៉ាងខ្លាំងពីដៃគូពាណិជ្ជកម្មរបស់ខ្លួន។ ក្រុមហ៊ុន Samsung រំពឹងទុកថា ក្រុមហ៊ុនរបស់ខ្លួននឹងមានការរីកចម្រើនឡើងវិញនៅ​ពាក់កណ្ដាលឆ្នាំនេះ។

ក្រោយពីក្រុមហ៊ុន Samsung បានប្រកាសពីចំណូល​របស់ខ្លួនធ្លាក់ចុះរួចហើយនោះ។ ក្រុមហ៊ុន LG ក៏បានប្រកាសចំណូលក្រុមហ៊ុនរបស់ខ្លួនបានធ្លាក់ចុះ ៨០% ​ដែរ។ ក្រុមហ៊ុនមួយនេះរកចំណូល​បានប្រមាណជាង ៧៥,៨ ពាន់លានវ៉ុន ស្មើរនឹង ៦៧ពាន់លានដុល្លាសហរដ្ឋអាមេរិកក្នុងរយៈពេលបីខែចុងក្រោយ​គិតត្រឹមខែធ្នូ។ ក្រុមហ៊ុនLG នៅមិនទាន់បញ្ជាក់ពីមូលហេតុពិតប្រាកដចំពោះការធ្លាក់ចុះរបស់ខ្លួននៅឡើយទេ ប៉ុន្ដែក្រុមហ៊ុនដែលមានដើមកំណើតក្នុងប្រទេសកូរ៉េខាង​ត្បូង​ទាំងពីរនេះ នឹងធ្វើការបញ្ជាក់ពីចំណូលរបស់ពួកគេ​នៅ​ចុងខែមករានេះ៕

ដោយ៖ ច័ន្ទលាភ
ប្រភព៖androidpolice