ការធ្លាក់ចុះផ្សារមូលបត្រអាមេរិកនៅចុងឆ្នាំ ២០១៨ បានធ្វើឲ្យក្រុមហ៊ុនមួយចំនួនត្រូវខាតបង់លុយមិនស្ទើរនោះឡើយ។ ចំនួនលុយខាតបង់ត្រូវបានដកចោលចេញពីតារាងតុល្យការរបស់ក្រុមហ៊ុននីមួយៗមួយរំពេច។ យ៉ាងណាក៏ដោយល្បែងតែងតែមានចាញ់ ឈ្នះអីចឹងហើយ។ តើក្រុមហ៊ុនណាខ្លះឈ្នះក្នុងផ្សារមូលបត្រ ហើយក្រុមហ៊ុនណាខ្លះចាញ់ជាទម្ងន់ក្នុងផ្សារមូលបត្រអាមេរិកកាលពី២០១៨កន្លងផុតទៅនេះ ?

អ្នកឈ្នះ

ក្រុមហ៊ុនAmazonបង្កើតឡើងដោយលោក Jeff Bezos ជាក្រុមហ៊ុន Ecommerc ដែលធំជាងគេក្នុងពិភពលោក។ ទីផ្សារមូលធនរបស់ក្រុមហ៊ុននេះបានកើនឡើងរហូតដល់ ២៨ពាន់លានដុល្លារសហរដ្ឋអាមេរិក (ប៊ីលាន)ឯណោះ។ កាលពីឆ្នាំ ២០១៨ក្រុមហ៊ុននេះបានរកប្រាក់ចំណូលឲ្យរូបលោកចំនួន ១២៥ពាន់លានដុល្លារ ធ្វើឲ្យលោក Bezos ក្លាយជាវិនិយោគិនដែលមានលុយច្រើនជាងគេជាប់គ្នាពីរឆ្នាំមកហើយ។

លោក Tim Sweeney ស្ថាបនិក និងជានាយកប្រតិបត្តិក្រុមហ៊ុនហ្គេម Fortnite developer Epic Games ជាអ្នកឈ្នះទី២ក្នុងផ្សារមូល​បត្រប្រចាំ២០១៨។ ហ្គេមរបស់លោករកចំណូលឲ្យបានចំនួន ៣,៦ពាន់លានដុល្លាសហរដ្ឋអាមេរិក (ប៊ីលាន)។

អ្នកចាញ់

ក្រុមហ៊ុនយក្សហ្វេសប៊ុកក្នុងរយៈពេល ១២ ខែចុងក្រោយនេះប្រឈមមុខនឹងរឿងរ៉ាវជាច្រើន។ សាធារណជនបានដឹងអំពីការរំលោភបំពានទិន្នន័យជាច្រើន ហើយតម្លៃភាគហ៊ុនរបស់ Facebook ទៀតសោតបានធ្លាក់ចុះយ៉ាងខ្លាំង។

ក្រុមហ៊ុន Evan Spiegel និង Snapchat (Snap Inc.)

នៅពេលបោះផ្សាយហ៊ុនដំបូង ក្រុមហ៊ុន Snap chat ទទួលបាន ៥.៥០ដុល្លារក្នុងមួយហ៊ុន។ ក្នុងឆ្នាំ២០១៨ ក្រុមហ៊ុនមួយនេះបានខាតបង់និងប៉ះពាល់យ៉ាងខ្លាំងដល់ប្រាក់ចំណេញរបស់ខ្លួន។តម្លៃហ៊ុនរបស់ Snap chat បានធ្លាក់ចុះមកនូវត្រឹម $4.99 ។ ការធ្លាក់ចុះមួយធ្វើឲ្យ Snap chat បុកពោះបន្ដិចជាមួយដៃគូរប្រកួតប្រជែងរបស់ខ្លួនដូចក្រុមហ៊ុន Facebook, Twitter, និង Instagram។ តារាល្បីៗ និងអ្នកប្រើប្រាស់Snap chatទូទៅ ជាច្រើនបានរិះគន់យ៉ាងចាស់ដៃទៅលើបញ្ហាដែលក្រុមហ៊ុននេះបានផ្លាស់ប្ដូកម្មវិធីការប្រើប្រាស់របស់ខ្លួន និងការដាក់បង្ហាញផ្ទាំងពាណិជ្ជកម្មផ្សេងៗដែលផ្ដល់ភាពរំខានដល់អ្នកប្រើប្រាស់៕