គេហទំព័រ បីសំខាន់ៗ សម្រាប់គ្រប់គ្រងអាជីវកម្មឱ្យមានប្រសិទ្ធភាព ក្នុងឆ្នាំ២០១៩
កម្មវិធី Software និងវែបសាយបាននិងកំពុងអភិវឌ្ឍយ៉ាងឆ័បរហ័ស ហើយត្រូវបានបង្កើតឡើងក្នុងមុខងារបម្រើផលប្រយោជន៍ដល់អ្នកប្រើប្រាស់ជាច្រើនមុខងារ។ ជាក់ស្ដែង គេហទំព័រទាំង៣ខាងក្រោមនេះ អាចជួយអ្នកបានច្រើន៖
- កម្មវិធី QMARKET
ជាកម្មវិធី ដែលជួយប្រមូលផ្ដុំ តាមដាន គ្រប់គ្រងគំនិតអាជីវកម្មរបស់អ្នកដែលបានបង្កើតឡើងដោយភាពច្នៃប្រឌិត។ វាជាកម្មវិធីមួយដែលជួយស្វែងយល់ពីធនធាន ដោះស្រាយនូវបញ្ហាសំខាន់ៗដែលចង់បានសម្រាប់អាជីវកម្មអ្នកបានយ៉ាងល្អពីមជ្ឈដ្ឋានខាងក្រៅ ខាងក្នុង ពីខ្លួនអ្នកផ្ទាល់។ កម្មវិធីមួយនេះបានទាញយកគំនិតអាជីវកម្មរបស់អ្នកមកបំបែកជាផ្នែកៗដើម្បីរកវិធីសាស្រ្ដក្នុងការដំណើរការអាជីវកម្មមួយនោះឲ្យចេញជារូបរាងតាមលំដាប់លំដោយដោយវិធីសាស្រ្ដក្នុងការអនុវត្ដងាយៗ។
- កម្មវិធី BUZZSUMO
ជាកម្មវិធីសម្រាប់វិភាគដៃគូប្រកួតប្រជែង។ គ្រប់អាជីវកម្មទាំងអស់ យុទ្ធសាស្ដ្រដើរតួនាទីយ៉ាងសំខាន់ក្នុងការដំណើរការអាជីវកម្មឲ្យបានល្អ។ មាតិការជាច្រើនក្នុងកម្មវីធី BUZZSUMO អាចជួយផ្ដល់គំនិតសម្រាប់ការទីផ្សារក្នុងការវិភាគ និង រៀបចំយុទ្ធសាស្រ្ដទីផ្សារ វិភាគអំពីនិន្នាការ និង ការរៀបចំយុទ្ធសាស្ដ្រក្នុងការប្រើប្រាស់ Content ដើម្បីផ្សព្វផ្សាយអោយត្រូវចំនុចនិងចំគោលដៅ។
- កម្មវិធី SISENSE
កម្មវិធីនេះជួយអ្នកឱ្យដឹងពីសុខភាពអាជីវកម្មរបស់អ្នក ជាអ្នកវាស់ពីអនាគតនៃអាជីវកម្ម តាមរយៈប្រព័ន្ធ Business Intelligence ដែលជាបច្ចេកវិទ្យាមួយសម្រាប់វិភាគនិងបង្ហាញទិន្នន័យដែលពាក់ព័ន្ធនឹងអាជីវកម្ម៕
