ទីផ្សារមូលបត្រគឺជាកន្លែង​ដែល​ប្រមូល​គៀងគរ​នូវ​មូលធន ដែល​​សំដៅដល់ទីកន្លែងលក់-ទិញមូលបត្រ និយាយសមញ្ញ យើងអាចហៅទីផ្សារមូលបត្រថាជា “ ទីផ្សារភាគហ៊ុន”។ ​ទស្សនៈ​សម័យ​ទំនើប​នៃ​ការបង្កើត​ទីផ្សារ​ភាគហ៊ុន បានចាប់ផ្ដើម​តាំងពី​ចុង​សតវត្ស​ទី​១៦​។ ទីផ្សារ​ភាគហ៊ុន​ត្រូវបាន​ចាប់ផ្ដើម​នៅពេល​បណ្ដា​ប្រទេស​នៅក្នុង​ទ្វីបអឺរ៉ុបមុន​គេ​ បន្ទាប់​មក​ទោះប​នៅ​អាមេរិក (The New World) ​ដែល​បានចាប់ផ្ដើម​ធ្វើ​ពាណិជ្ជកម្ម​ជាមួយ​ប្រទេស​ដទៃទៀត​ដែលមាន​ដូចជា​ហូ​ឡង់ ព័រ​ទុយ​ហ្គា​ល់ និង​អេ​ស្ប៉ា​ញ​។ នៅលើពិភពលោកនេះ មានផ្សាមូលបត្រជាច្រើន ប៉ុន្តែថ្ងៃនេះ BizKhmer សូម លើកយកផ្សារមូលបត្រក្នុងតំបន់អាស៊ីអាគ្នេយ៍ ដើម្បីជាការស្វែងយល់បន្ថែម៖ Indonesia Indonesia Stock Exchange  (IDX) ជាផ្សារមូលបត្រចំណាស់ជាងគេក្នុងចំណោមផ្សារមូលបត្រអាស៊ីអាគ្នេយ៍ដែលត្រូវបានបង្កើតឡើងក្នុងឆ្នាំ ១៩១២ ដែលមានអាយុកាលប្រមាណ​ ១០៦ឆ្នាំ ស្ថិតនៅក្នុងប្រទេស​ ឥណ្ឌូនេស៊ី។ នៅក្នុងឆ្នាំ 2017 Indonesia stock Exchange បានច្របាច់បញ្ចូលគ្នាជាមួយ Surabaya Stock Exchange ។​ នៅចុងឆ្នាំ ២០១៧ Indonesia stock Exchange មានក្រុមហ៊ុនចុះបញ្ចីចំនួនប្រមាណ ៥៦៧​​ ក្រុមហ៊ុន។ Jarkatar Future Exchange(JFX) ជាផ្សារមូលបត្រទី ២ បន្ទាប់ពីផ្សារមូលបត្រឥណ្ឌូនេស៊ី បង្កើតឡើងក្នុងឆ្នាំ ១៩៩៩ ស្ថិតនៅក្នុងទីក្រុង ចាការតា ប្រទេសឥណ្ឌូនេស៊ី។ Philippine Philippine Stock Exchange​ (PSE) ផ្សារមូលបត្របង្កើតឡើងក្នុងឆ្នាំ ១៩២៧ មានអាយុកាលប្រមាណ ៩១ឆ្នាំ ។ ជាផ្សារមូលបត្រជាតិនៃប្រទេស ហ្វីលីពីន។ នៅក្នុងឆ្នាំ ១៩៩២ ត្រូវបានច្របាច់បញ្ចូលគ្នាជាមួយ ផ្សារមូលបត្រ Manila & Makati Stock Exchange។ បើតាមការចេញផ្សាយកាលពីឆ្នាំ ២០១២ ផ្សារមូលបត្រ Philippine ទទួលបានក្រុមហ៊ុនចុះបញ្ជីប្រមាណ ៣៤៤ ក្រុមហ៊ុន។ Philippine dealing Exchange(PDEX) ជាផ្សារមូលបត្រ ទី២​ នៃប្រទេសហ្វីលីពីន បង្កើតឡើងក្នុងឆ្នាំ ២០០៥ ស្ថិតនៅក្រុង មេដទ្រូ ម៉ានីឡា នៃប្រទេសហ្វីលីពីន។ Malina Commodity Exchange(MCX) បង្កើតឡើងក្នុងឆ្នាំ ២០១១ ជាផ្សារមូលបត្រទី ៣ នៃហ្វីលីពីនដែលស្ថិតនៅ​ទីក្រុងមេដដ្រូ ម៉ាលីណាន។ Malaysia Bursa Malaysia Berhad (MYX) បង្កើតឡើងក្នុងឆ្នាំ ១៩៦៤ នៅក្នុងប្រទេសម៉ាឡេស៊ីដែលមានអាយុកាល ៥៤ ឆ្នាំ។ មានក្រុមហ៊ុនចុះបញ្ជីប្រមាណ ៨០០ក្រុមហ៊ុនដែល​បានចុះបញ្ជី នេះបើយោងតាម  ​ទិនិ្នន័យរបស់ ​​Bursa Malaysia Berhad បានចេញផ្សាយ។ Malaysia Derivatives Exchange បង្កើតឡើងក្នុងឆ្នាំ​ ១៩៨០ ស្ថិតនៅទីក្រុងកូឡាឡាំពួរ នៃប្រទេស ម៉ាឡេស៊ី។ MESDAQ បង្កើតឡើងក្នុងឆ្នាំ ​១៩៩៧ ស្ថិតនៅក្នុងទីក្រុងកូឡាឡាំពួរប្រទេស ម៉ាឡេស៊ី។ Singapore Stock Exchange of Singarpor (SES) Stock Exchange of Singapore បង្កើតឡើងក្នុងឆ្នាំ ១៩៧២ នៅក្នុងប្រទេសសឹង្ហបុរី​។ បើតាមទិន្នន័យដែលបានចេញផ្សាយកាលពីថ្ងៃ ១០ ខែមករា ឆ្នាំ ២០១០ ចំនួនក្រុមហ៊ុនដែលបានចុះបញ្ជី​មានចំនួន​ ៦៤០ ក្រុមហ៊ុន បានចុះបញ្ជីក្នុងផ្សារគោល និងមាន១៣៤ ក្រុមហ៊ុនចុះបញ្ជីក្នុងផ្សារកំណើន។ Singapore Exchange  (SGX) ជាផ្សារមូលបត្រទី​ ២ បន្ទាប់ពីផ្សារមូលបត្រ Singapore Stock Exchange បង្កើតឡើងក្នុងឆ្នាំ ១៩៩៩ ស្ថិតនៅទីក្រុងសិង្ហបុរី នៃប្រទេសសិង្ហបុរី។ Thailand Stock Exchange of Thailand (SET) ជាផ្សារមូលបត្រជាតិនៃប្រទេសថៃត្រូវបានបង្កើតឡើងក្នុងឆ្នាំ ១៩៧៥។ នៅចុងឆ្នាំ ២០១៧ ផ្សារមូលបត្រថៃ មានក្រុមហ៊ុន​ចំនួនប្រមាណ ៦៨៨ ក្រុមហ៊ុនដែលបានចុះបញ្ជី។ Market of Alterative Investment(MAI) ជាផ្សារមូលបត្រថៃទី ២ បង្កើតឡើងក្នុងឆ្នាំ ១៩៩៩ ស្ថិតនៅទីក្រុងបាំងកក ប្រទេសថៃ។ Bond Electronic Exchange (BEX) ជាផ្សារមូលបត្រទី ៣ នៃប្រទេសថៃ បង្កើតឡើងក្នុង​ ២០០៣ ស្ថិតនៅ​ទីក្រុងបាងកក​ ប្រទេស​ថៃ។ AFET (AFEX) ផ្សារមូលបត្រទី​៤​ នៃប្រទេសថៃ បង្កើតឡើងក្នុង ឆ្នាំ ២០០៤ ស្ថិតនៅទីក្រុង​បាងកក ប្រទេសថៃ។ Thailand Future Exchange(TFEX) ជាផ្សារមូលបត្រទី ៥ ដែលត្រូវបានបង្កើតឡើងក្នុងឆ្នាំ ២០០៥ នៃប្រទេសថៃ។ Vietnam Ho Chi Minh Stock Exchange (HOSE) បង្កើតឡើងក្នុងឆ្នាំ ២០០០ ស្ថិតនៅទីក្រុង ហូជីមិញ នៃប្រទេសវៀតណាម។ Hanoi Securities Exchange បង្កើតឡើងក្នុងឆ្នាំ ២០០០ ជាផ្សារមូលបត្រទី ២ ដែលស្ថិតនៅក្នុងទីក្រុង ហាណូយ ប្រទេសវៀតណាម។ Cambodia Cambodia Securities Exchange(CSX) ផ្សារមូលបត្រកម្ពុជាបង្កើតឡើងក្នុងឆ្នាំ ២០១១ ។ ផ្សារមូលបត្រកម្ពុជាត្រូវបានបង្កើតឡើង​ដោយមានភាគហ៊ុនរបស់ក្រុមហ៊ុនកូរ៉េ ៤៥% និង កម្ពុជា ៥៥%។ បច្ចុប្បន្នផ្សារមូលបត្រកម្ពុជាមានក្រុមហ៊ុនចុះបញ្ជីបោះផ្សាយមូលបត្រកម្មសិទ្ធចំនួន ៥ នឹងក្រុមហ៊ុនបោះផ្សាយមូលបត្របំណុលចំនួន​១ដែលទើបនឹងចុះបញ្ជី និង នូវមានក្រុមហ៊ុនបន្ថែមទៀតកំពុងត្រៀមខ្លួនចុះបញ្ជី។ ផ្សារមូលបត្រកម្ពុជាស្ថិតនៅទីក្រុងភំ្នពេញ នៃប្រទេសកម្ពុជា។ Myanmar Myanmar Securities Exchange Centre(MSEC) បង្កើតឡើងក្នុងឆ្នាំ​​ ១៩៩៦ ស្ថិតនៅទីក្រុង យ៉ានហ្គង់ ប្រទេសមីយ៉ាន់ម៉ា។ Yangon Stock Exchange(YSX) បង្កើតឡើតក្នុងឆ្នាំ ២០១៥ ជាផ្សាមូលបត្រទី ២ នៃប្រទេសមីយ៉ាន់ម៉ា ស្ថិតនៅទីក្រុង យ៉ាន់ហ្គង់។ ដោយ៖ ច័ន្ទលាភ