អ្នកនឹងកាន់តែឆ្លាត បើធ្វើរឿងទាំងនេះឲ្យបាន ១ម៉ោងក្នុងមួយថ្ងៃ
មនុស្សមានភាពវ័យឆ្លាត អាចចាត់ទុកថា ប្រៀបដូចជាព្រេងសំណាងមួយពីកំណើត។ ប៉ុន្តែចំពោះមនុស្សដែលមិនសូវមានបញ្ញាឆ្លាតវៃវិញ តើអាចជួយឲ្យបុគ្គលនោះឆ្លាតវ័យបានដែរឬទេ? ចម្លើយគឺពិតជាអាចទៅរួច ព្រោះថា ការសិក្សាស្រាវជ្រាវបានបានបង្ហាញថា មនុស្សមិនសូវឆ្លាតអាចក្លាយជាមនុស្សឆ្លាតបានតាមរយៈការអនុវត្ត ទម្លាប់ និង ផ្នត់គំនិត បូករួមទាំងការខិតខំប្រឹងប្រែងនឹងជួយជំរុញឲ្យបុគ្គលនោះឆ្លាតវៃបានដែរ។
ប្រិយមិត្តអាចសាកអនុវត្តគន្លឹះខាងក្រោមនេះយ៉ាងហោចណាស់បាន១ម៉ោងក្នុងមួយថ្ងៃ វានឹងជួយឲ្យអ្នកឆាប់ឆ្លាតជាងមុន៖
១.ចំណាយពេល ១០ នាទីសម្រាប់គិតពិចារណា ជានិច្ចការតើអ្នកមានបានសួរខ្លួនឯងទេថា តើអ្នកចង់ធ្វើអ្វីនៅពេលអនាគត? ហេតុអ្វីបានជាអ្នកធ្វើអ្វីដែលអ្នកកំពុងធ្វើ? តើអ្នកចូលចិត្តអ្វី? តើអ្នកជោគជ័យហើយឬនៅ? ហេតុអ្វីបានជាអ្នកបរាជ័យ? នេះជាសំនួរសំខាន់ៗដែលអ្នកត្រូវសួរខ្លួនឯង ហើយព្យាយាមរកចម្លើយឲ្យបានត្រឹមត្រូវ ដោយហេតុថា មានមនុស្សច្រើនណាស់ដែលសុបិន្ដទាំងកណ្តាលថ្ងៃមិនដឹងថា ខ្លួនឯងកំពុងធ្វើអ្វី។ នៅពេលអ្នកឆ្លើយបានត្រឹមត្រូវហើយ អ្នកនឹងកាន់តែច្បាស់ពីទីតាំងដែលអ្នកកំពុងឈរ ស្គាល់ពីខ្លួនឯង អាចដឹងពីចំណុចខ្លាំង និងចំណុចខ្សោយរបស់ខ្លួន។ សួរខ្លួនឯងនូវសំនួរទាំងនេះរាល់ថ្ងៃ វានឹងជួយដាស់តឿនសតិរបស់អ្នកឲ្យមានភាពម្ចាស់ការលើជីវិតរបស់អ្នក។
២.ចំណាយពេល ២០ នាទីសម្រាប់អាន បើអ្នកគ្មានពេល ប៉ុន្តែមិនគួរណាមិនអាចអ្វីសោះនោះឡើយ។ មួយថ្ងៃៗ គួរចំណាយពេលអានយ៉ាងតិចឲ្យបាន ២០ នាទីដែរ។ សម័យនេះ នៅលើបណ្តេញអ៊ីនធឺណិតមានព័ត៌មានច្រើនណាស់សម្រាប់ផ្តល់ឱកាសឲ្យអ្នកសិក្សាស្វែងយល់ និងទទួលបានចំណេះដឹងថ្មីៗដែលមានតម្លៃ។ បើមិនដូច្នេះទេ គួរទិញសៀវភៅមើលដូចជា សៀវភៅរកស៊ី ប្រវត្តិសាស្ត្រ បច្ចេកវិទ្យា ច្បាប់ សៀវភៅជំរុញលើកទឹកចិត្តជាដើម។ នៅពេលអ្នកអានកាន់តែច្រើន អ្នកនឹងសង្កេតឃើញថា ខួរក្បាលរបស់អ្នកចាប់ផ្តើមខុសប្លែកបន្តិចម្ដងៗ និងទទួលបានគំនិតទូលំទូលាយជាងមុន។ បើអ្នកចំណាយពេល ២០ នាទី ឬ អាន ១៥ ទំព័រក្នុងមួយថ្ងៃ នោះក្នុងមួយឆ្នាំ អ្នកអាចអានចប់សៀវភៅ ១៥ ទៅ ២០ ក្បាលដែរ។
៣.ចំណាយពេល ៣០ នាទីសម្រាប់ផ្ដោតអារម្មណ៍ នៅពេលដែលអ្នកប្រមូលអារម្មណ៍ដក់ជាប់ក្នុងរាងកាយរបស់អ្នកឲ្យនៅតែមួយ ហើយផ្ដោតគិតលើអ្វីមួយ វាប្រៀបដូចខ្លួនអ្នកកំពុងបើកបង្អួចសម្រាប់អ្នកឲ្យស្វែងយល់ថា ការគិត និងអានគឺមិនទាន់គ្រប់គ្រាន់នៅឡើយទេ។ អ្នកភ្លេងលេងភ្លេងបានល្អព្រោះប្រមូលអារម្មណ៍លើការលេងឲ្យត្រូវចង្វាក់ភ្លេង។ ជាងគំនូរ គូររូបបានល្អ ព្រោះពួកគេបានផ្ដោតអារម្មណ៍មកលើផ្ទាំងរូបភាព និងដៃកាន់ដងជក់ដ៏ប៉ិនប្រសព្វរបស់ពួកគេ។ នេះមានន័យថា នៅពេលអ្នកកំពុងបំពេញការងារអ្វីក៏ដោយ ប្រសិនបើអ្នកយកចិត្តទុកដាក់ ដាក់អារម្មណ៍លើការងាររបស់អ្នក វានឹងទទួលបានលទ្ធផលល្អជាលំដាប់?
ប្រភព៖ cnbc
