សម្រង់សម្ដី ៧ឃ្លាដែលបង្កប់ដោយអត្ថន័យជីវិត
ជីវិតរបស់មនុស្សម្នាក់ៗមានតម្លៃមិនអាចកាត់ថ្លៃបាន។ ដូចនេះ កុំខ្ជះខ្ជាយជីវិតរបស់អ្នកទៅធ្វើរឿងដែលមិនមានប្រយោជន៍ អ្នកគួរតែព្យាយាមអភិវឌ្ឍខ្លួនរបស់អ្នកឲ្យរីកចម្រើនរុងរឿងដើម្បីខ្លួនអ្នក គ្រួសាររបស់អ្នក និងសង្គមជាតិរបស់អ្នក។
ដូចនេះ ថ្ងៃនេះ BizKhmer សូមលើកយកនូវសម្រង់សម្ដីទាំង ៧ឃ្លាដែលបង្កប់ដោយអត្ថន័យក្នុងជីវិត មកចែកជូនមិត្តអ្នកអាន៖
១) «ពួកយើងគិតច្រើនហួសហេតុហើយមានមនោសញ្ចេតនាតិចតួចពេក។ លើសពីម៉ាស៊ីន ពួកយើងត្រូវការមនុស្សជាតិ លើសពីភាពឈ្លាសវៃ ពួកយើងត្រូវការមនុស្សធម៌និងភាពស្លូតបូត។ បើគ្មានគុណសម្បត្តិទាំងអស់នេះទេ ជីវិតអ្នកនឹងក្លាយជាគ្មានន័យហើយអ្វីៗទាំងអស់នឹងវង្វេងជាមិនខាន»។ Charlie Charplin
២) «នៅចុងបញ្ចប់នៃជីវិត អ្វីៗទាំងអស់គ្រាន់តែជារឿងកំប្លែងប៉ុណ្ណោះ»។ Charlie Charplin
៣) «អ្នកមិនអាចការពារខ្លួនឯងពីទុក្ខព្រួយបានដោយមិនការពារខ្លួនឯងពីសេចក្ដីសុខនោះឡើយ»។ Jonathan Safran Foer
៤) «មានពេលខ្លះអ្នកមិនដឹងពីតម្លៃនៃរបស់អ្វីមួយទាល់តែពេលមួយវាបានក្លាយជាការចងចាំ»។ Dr. Seuss
៥) «បើអ្វីៗទាំងអស់គឺសុទ្ធតែល្អឥតខ្ចោះហើយ នោះអ្នកនឹងមិនអាចរៀនសូត្រ និងអភិវឌ្ឍខ្លួននោះឡើយ»។ Beyonce
៦) «បុគ្គលណាដែលមិនអាចតស៊ូជាមួយនឹងការលំបាកបាន បុគ្គលនោះនឹងមិនអាចរស់នៅនិងមើលឃើញពីរឿងល្អៗនៅក្នុងជីវិតរបស់គេនោះឡើយ»។ សុភាសិតរបស់ជនជាតិជ្វីស
៧) «ភាពស្ងប់ស្ងៀមគឺជាប្រភពនៃសេចក្ដីរឹងមាំដ៏ខ្លាំងក្លា»។ ឡៅជឺ
ដោយ៖ ស្រីពៅ
