ផ្សារហ៊ុនដែលមានអាយុកាលចាស់ជាងគេបំផុត ក្នុងពិភពលោកទាំង៤
ផ្សារហ៊ុនបានបង្កើតឡើងយូរយារណាស់មកហើយ ពោលគឺរាប់សិបឆ្នាំមុនសម័យសង្គ្រាមលោក មកម្លេះ។ ការកកើតឡើងដំបូងគឺមានលក្ខណៈខុសគ្នា ប៉ុន្តែទម្រង់នៃការវិនិយោគប្រហាក់ប្រហែលគ្នា។ លោកអ្នកដែលមិនទាន់បានស្គាល់ច្បាស់ អាចសិក្សាលម្អិតខាងក្រោមនេះ ដែលសុទ្ធសឹងតែជាក្រុមហ៊ុនផ្សារមូលបត្រមានអាយុកាលចាស់ជាងគេនៅលើលោក។
1.Amsterdam stock exchange បានកែប្រែឈ្មោះទៅជា Euronext Amsterdamដែលក្រុមហ៊ុននេះត្រូវបានច្របាច់បញ្ចូលគ្នាជាមួយផ្សារហ៊ុនព្រុចសែលនិងផ្សារហ៊ុនទីក្រុងប៉ារីសដើម្បីបង្កើតជាក្រុមហ៊ុន Euronext នៅថ្ងៃទី 22 ខែកញ្ញាឆ្នាំ2000 ។ បង្កើតនៅក្នុងឆ្នាំ 1602 នៅទីក្រុង Amsterdam ប្រទេស ហុឡង់ដ៍
2.Paris Stock Exchange បានកែប្រែឈ្មោះទៅជា Euronext Paris ដែលជាទីផ្សារមូលប័ត្ររបស់ប្រទេសបារាំង ត្រូវបានគេច្របាច់បញ្ចូលគ្នាជាមួយ ផ្សារហ៊ុនប៉ារីស ដែលបានរួមបញ្ចូលជាមួយផ្សារហ៊ុន Amsterdam, Lisbon និង Brussels នៅក្នុងខែកញ្ញាឆ្នាំ 2000 ដើម្បីបង្កើតក្រុមហ៊ុន Euronext NV ដែលជាផ្សារភាគហ៊ុនធំបំផុតទី 2 នៅអឺរ៉ុបដែលស្ថិតនៅពីក្រោយផ្សារភាគហ៊ុន London Exchange។ បង្កើតឡើងក្នុងឆ្នាំ 1724 នៅក្រុងប៉ារីស ប្រទេសបារាំង
3.Philadelphia Stock Exchange ផ្សារហ៊ុន Philadelphia (PHLX) គឺជាផ្សារហ៊ុនដើមដំបូងបំផុតនៅសហរដ្ឋអាមេរិកដែលត្រូវបានបង្កើតឡើងនៅឆ្នាំ 1790 ។ នៅឆ្នាំ 1949 ត្រូវបានចូលគ្នាជាមួយផ្សារភាគហ៊ុន Baltimore និងផ្សារហ៊ុនទីក្រុងវ៉ាស៊ីនតោននៅឆ្នាំ 1954 ។ PHLX ស្ថិតនៅក្នុងទីក្រុង Philadelphia រដ្ឋ Pennsylvania ។
4.London Stock Exchange នៅឆ្នាំ1801 London Stock Exchange ត្រូវបានបង្កើតឡើងជាផ្លូវការ នៅឆ្នាំ1802 ផ្លាស់ប្តូរទៅអគារទំនើប។ ក្រុមហ៊ុននេះបានគេចផុតពី សង្គ្រាមលោកលើក និង ការទម្លាក់គ្រាប់បែកហើយបានឈរឈ្មោះរហូតដល់សព្វថ្ងៃនេះ។ បច្ចុប្បន្ននេះផ្សារហ៊ុនក្រុងឡុងដ៍ជាផ្សារហ៊ុនធំជាងគេនៅអឺរ៉ុប៕
ដោយ៖ ច័ន្ទលាភ
