សហគ្រិនស្រ្តីឆ្នើម កញ្ញា ថូង ធីតា មានមហិច្ចតាចង់ឲ្យអន្តរជាតិទទួលស្គាល់គុណភាពអំបិលធម្មជាតិខេត្តកំពត
សហគ្រិនស្រ្តីឆ្នើមកញ្ញា ថូង ធីតា ស្ថាបនិកនៃសហគ្រាស Thaung Enterprise ដែលជាសហគ្រាសផលិតនិងវេចខ្ចប់អំបិលធម្មជាតិចេញពីខេត្តកំពត បានបង្ហាញពីមហច្ចតានៃការរំពឹងទុកយ៉ាងមុតមាំ ពីការផ្សព្វផ្សាយអំបិលធម្មជាតិទៅកាន់ប្រជាជនក្នុងស្រុកទេ ក៏ដូចជានៅទីផ្សារក្រៅប្រទេស ដើម្បីឲ្យអន្តរជាតិបានស្គាល់នូវផលិតផលអំបិលធម្មជាតិពីខេត្តកំពត ក៏ដូចជាប្រទេសកម្ពុជាយើង។
សហគ្រិនស្រ្តីវ័យក្មេងរូបនេះ បានលើកឡើងពីលក្ខណៈពិសេសក៏ដូចជាចំណុចខ្លាំងនៃអំបិលធម្មជាតិដែលធ្វើឲ្យសាធារណៈជនទទួលស្គាល់និងគាំទ្រពីគុណភាពគឺ ដោយសារតែផលិតផលអំបិលធម្មជាតិនេះផ្ទុកនូវសារធាតុចញ្ចឹមរហូតជាង៧០មុខ ដែលសុទ្ធសឹងជាសារធាតុចម្បងសម្រាប់ផ្គត់ផ្គង់សារពាង្គកាយរបស់មនុស្ស។ លើសពីនោះទៅទៀត ទាក់ទងនឹងការផលិតវីញ សហគ្រាសរបស់កញ្ញា បានរក្សានូវការផលិតបែបប្រពៃណីដែលធ្វើឲ្យអ្នកនៅខាងក្រៅប្រទេសអាចស្គាល់ច្បាស់ថាវាគឺជាផលិតផលរបស់ខ្មែរ។ កញ្ញា ធីតា រំពឹងថា នៅក្នុងឆ្នាំ២០២០ ខាងមុខនេះសហគ្រាសផលិតអំបិលធម្មជាតិរបស់កញ្ញានិងអាចនាំអំបិលចេញទៅលក់នៅប្រទេសជាច្រើនផងដែរ។
អ្នកស្រីបានរៀបរាប់ដូចច្នេះថា ៖«អំបិលធម្មជាតិ នៃសហគ្រាសរបស់នាងខ្ញុំ គឺផ្ដោតទៅលើគុណភាពជាចម្បង ដែលជាការចូលរួមចំណែកមួយផងដែរនៅក្នុងការផលិតចំណីអាហារសុខភាព នឹងម្យ៉ាងវិញទៀត គឺដើម្បីពញ្ញាក់អារម្មណ៍ប្រជាជនកម្ពុជាយើងឲ្យគាត់យល់ដឹងពីការប្រើប្រាស់ក៏ដូចជាការផលិតនូវចំណីអាហារសុខភាព ដើម្បីយើងអាចធ្វើការប្រកួតប្រជែងនៅលើទីផ្សារជាតិ និងអន្តរជាតិបាន»។
គួរបញ្ជាក់ផងដែរថា សហគ្រាសផលិតអំបិលធម្មជាតិ Thoung Enterprise របស់កញ្ញា ថូង ធីតា ត្រូវបានបង្កើតឡើងនៅចុងឆ្នាំ២០១៦ ដែលដំបូងឡើយគ្រាន់តែជាអាជីវកម្មលក្ខណៈគ្រួសារប៉ុណ្ណោះ ប៉ុន្តែក្រោយមកក៏បម្លែងទៅជាសហគ្រាសផលិតអំបិលធម្មជាតិដែលផ្ដោតសំខាន់លើគុណភាព អនាម័យ និងការវេចខ្ចប់៕
អត្ថបទដោយ៖ ជួប ស្រីរ័ត្ន
សហគ្រិនស្រ្តីវ័យក្មេងរូបនេះ បានលើកឡើងពីលក្ខណៈពិសេសក៏ដូចជាចំណុចខ្លាំងនៃអំបិលធម្មជាតិដែលធ្វើឲ្យសាធារណៈជនទទួលស្គាល់និងគាំទ្រពីគុណភាពគឺ ដោយសារតែផលិតផលអំបិលធម្មជាតិនេះផ្ទុកនូវសារធាតុចញ្ចឹមរហូតជាង៧០មុខ ដែលសុទ្ធសឹងជាសារធាតុចម្បងសម្រាប់ផ្គត់ផ្គង់សារពាង្គកាយរបស់មនុស្ស។ លើសពីនោះទៅទៀត ទាក់ទងនឹងការផលិតវីញ សហគ្រាសរបស់កញ្ញា បានរក្សានូវការផលិតបែបប្រពៃណីដែលធ្វើឲ្យអ្នកនៅខាងក្រៅប្រទេសអាចស្គាល់ច្បាស់ថាវាគឺជាផលិតផលរបស់ខ្មែរ។ កញ្ញា ធីតា រំពឹងថា នៅក្នុងឆ្នាំ២០២០ ខាងមុខនេះសហគ្រាសផលិតអំបិលធម្មជាតិរបស់កញ្ញានិងអាចនាំអំបិលចេញទៅលក់នៅប្រទេសជាច្រើនផងដែរ។
អ្នកស្រីបានរៀបរាប់ដូចច្នេះថា ៖«អំបិលធម្មជាតិ នៃសហគ្រាសរបស់នាងខ្ញុំ គឺផ្ដោតទៅលើគុណភាពជាចម្បង ដែលជាការចូលរួមចំណែកមួយផងដែរនៅក្នុងការផលិតចំណីអាហារសុខភាព នឹងម្យ៉ាងវិញទៀត គឺដើម្បីពញ្ញាក់អារម្មណ៍ប្រជាជនកម្ពុជាយើងឲ្យគាត់យល់ដឹងពីការប្រើប្រាស់ក៏ដូចជាការផលិតនូវចំណីអាហារសុខភាព ដើម្បីយើងអាចធ្វើការប្រកួតប្រជែងនៅលើទីផ្សារជាតិ និងអន្តរជាតិបាន»។
គួរបញ្ជាក់ផងដែរថា សហគ្រាសផលិតអំបិលធម្មជាតិ Thoung Enterprise របស់កញ្ញា ថូង ធីតា ត្រូវបានបង្កើតឡើងនៅចុងឆ្នាំ២០១៦ ដែលដំបូងឡើយគ្រាន់តែជាអាជីវកម្មលក្ខណៈគ្រួសារប៉ុណ្ណោះ ប៉ុន្តែក្រោយមកក៏បម្លែងទៅជាសហគ្រាសផលិតអំបិលធម្មជាតិដែលផ្ដោតសំខាន់លើគុណភាព អនាម័យ និងការវេចខ្ចប់៕
អត្ថបទដោយ៖ ជួប ស្រីរ័ត្ន
